Шалкиіз жырау «Би Темірге бірінші толғауы». Қазақ әдебиеті, 8 сынып, сабақ жоспары. 23-сабақ.

Ұзақ мерзімді жоспар бөлімі: Мектеп:

І Дананың сөзі – ақылдың көзі

Уақыты: Мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

1.Сабақ тақырыбы мен мақсаты, бағалау критерийлері таныстырылады.

2.Өткен сабақ пен жаңа тақырыпты байланыстыру мақсатында «Тұжырым жаса» тапсырмасы орындалады:

Шалкиіздің «Би Темірге бірінші толғауын» мен ... деп білемін, себебі...

• жыраулық поэзияның ең үздік үлгісі;
• әміршіге тікелей сөз арнауы;
• қоғам мен дәуір туралы ойлары баяндалған;
• әмірші мен жырау тұлғасы жан-жақты ашылған;
• жақсылық пен жамандық, достық пен қастық туралы философиялық ойлары тұжырымдалған т.б.

3. Жаңа тақырыпты меңгерту

Сабақ тақырыбына байланысты тапсырмалар беріледі, оқушылар таңдаған тапсырмасына сәйкес топтарға бірігеді:

1-топ: Шалкиіз шығармасындағы рухани құндылықтар;

2-топ: Шалкиіз шығармасындағы афоризмдер;

3-топ: Шалкиіз – жаңашыл жырау;

4-топ: Қазақ, ноғай, қарақалпақтардың ортақ мұрасы.

4.Топтық жұмыс.

Оқушыларға сабақтың тақырыбына қатысты 3 минуттық TED әңгімелерін (talks) топта дайындау тапсырылады.

Олар топ ішінен бір спикер сайлайды.

Тақырыптың өзектілігі, бүгінгі күнмен байланысты болуы, жаңашылдығына баға беруі ескертіледі. Шалкиіз толғауын («Лашын құс») баяу қосып қоюға болады.

Қабілеті жоғары оқушылар үшінші/төртінші топқа бірігіп, бағалау және салыстырмалы талдау деңгейіндегі тапсырманы орындаса, қабілеті орташа оқушылар толғау мәтініндегі қанатты сөздерді анықтай алады.

5. Дескриптор

- тақырыптың өзектілігі;

- бүгінгі күнмен байланысты болуы;

- құндылығын бағалауы.

6. Тыңдау және бағалау

Топ спикерлері ортаға шығып жауаптарын таныстырады, оқушылар критерийге сай өзара бағалайды.

7. «Сұқбат» әдісі:

Қай топтың жауабы ұнады?

Неліктен?

Өзіңіз үшін қандай қорытынды жасадыңыз?

8. Рефлексия. «Менің сөзім»

Сыныптан бір оқушы тұрып сабақта не болғанын қорытындылап айтады. Айтып болған соң басқа бір оқушының атын атайды. Сөзді сол оқушы жалғастырып сабақ бойынша рефлексия жасайды.

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Оқыту ортасы бойынша саралау

Кейбір оқушылар үшін аудитория ішінде өзін қалыпты сезінетін, алаңсыз жұмыс жасай алатын орны да маңызды рөл атқарады.

Сол себепті оқушы үшін қолайлы орынды немесе ыңғайлы топты анықтауға жағдай жасау – мұғалімнің міндеті.

Қабілеті жоғары оқушылар үшінші, төртінші топтарға бірігуі мүмкін.