Ж.Сахиев «Айдағы жасырынбақ» әңгімесі. Қазақ әдебиеті, 8 сынып, дидактикалық материал. 8-сабақ.

Сұрақтар планетарийі

Планетарий туралы не білесіз?

Қазақстанда планетарийлар бар ма?

Сіз онда болдыңыз ба?

Өткен сабақтағы алған біліміңіз бойынша сұрақтар құрастырыңыз. Өзге топқа ұсыныңыз. Ол топ сұрақтарды талқылап, ой қорытады.

Сұрақ үлгілері:

1. Пролог шығарманың қандай бөлігі?

2. Планетолог деген кім?

3. Мергеннің әкесі немен айналысады, мамандығы кім?

4. Мерген деген кім?

5. Мұғалімнің есімі кім?

6. Ол оқушылардын не туралы сұрады?

7. Сартай деген кім?

8. Сартай мен Мерген қандай оқиғаға тап болды?

9. Шығармада қандай проблема көтерілген?

10. Неге әңгіме «Айдағы жасырынбақ» деп аталған?

11. Эпилог дегеніміз не?

12. «Айдағы жасырынбақ» әңгімесінің эпилогында не айтылады?

«Сұрыптап талдау»  әдісі«Айдағы жасырынбақ» әңгімесінің эпизодтарын топта оқыңыз.

А тобы – Шығармадан үзінді келтіре отырып планетаның ластануына өз көзқарасыңызды білдіріңіз.

Ә тобы – Шығарманың көбірек әсер еткен эпизоды. Осы эпизодтың шығармаға арқау болуына түрткі болған ой.

Б тобы – Шығарманың кез келген эпизодын алып тастасақ, шығарманың идеясы өзгере ме? Неге? Эпизодтардың бір-бірінен айырмашылығы туралы не айтасың?В тобы – Эпизодтарда адамдар бейнесі қалай көрсетілген? Кейіпкерлер іс-әрекетін қандай мақал-мәтелмен түйіндеуге болады? Неге?

Блум таксономиясы

«Рефлексиялық эссе» әдісі

Ж.Сахиевтің «Астрономия» энциклопедиясында ата-бабаларымыздың жұлдызды әлемге қай кезден назар аударып, жұлдыздар мен аспан денелері жайлы ғылыми негізді аңыздар тудырып, оларды күнделікті тіршілік пен ауа райын алдын ала болжауға қалай пайдаланғаны, осы жолдағы халық ырымдары берілген. Одан әрі қарай астрономия ғылымының ел-елде қалыптасу тарихы, астрономиялық құралдардың жасала бастауы мен олардың жетілдірілуі баяндалған.

Өтеш Өтеуліұлы

Оқушылар пікірді оқып, пікір бойынша туындаған ойларын «Айдағы жасырынбақ» әңгімесімен байланыстырып кері байланыс эссесін жазады: