Тарихи шындық пен көркемдік шешім. Махамбет Өтемісұлы. «Махамбеттің Баймағамбетке айтқаны», «Мен, мен, мен едім», «Бағаналы терек». Қазақ әдебиеті, 9 сынып, қосымша материал. 6-сабақ.

1-үзінді

Еділдің бойы ен тоғай

Ел қондырсам деп едім.

Жағалай жатқан сол елге

Мал толтырсам деп едім.

Еңсесі биік ақ орда

Еріксіз кірсем деп едім.

Керегесін кескілеп,

Отын етсем деп едім.

Туырлығын тескілеп,

Тоқым етсем деп едім.

Тақта отырған хандардың

Төрде отырған ханымын

Қатын етсем деп едім.

Әлдилеген баласын

Жетім етсем деп едім.

www.zharar.com/kz/olen/1259-mahambet.html

2-үзінді

Бағаналы терек жарылса,

Бақыраш жамап болар ма?!

Қарағайға қарсы бұтақ біткенше,

Еменге иір бұтақ бітсейші

Қыранға тұғыр қыларға.

Ханнан қырық туғанша,

Қарадан бір-ақ тусайшы,

Халықтың кегін қусайшы,

Артымыздан біздердің

Ақырып теңдік сұрарға!

http://bilim-all.kz/olen/1608

3-үзінді

Біз бір енеден бір едік,

Бір енеден екі едік,

Екеуіміз жүргенде,

Бір - бірімізге ес едік.

Бір енеден үш едік,

Үшеуіміз жүргенде,

Толып жатқан күш едік.

Бір енеден бес едік,

Бесеуіміз жүргенде,

Алашқа болман деуші едік.

Өтемістен туған он едік,

Онымыз атқа мінгенде,

Жер қайысқан қол едік.

http://bilim-all.kz/olen/1624-Mahambettin-Baimagambet-sultanga-aitqany

4-үзінді

Мен кесекті ердің сойымын,

Кескілеспей бір басылман.

Алдыңа келіп тұрмын деп,

Ар - намысым қашырман.

Сүйегім тұтам қалғанша,

Тартылмай сөйлер асылмын.

Шамдансам жығар асаумын,

Шамырқансам сынар болатпын,

Кәр қылар деп, «тақсыр - ау!»

Аяғыңа бас ұрман.

Бәйеке «сұлтан», ақ сүйек,

Қыларың болса қылып қал,

Күндердің күні болғанда,

Бас кесермін, жасырман!

http://bilim-all.kz/olen/1624-Mahambettin-Baimagambet-sultanga-aitqany