Роза Мұқанова «Мәңгілік бала бейне». Қазақ әдебиеті, 8 сынып, сабақ жоспары. 2-сабақ.

Ұзақ мерзімді жоспар бөлімі: Мектеп:

ІV Қиял мен шындық

Уақыты: мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

Оқушыларды шағын жұмыс топтарына Ай, Ай мен қыз бейнеленген суреттер арқылы бөлу.

1. Өткен сабақ пен жаңа тақырыпты байланыстыру.

Мұғалімнің жалпы сынып оқушыларына қояр сұрақтары:

- шығарманың басты кейіпкері кім?

- Ләйлә оқырманға өзін қалай таныстырады? (кейіпкер сөзін жатқа оқу сұралады)

- кейіпкер сөзінің астарынан не байқалады?

2. Сабақ тақырыбы мен мақсаты, бағалау критерийі таныстырылады.

3. Жаңа тақырыпты меңгерту

1-тапсырма.

С. Макротұжырым: Адам

Микротұжырым: Қыз

Тұжырымдамалық пайымдау: Қыз өссе – елдің көркі.

Фактологиялық сұрақ:

Қазақ қыз баланы қалай қадірлейді? (қыз -қонақ, қыз-өмірдің қызғалдағы т.б.)

Тұжырымға негізделген сұрақ: Автор Ләйлә қыздың тағдыры арқылы не айтқысы келді?

Талқылау: Ал Ләйлә туып-өскен ауылдың жан-жарасы жазыла ма? Бұл бір Қарауылдың ғана қайғысы ма?

2-тапсырма

а) Оқушылар кейіпкер бейнесін ашу үшін FILA кестесімен жұмыс жасайды.

ә) Топ мүшелері міндеттерін бөліседі: көшбасшы, хатшы, спикер, уақытты бақылаушы, бағалаушы.

4.Топ жауаптарын тыңдау, өзара бағалау (5 мин.)

Топ мүшелері өздері анықтаған мәселелерді және оларды шешу жолдарын ортаға салып бөліседі.

Қабілеті жоғары оқушылар зерттеуді талап ететін сұрақтар мен іс-әрекет жоспарын белгілейді.

Қабілеті төмендеу оқушылар мәліметтер мен идеяларды тізеді.

Дескриптор

- шығарма тақырыбына қатысты қойылған сұрақтарға жауап береді;

- мәселені анықтайды;

- зерттеу сұрақтарын нақтылайды;

- шешімдер жоспарын құрады;

- топ жауабын таныстырады.

5. Мұғалімнің қорытынды сөзі:

«Бүкіл адамзат баласы азат болмайынша, ешкім ерікті бола алмайды, барлық адам баласы бір-біріне сүйіспеншілікпен қарамайынша, ешкім де толыққанды сүйікті бола алмайды. Жер бетінде бақытсыздар байрағы желбіреп тұрғанда, ешкім де ерекше бақытты бола алмайды».

ағылшын философы Г.Спенсер

6. Мұғалімнің сындарлы кері байланысы.

7. Ой-толғаныс кезеңі

Жазушы стилімен үш минуттық эссе жазу тапсырмасы беріледі. Тақырыбы:

«Ай астында армандар алдамайды» (Ләйләнің монологы).

Бірнеше оқушының жауаптары тыңдалып, бағаланады.

8. Рефлексия

Сабақта не қызықтырды?

Не қиындық келтірді?

Не оңай болды?

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Дифференциацияны берілетін тапсырма, күтілетін нәтиже, оқу материалдарын таңдау және ресурстармен жұмыс жасауда оқушының жеке қабілетін ескеріп, қолдау көрсету, бөлінетін уақыт, қолданылатын дереккөздер арқылы жүзеге асыруға болады. Дифференциация сабақтың кез келген бөлімінде қолданылады.