Қорқыттың нақыл сөздері. Қазақ әдебиеті, 8 сынып, сабақ жоспары. 6-сабақ.

Сабақ: №6

Мектеп:

Пән: қазақ әдебиеті

Күні :

Мұғалім:

Сынып: 8 Т1

Қатысқан оқушылар саны:

Қатыспағандар:

Қорқыттың нақыл сөздері

Б/С1.Тарихи және көркемдік құндылығы

8.Б/С1.Шығарманың тақырыбы мен идеясын осы тектес басқа шығармалармен салыстырып, тарихи және көркемдік құндылығын бағалау

Шығарманың тақырыбы мен идеясын осы тектес басқа шығармалармен салыстырады;

Тарихи және көркемдік құндылығын баға береді.

«Мәңгілік ел» жалпықоғамдық құндылығы:

• Тіл мен мәдениет

НЗМ құндылығы:

• Өзіне және айналадағы адамдарға құрмет;
• Жауапты азаматтық позиция;
• Отбасы мүшелеріне, құндылықтарға деген құрмет;

Аталған құндылықтар сабақ тақырыбы арқылы оқушылардың топтаса және жеке отырып жұмыс жасаулары, сын тұрғысынан ойлай білу, ақпаратты өңдей білу, өзіндік көзқарасын дәлелдей алу дағдылары негізінде жүзеге асады.

Ұлттық дүниетаным, әдебиет теориясынан алған білімдерін еркін қолданады.

презентация

• шығарманың тақырыбы мен идеясын осы тектес басқа шығармалармен салыстырып, тарихи және көркемдік құндылығын бағалайды.

• Жырдың тақырыбы мен идеясын осы тектес шығармалармен салыстырады;
• Жырдың тарихи және көркемдік құндылығына дәлелдер келтіріп, мәліметтер мен айғақтар ұсынады;
• Шағын зерттеу жұмысының тезисін талапқа сай жазады.

Пән лексикасы және терминология: жыр, ұқсастық пен айырмашылық, тарихи және көркемдік құндылық, зерттеу, тезис т.б.

Диалог және жазылым үшін қажетті сөз тіркестер:

Менің ойымша; тарихи және көркемдік құндылығына мынадай дәлелдер келтіремін; оған мынадай себептер бар; оны былай түсіндіремін.

Жоспар

Жоспар бойынша орындалуы тиіс іс-әрекеттер

Қызығушылықты ояту

https://yandex.kz/video/search?filmId=13119846363384376003&text=%D0%90%D0%BB%D0%BF%D0%B0%D0%BC%D1%8B%D1%81%20%D0%B1%D0%B0%D1%82%D1%8B%D1%80%20%D0%B6%D1%8B%D1%80%D1%8B%20%D1%82%D0%B5%D0%BA%D1%81%D1%82&noreask=1&path=wizard сайтынан Алпамыс батыр туралы бейнематериал көреді.

Мағынаны тану

Оқушылар сабақтың оқу мақсаты, бағалау критерийі, дескрипторлармен танысады.

Оқушылар «Алпамыс батыр» жырының бейнебаянын тыңдап, сюжеттік жоспарын жазып келуге берілген үй тапсырмасы бойынша жыр мазмұнын қысқаша баяндап, еске түсіреді.

1-тапсырма Ж/Т.

«Басымдылық пирамидасы» әдісі

1-топ.

«Бәмсі-Байрақ туралы жыр» мен Алпамыс батыр жырының ұқсастығы мен айырмашылығын Венн диаграммасы арқылы салыстырыңыздар.

2-топ.

Қорқыт Атаның нақыл сөздері мен қазақ мақал-мәтелдерінің ұқсастығы мен айырмашылығын Венн диаграммасы арқылы салыстырыңыздар.

3-топ.

«Бәмсі-Байрақ туралы жыр» мен Алпамыс батыр жырының тарихи және көркемдік құндылығын анықтап, дәлел ретінде мәліметтер немесе айғақтар ұсыныңыздар.

4-топ.

Қорқыт Атаның нақыл сөздері мен қазақ мақал-мәтелдерінің тарихи және көркемдік құндылығын анықтап, дәлел ретінде мәліметтер немесе айғақтар ұсыныңыздар.

Өз постерлерін қорғау кезінде әр топтың жұмысына бірден толықтырулар енгізіп не түзетулер енгізіп отырады. Әр жұмысқа бағдаршам көтеру (жасыл – құптаймын; сары – толықтыру қажет; қызыл – түзету енгіземін) арқылы дауыс береді.

Кері байланыс: Раунд - Робин әдісі

Әр оқушы тапсырма барысында не білгенін бір сөйлем немесе сөз тіркесі арқылы бірінің айтқанын бірі қайталамай, түгел айтып шығуы тиіс.

2-тапсырма ЖЖ.

«Шығармашылық ізденіс» әдісі

Төменде ұсынылған тақырыптардың бірін таңдап, шағын зерттеу жұмысының тезисін жазыңыздар.

• Қорқыт Ата жырлары – түркі мифологиясының қайнар көзі.
• «Қорқыт Ата кітабы» – ұлт тарихы мен мәдениетінің Бас кітабы.
• Қорқыт Ата шығармаларындағы тарихи және көркемдік құндылықтардың маңызы.
• Қорқыт Атаның нақыл сөздеріндегі тәлімдік идеялардың қазақ мақал-мәтелдерімен үндестігі.
• Бәмсі-Байрақ пен Алпамыс батыр – ел бірлігін нығайтқан ерлер.
• Қорқыт Атаның мәңгілік өмір мен өмірдің мәні туралы толғаныстарының тарихи құндылығы.

Жоба құрылымы:

• Кіріспе
• Зерттеу тақырыбының өзектілігі
• Зерттеудің мақсаты мен міндеттері
• Зерттеу жұмысының әдістері
• Зерттеу жұмысының болжамы
• Зерттеу жұмысының құрылымы
• Зерттеу бөлімі
• Қорытынды

Оқушылар шағын зерттеу жұмысының тезисін жазып болғаннан кейін, жұппен алмасып, бір-бірінің жазбаларын оқиды, астына комментарий жазады. Алғашқы жұптан кейін келесі жұп оқиды. Соңында топтың үздік зерттеу жұмысының тезисін анықтап, «Галереяға» іледі.

Барлық сынып үздік жұмыстарды оқып, үздіктің үздігін анықтайды.

3-тапсырма

«Бұрыш» стратегиясы

Оқушылар өздеріне «Бұрыш» таңдау арқылы Қорқыт ата кітабының тарихи және көркемдік құндылығына баға береді.

1-бұрыш: Толғау тарихи құндылығымен бағалы, өйткені...

2-бұрыш: Толғаудың көркемдік құндылығы басым, себебі...

3-бұрыш: Толғау тарихи да, көркемдік те құндылығымен бағалы, неге десеңіз...

4-бұрыш: Екі ойлымын, менің топшылауымша ...

Рефлексия «Блоб ағашы»

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Бұл бөлімді оқушылардың сабақ барысында алған білімдерін бағалау үшін қолданылатын әдіс-тәсілдеріңізді жазу үшін пайдаланыңыз.

Сабақ жоспарын құру үшін сізге өзге пән мұғалімдерінің көмегі керек пе?

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндіре ме?

Оқушылар сабақ барысында өздерінің АКТ дағдыларын дамыта ала ма?

Осы сабақ барысында НЗМ құндылықтарын дамытуға қандай мүмкіндік бар?

Топтық жұмыс арқылы басым топты анықтайды. Өз жұмыстарының нәтижесі ретінде зерттеу жұмысының тезисін жазу арқылы ғылыми жоба жазу дағдысы, өзіне деген сенімі артады.

Өз постерлерін қорғау кезінде әр топтың жұмысына бірден толықтырулар енгізіп не түзетулер енгізіп отырады. Әр жұмысқа бағдаршам көтеру арқылы дауыс береді.

Раунд - Робин әдісі арқылы әр оқушы тапсырма барысында не білгенін бір сөйлем немесе сөз тіркесі арқылы бірінің айтқанын бірі қайталамай, түгел айтып шығуы тиіс.

Берілген тапсырмалардың ешқайсысы оқушылардың қауіпсіздігіне немесе денсаулығына қауіп төндірмейді.

Осы сабақ барысында НЗМ құндылықтарын:

Өзіне және айналадағы адамдарға құрмет;

Жауапты азаматтық позиция;

Отбасы мүшелеріне, құндылықтарға деген құрметтерді дамытады.