М.Мақатаев «Аққулар ұйықтағанда» поэмасы. Қасиет пен қасірет. Қазақ әдебиеті, 8 сынып, қосымша материал. 28-сабақ.

Мұғалімге сабақ барысында тапсырмаларды ұйымдастыруға қажетті нұсқаулықтар

«Шеринг» әдісі

• М.Мақатаев шығармасында қасірет пен қасиет деген ұғымдарды қалай жеткізген?

• Топ дөңгеленіп отырып, қатысушыларға мүсін (аққу, ана, бала, т.б.) беріледі.
• Мүсінді бір-біріне кезектесіп беріп, талдаулар барысында қасірет пен қасиет ұғымдарына қатысты есте қалған оқиғаларды айтады.

4-тапсырма. «Қабырға газеті» әдісі

• Өлең жолдарындағы ақынның ішкі сыры, сезімі, толғанысы қандай мәселе көтереді?
• Дәстүрлер: Кеше. Бүгін. Ертең

1-қадам.

• «Аққулар ұйықтағанда» поэмасынан берілген үзіндіні оқиды;
• Үзіндіде ақын көтерген мәселені талқылайды;
• Оқушылар түрлі-түсті қағаздардан өздеріне ұнаған түсті таңдап, әртүрлі кескіндер қиып алады (үшбұрыш, төртбұрыш, шеңбер, т.б.), жанр таңдап (өлең, әңгіме, ертегі, аңыз т.б.), шығарма оқиғасын өз көзқарасымен дамытып жазады. (2-3 сөйлем)

2-қадам. Қабырға газеті бөлме қабырғасына ілінеді;

3-қадам. Галереяға саяхат – мұғалім белгі берісімен топтар қабырға газеттерін қарайды, сараптайды және тапсырма жазылған қағазға пікірін немесе сұрағын жазып кетеді.

4-қадам. Галереяға саяхат аяқталған соң, топ мүшелері өз қабырға газеттеріне жазылған сыныптастарының пікірін сараптайды, талқылайды, сұрақтарға жауап береді және қорытынды жасайды.