Р.Мұқанова «Мәңгілік бала бейне» әңгімесі. Қазақ әдебиеті, 8 сынып, дидактикалық материал. 19-сабақ.

Таратпа материал

«Дөңгелек үстел» әдісі

1-қадам. Мәселенің қойылуы: Шығарманың композициялық құрылымына кешенді талдау жасау;

Композициялық құрылысына талдау. 

• Сюжеттің басталуы – кіріспесі, қарым-қатынасқа түспес бұрынғы хал-жағдай, оқиға орны. 

• Сюжеттік байланыс – адамдар арасындағы әрекеттің басы, тартыстың басталуы. 

• Шиеленісуі – оқиғаның адамдар арасындағы іс-әрекеттің шиеленісіп, ширығуы. 

• Шарықтау шегі – ең жоғарғы сатысы, адамдар арасындағы қимыл-әрекеттің күшейіп, өрістеп шығуы. 

• Шығарманың шешімі – суреткердің өзі суреттеп отырған өмір шындығына өзі шығарған үкімі, нақты нәтиже, оқиғаға қатысушылардың ең соңғы халі. 

2-қадам. Кіші топтарға бөлу;

3-қадам. «Дөңгелек үстел» жұмысының ережесі бойынша:

• Әр сөйлеуші берілген мәселе бойынша пікірін, ойын бір параққа жазады да, сол жағындағы қатысушыға жылжытады, келесі оқушы тағы да сол қағазға пікірін, ойын жазып, көршісіне береді.
• мүмкіндік болса, әр қатысушының ойын жазатын қаламының түсі әртүрлі болуы керек;

4-қадам. «Дөңгелек үстелдің» ережесіне сәйкес мәселе жайлы пікірталас;

5-қадам.Кіші топтардағы әңгіме нәтижесін түйіндеу;

6-қадам.«Дөңгелек үстел» қатысушыларының әңгімелері нәтижесінде ой қорытындысын жасау, рөлге еніп кейіпкер бейнесін сомдау.