М.Дулатұлы «Бақытсыз Жамал» романы. Қазақ әдебиеті, 8 сынып, қосымша материал. 3-сабақ.

Мұғалімге әдістемелік нұсқаулық

Сабақтың жүргізілу барысы келесі әдістер арқылы тапсырмалыр ұйымдастыруға болады.

«Шеңбердегі сұрақтар» әдісі

1.Роман мазмұнын еске түсіріп, ондағы оқиғалар бойынша қағаз қиықтарына сұрақтар жазады.

Сұрақтар құрастыруда роман мазмұны бойынша мынадай оқиғалар желісі ұсынылады:

• .Роман басындағы көңіл күй.
• Ұлықтың келуі, ауылнайдың әңгімесі,Сәрсенбайдың қуанышы.                                    
• Жамалдың оқуы, Ғазиз мұғалімнің әрекеті.
• Жамалдың бақытты сәттері.
• Жамалдың  бақытсыздығы, ажал құшуы

2. Дайын сұрақтарды шеңбердің ортаңғы аймағына лақтырады.

3. Барлығы орындарынан тұрып ортада жатқан сұрақтарды алады.

4. Кезегімен немесе қалаулары бойынша сұрақтарға жауап береді.

«Таңдау және негіздеу» әдісі

• Шығарма кейіпкерлерінің аттары жазылған қима қағаздар топтарға таратылады.

(Байжан, Сәрсенбай, Жұман, Жамал,Ғали, Нүрпейіс, Қалампыр, Ғазиз, Шолпан)

• Образдар жүйесі бойынша тақтада ілініп тұрған қоржындарға кейіпкерлердің аттары жазылған қағаздарды салады.
• Төмендегі образ түрлеріне түсінік береді.
• Шығарма кейіпкерлерінің осы образға жататындығын романнан мысалдар келтіру арқылы негіздейді.
• Образдарды сомдауда автор қолданған тәсілдерді анықтайды.

«Концептуалдық кесте» әдісі

Жамал бейнесін жасауда автор қолданған мінездеулерді үзінділерден тауып, өзіндік пікір білдіріңіз.