Қорқыт «Байбөрі баласы Бәмсі-Байрақ туралы жыр». Қазақ әдебиеті, 8 сынып, қосымша материал. 2-сабақ.

1-тапсырма ЖЖ.

«Тақырыптық түйінді сөздер»

1-қадам.

Жұбыңызбен ақылдаса отырып, слайдта көрсетілген «Сөздер банкісінен» түйінді сөздердің қай кейіпкерге қатысты екенін анықтаңыздар.

Сөздер банкісі:

• Басына менің тәжімді киер ұл жоқ.
• ...хан баласындай сұлу жігіт отыр.
• Сол қыз орнынан менен бұрын атқа мінетін қыз болсын.
• Қарындасына құда түскелі барғандарды өлтіре беретін мінезі бар.
• «О, сұлтаным, Байрақтың өлі-тірісін мен барып біліп қайтайын», - деп сұранды.

2-қадам ТЖ.

Кейіпкерлер есімдерін «Біздің тақырып» деген бөлікке ауыстырып жазыңыздар. Жырдан кейіпкерді сомдауда қолданылған мінездеулерді теріп жазып, мінездеу түрлерін (тура немесе жанама) ажыратыңыздар. Белгіленген мерзім аяқталғаннан кейін өзара алмасып, қажеттілік туған жағдайда бір-біріңіздің жұмыстарыңызға толықтырулар не түзетулер енгізіңіздер.

2-тапсырма ТЖ.

Үзінділердегі образдар мен олардың іс-әрекеттерін сипаттайтын тірек сөздерді матрицаға орналастырыңыздар. Осы сөздердің Бәмсі-Байрақ образын ашудағы нақты әсерін, жырдағы кейіпкерлерді сомдауда көрінген тура және жанама мінездеулерді жіктеп талқылаңыздар.