Роза Мұқанова «Мәңгілік бала бейне». Қазақ әдебиеті, 8 сынып, сабақ жоспары. 4-сабақ.

Ұзақ мерзімді жоспар бөлімі: Мектеп:

ІV Қиял мен шындық

Уақыты: мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

1.Ойқозғау. Берілген суретке қарасақ ол қай шығарманы еске түсіреді?

Жазушы Ғ.Мүсіреповтың «Жапон балладасы» туралы жалпы мәлімет еске түсіріледі. https://bilimland.kz/kk/courses/qazaq-adebieti/6-synyp/lesson/habit-musirepov-zhapon-balladasy

(1.52 минут)

Біз оқып жатқан «Мәңгілік бала бейне» әңгімесімен байланысы бар ма? Иә, бар:

• тақырыбы жағынан;
• көтерілген мәселесі ортақ;
• кейіпкерлер тартқан қасірет;
• жауыздықтың шектен шыққан түрі т.б.

2. Сабақ тақырыбы, оқу мақсаты, бағалау критерийлері таныстырылады.

3. Жаңа тақырыпты меңгерту.

1-тапсырма. Оқушылар екі шығарманың ұқсастығы мен айырмашылығын Венн диаграммасы арқылы көрсетеді.

2-тапсырма. Берілген үзінділерді оқып, «Қос жазба күнделігін» толтырады.

1-үзінді: Қазір мен ақ қанды адаммын. Қызыл қан азая-азая сарқылып келеді. Жиырма жыл жасау үшін де аз арпалысқаным жоқ. Әлі де алысып көремін... Жасым әлі қырыққа жеткен жоқ. Кейде үйленгім келеді. Қиқы-шойқы, шалажансар бір мүгедек туып жүрсе қайтерміз?

Тегінде, доктор дұрыс айтқан болар. Еркекше шыдау керек болатын шығар...

«Жапон балладасы»

2-үзінді: «Шіркін-ай, шіркін-ай десейші! Менен басқаның бәрі де бақытты, бәрі де көңілді. Бұл дүниенің бар бақыты - он екі мүшеңнің саулығында екен ғой. Көпке қиған бақыттың өзіне зар болған қандай сормаңдай едім». Ләйлә той өтіп жатқан үйдің көңілді адамдарына қызыға қарады. Бұршақ-бұршақ болып төгілген көз жасын әлсін-әлсін ел көзінен жасырып сүрте берді. «Білемін, өспеймін. Құдірет-ау, басқа мазағың жетпегендей, әлі көрсетер қасіретің көп пе? Онан да біржола жоқ етіп неге жібермейсің. Heгe, неге? Саған да керегім жоқ па, менің қасиетсіз бейнеме ыржалаңдап күлгің келе ме? Көңіліңе басқа ермек таппай, мәңгі өспейтін қыз тағдырын қызықтайын дедің бе?»

«Мәңгілік бала бейне»

3-тапсырма. Екі шығарманың тарихи-көркемдік құндылығын бағалау мақсатында «Бір тезис, үш дәлел» кестесін толтырады.

Дескриптор

• екі шығарманың ұқсастығы мен айырмашылығын анықтайды;
• ортақ белгілерін көрсетеді;
• үзінділерді оқиды;
• дәйексөздерді теріп жазады;
• оларға түсінік береді;
• туындылардың тарихи-көркемдік құндылығын бағалайды.

Қабілеті жоғары оқушылар әңгімелерден дәйекті мысалдар келтіре отырып олардың арасындағы байланысты түсіндіре алады.

Қабілеті төмендеу оқушылар әңгіме мазмұнын баяндайды.

5. Мұғалім деңгейлік тапсырмалардың орындалу барысын бақылау парағына белгі қою арқылы тексереді.

6. «Төрт сөйлем» әдісі бойынша тақырыпты қорытындылайды.

Пікір. Оқыған мәтін бойынша өзіндік пікіріңізді бір сөйлеммен жазыңыз.

Дәлел. Өз пікіріңізді бір сөйлеммен дәлелдеңіз.

Мысал. Пікіріңізді өмірмен байланыстырып, мысал келтіріңіз.

Қорытынды. Тақырып бойынша қорытынды шығарыңыз.

7. Оқушылар жауаптарын оқып, «Екі жұлдыз, бір тілекпен» өзара баға береді.

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Дифференциацияны берілетін тапсырма, күтілетін нәтиже, оқу материалдарын таңдау және ресурстармен жұмыс жасауда оқушының жеке қабілетін ескеріп, қолдау көрсету, бөлінетін уақыт, қолданылатын дереккөздер арқылы жүзеге асыруға болады. Дифференциация сабақтың кез келген бөлімінде қолданылады.