Лагерьге жолдама. Қазақ әдебиеті, 5 сынып, сабақ жоспары.

«Бекітілді»

Директордың

оқу ісі жөніндегі

орынбасары Байгазиев Р.Ф.

______________

«____» ________2017ж

«Келісілді»

ӘБ меңгерушісі

Утеева А.С

_____________

«____» _______2017ж

Сабақ: №2

Мектеп: Ақтау қаласы ХББ НЗМ

Күні:

Мұғалім: Айтмұхан Н. А.

Нагимуллина М. Ж.

Сынып: 5

Қатысқан оқушылар саны:

Қатыспағандар:

Бөлім:

Адамгершілік – асыл қасиет

Сабақтың тақырыбы

Лагерьге жолдама

Оқу бағдарламасына сілтеме

А/И4. Шығармашылық жұмыс

Б/С3. Әдеби эссе

Оқу мақсаты

5.А/И4. Көркем шығармадан алған әсерін сипаттап авторға

хат, өлең жазу

5.Б/С3. Шығармадағы кейіпкерді өзіндік құндылығы тұрғысынан талдап, әдеби эссе жазу.

Сабақ мақсаты

Үзіндіден алған әсері бойынша РАФТ орындау

Кейіпкер әрекетіне баға бере отырып, эссе жазу

Жетістік критерийлері

Үзіндіні түсінеді, әсері туралы ойланады, РАФТ орындай алады

Кейіпкерлер әрекетіне баға бере алады;

Сыни ойлана отырып, эссе жаза алады;

Құндылықтарды игерту

- Өзіне және айналадағы адамдарға құрмет;

- Ынтымақтастық, жауапкершілік;

- Ұлттық және адами құндылықтарға құрмет;

- Салауатты өмір салтын ұстану, насихаттау.

Аталған құндылықтар сабақ тақырыбы арқылы және оқушылардың топтаса жұмыс жасаулары, сын тұрғысынан ойлауы арқылы бағалау дағдылары негізінде жүзеге асады.

Пәнаралық байланыс

Қазақ тілі

АКТ-ны қолдану дағдылары

Таныстырылым арқылы тапсырмалармен танысады. Тақырыпқа қатысты тапсырма орындауда интербелсенді тақтамен жұмыс жүргізеді.

Тілдік мақсаттар

Идеяларды байланыстыра алуға, мәтіндердегі көтерілген мәселені табуға, негізгі ойды анықтауға және оларды сипаттауға қабілетті болады.

Меніңше, бұл … білдіреді;

Бұл ... дегенде, бұл… білдіреді;

Менің ойымша, бұл… білдіруі мүмкін.

Алдыңғы білім

Менің атым ...

Жоспар

Сабақ барысы

Ұйымдастыру кезеңі.

Топқа бөлу. Сыныптағы оқушы санына қарай цифрлар арқылы 4 топқа бөлінеді.

Жазғы лагерьлер туралы деректі фильмнен үзінді көрсетіледі

http://kaztrk.kz/news/articles/elimizde-12-mynga-zhuyq-zhazgy-lagerler-zhumys-isteude-gulnar-qazhykenova-1204

«Миға шабуыл»

Бейнеүзінді не туралы?

Алдыңғы сабаққа қандай қатысы болуы мүмкін?

Сен қандай лагерьге барғың келеді?

Сабақ тақырыбы, ОМ мен ЖК таныстырылады.

Оқушылар мәтін бөліктерімен ДЖИК СО стратегиясы арқылы танысады. Жұмыс топтарында мәтінді топпен оқып талдаса, жанұя топтарында мәтіннің өзіне тиісті бөлігі арқылы ақпарат беруші қызметін атқарады.

1 - топ

Таңертеңгі шайымды ішіп алғаннан кейін аяңдап, мектептің спорт алаңына қарай келе жаттым.Қолтығымда добым бар. Біздің "Спартак" кеше қайраттықтардан жеті де бес болып ұтылған еді. Бүгін оларды қалайда жеңуіміз керек. Команданың капитаны ретінде соған қатты ширығып, іштей дайындықпен келе жатырмын. Мектептің қасында Жантас ұшыраса кетті. Қолында мөр басылған бір жапырақ жазулы қағазыбар. Соны шертіп-шертіп қойып:

-        Қара көже, мынаның не екенің білесіңбе?- дейді.

-        Ол не?

-        Лагерьге жолдама. Біз лагерьге баратын болдық. Ал, сен көшедегі иттерді тәртіпке салуға ауылда қалатын болдың.

Тілінің қыршаңқылығы үшін Жантасты мытып алғым келіп бір тұрдым да, әуелі жолдама жайынтиянақтамақшы болдым.

-Оны саған кім берді?

-        Кім беруші еді. Майқанова апай берді.Бірақ сен жоқсың тізімде.

"Неге жоқпын?" Жантастан Майқанованың қайда екенін сұрап едім, мектепте деді.

Бұдан былай біреуді келемеждеп сөйлеудің қандай екенін білуі үшін Жантасты мұрынға сырт еткізіп бірді шерттім де, жүгіре жөнелдім. Сол бойда екпіндеген қалпымменмұғалімдер бөлмесіне алқынып кіріп бардым.

Майқанова бірдеңе жазып, жалғыз отыр екен, маған басын көтеріп алып, таңырқаған кейіппенқарады:

-        Не болды? Не болды, Қадыров?

-        Лагерьге жолдама беріңізші маған.

-        Саған бұл жолы жолдама берілмейді. Екінші кезекте барасың.

-        Неге?

-        Неге болушы еді: барлық оқушыға бірден жетіспейді. Ал екіншіден, ең әуелі біз лагерьге үлгілі, тәртіпті оқушыларды жібереміз.

-        Жантас немене... менен артық болғаны ма?

2 – топ

Майқанова екі бүйірінен біреу қысып қалғандай еңсесін кілт көтеріп алды:

-        Сен немене? Мені тергегелі тұрсың ба?

Майқанованың көкшіл көзі шатынай бастады. Оның бірашуланса шапылдап, жуық арада толас бермейтінін білем.

-        Бермесеңіз, қойыңыз,- дедім де, жалт бұрылып,есікті бар күшіммен тарс жауып, жөнеле бердім. Осындай әділетсіздікке қаның қалай ғана қайнамайды. Жантас, біреуді біреуге атыстырып, от тастап жүретін қу,(сабақ үстінде сыбырлап-сыпсыңдағыш, өзі тақтаға шыққанда көрінгенге құлақ түргіш Жантас үлгілі оқушы болғаны да, мен үлгісіз болғаным. Менің сабақ үлгеруім одан көш ілгері екені, екпінділігім ешқандай есеп емес.

Соңымнан ілесе шықты Майқанова:

-        Қадыров! Бері кел.

Мен бұрылып та қарамадым.

-        Қадыров!

Есіктен жүгіріп шығып кеттім.

Турникке сүйеніп, жылмия қарап Жантас тұр. Зығырданым одан бетер қайнап кетті.

-Немене, жолдама алдың ба?- деп сиқырлаңып жолымды тосқауылдай қалыпты.         

-        Алдым,- дедім.

-        Кәне, көрсетші?

Сарт еткізіп танаудан тағы бірді Шерттім.

-        Міне.

Түстен кейін төсегімде демалып жатып, ойға қалдым: бағана Майқановаға істегенім тұрпайылық болды-ау, деймін. Әрине, Жантасқа жолдама беріп, маған бермегеноныкі де әділдік емес. Ызамды осы келтірді. Дегенмен Майқанова мұғалім, класс жетекшісі. Жә,қазіроқу кезі емес қой, каникул. Ол маған не істей алады? Үш айға дейін кім бар, кім жоқ. Мүмкін, жаңа оқу жылында біздің класс жетекшіміз басқа біреу болар. Онда мен Майқанованың шеніне де жолай қоймаспын.

3- топ

Өмір дегенді ойлап отырсаң, қызық нәрсе. Бірі мен бірінің қалайда тұзы жараспайтын кереғар жаралған адамдар болады. Майқанова екеуіміз соның дәл өзі секілдіміз.Біздің кикілжіңіміз күзде ол осында мұғалім болып келген бетте-ақ басталды. Былай болды. Жаңа оқулықтар, дәптерлер сатып жатыр дегенді естідім де, әжемненақша ала салып, замғап дүкенге келдім. Рас, сатып жатыр екен. Бірақ адам деген лық толы. Кезектің соңы далаға шығып кетіпті. Қайтсем екен деп біраз ойлап тұрдым да, тәуекел деп, ішке кезексіз кірмекші болдым. өйткенісоңындағыларға жетпей қалатын азабы да болушы еді. Сонан соң көрінгеннің оқулығына міңгесіп, жалынасың да жүресің, бұл - күн емес. Өзге ештеңең болмаса да, әуеліоқулықтарың сай болсын. Мен былай деп мақалдаған болар едім: оқулығы сай бала - көңілі жай бала.

Сығылысып есіктен енді кіре берсем, бойы менің бойымдай ғана, тықылдаған бейтаныс көк көз келіншек алдымды тосқауылдап жібермейді.

-        Қайда кимелеп барасың? Кезекке тұр,- дейді.

Осы арада тілі құрғыр өтірікті менің еркімнен тыс айтып салды:

-        Мен оқулық емес, қант аламын,- дедім. Өйткенімагазиннің арғы азық-түлік сататын бөліміне қарай адамдар еркін өтіп жатыр. Көк көзкеліншек мені жіберді. Мен сыр бермеймін деген оймен әуелі қант сататын жаққа өтіпкеттім. Бірақ қанттың қазір маған түкке керегі жоқ. Маған қажеті бесінші кластың оқулықтары. Прилавканы жағалап, адамдардың арасымен ептеп, кітап сатыпжатқан жаққа қарай сырғи бастадым. Енді бір ұмтылғанда жетіп те қалатын едім. Кенет әлгі көк көз келіншек желкемнен бүріп ұстап:

-        Сен адасып барасың. Қант ана жақтасатылады,- деді.

-        Сіздің не шаруаңыз бар, қоя беріңіз,-деп, жұлқынып қалдым да, прилавкаға бір-ақ барып жеттім.

Көк көз келіншек сатушыға дауыстап жатыр:

-        Анау сұр кепкалы балаға бермеңіз. Олкезексіз кіріп кетті.

4 - топ

Олбұл сөзді айтып үлгергенше, Қожекең сұр кепканы қойынға сүңгітіп жіберіп, тақыр бас қара бала болып шыға келді. Балалар ананы-мынаны сұрап, азан-қазан болыпжатқанда мен ләм деместен сақ еткізіп, елу сомдықты сатушының қолына ұстата салдым. Сөйтіп, қажетті оқулық-дәптерлерімді бір құшақ етіп алып, шыға бердім.Есік алдында көк көз келіншек иығымнан қатты ұстап (қолы мұндай қатты бола ма!):

-        Ой, ұятсыз. Қай класта оқисың?- деп, біржұлқып қалды.

Мен оған жөнімді айтып жатырмын!

Бірнеше күн өткеннен кейін оқу жылы басталды. Мәссаған керек болса, әнеугі маған дүкенде жекіретін көк көз келіншек тыпың-тыпың етіп, қағаздарын қолтықтап,біздің класқа кіріп келе жатыр. Қожекеңнің сол мезет қандай күйге түскенін көрсеңіз. Бірақ бойымды тез жиып ала қойдым да, сыр бермеуге тырыстым.Мүмкін, ол мені танымас деп ойладым. Жаңа оқытушы бізді оқу жылының басталуымен құттықтады, өзін таныстырды. СәбираМайқанова. "Мен сендерге қазақ тілінен сабақ беремін және класс жетекшілерің боламын",- деді.

Соңғы сөзі Қожекеңді тағы бір сілкіп алды. "Ал бәлем, сақтана бер" дегендей болдым өзіме-өзім. Майқанова бір-бірлеп, тізім бойынша оқушылармен таныса бастады. Кезек маған келді.

-        Қадыров.

-        Мен.

Майқанова тесірейе қарап тұрып қалды.

-        Біз екеуіміз таныс шығармыз деймін?

Мен еріксіз жымиып күлдім.

-        Мүмкін.

Мен сенімен әлі сөйлесемін дегендей Майқанова:

-        Отыр,- деді зілді дауыспен.

Міне осыдан кейін Майқанова маған қымс етсе, қаһарын тігіп тұратын болды. Қанша рет қыс бойы директордың алдына сүйреп алып барды. Ақыры жыл аяғында тәртібіме де"төрттік" баға қойып отыр. Осының бәрі мені, әрине ашуландырады.

РАФТ

Әр топ өзіне берілген рольдер бойынша ұсынылған формамен жұмыстанады.

Бағалау дискрипторлары:

Ролге ене алады;

Тақырыпты аша алады;

Әсерлі, көркем жаза алады;

Сыни ойлана отырып, кейіпкер әрекетіне баға бере алады.

Жеке жұмыс

Үзіндіден алған әсері туралы авторға арнап эссе жазады. Сабақ үстінде эссесінің кіріспе бөлімін жазып, проблемалық сұрағын анықтайды.

Бағалау дискрипторлары:

Алған әсері туралы жаза алады;

Көркем тілмен жазады;

120-150 сөз көлемін ұстанады;

Проблемалық сұрақ көтере алады;

Өзіндік қорытындысын шығара алады;

Үй тапсырмасы. Эссенің негізгі бөлімі мен қорытынды бөлімін жазу.

Бағалау дискрипторлары:

Алған әсері туралы жаза алады;

Көркем тілмен жазады;

120-150 сөз көлемін ұстанады;

Проблемалық сұрақ көтере алады;

Өзіндік қорытындысын шығара алады;

Бағалау

Жетістік критерийлеріне сай топ мүшелері бірін – бірі бағалайды. Сабақ мақсатына жеткен, талпынған оқушылар анықталады.

Кері байланыс.

«Жаттығу» әдісі бойынша жүзеге асады.

Арнайы қимылдар арқылы рефлексивтік баға беріледі.

Сабақ өте нашар өтіп, негативтік көзқараста қалсаңыз – жүресінен отырыңыз.

Орташа баға беріп, бейтарап көзқараста қалсаңыз – тізеңізді сәл бүгіп отырыңыз.

Сабаққа жақсы баға беріп, қанағаттансаңыз – қарапайым күйде қолыңызды жаныңызға жіберіңіз.

Егер сабақ керемет өтіп, жақсы әсер алсаңыз – қолыңызды жоғары көтеріп, шапалақтай отырып, өкшеңізді көтеріңіз.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Сабақ жоспарын құру үшін сізге өзге пән мұғалімдерінің көмегі керек пе?

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндіре ме?

Оқушылар сабақ барысында өздерінің АКТ дағдыларын дамыта ала ма?

Осы сабақ барысында НЗМ құндылықтарын дамытуға қандай мүмкіндік бар?

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды?

Дифференциацияны жүзеге асыру қолымнан келді ме?

Мен жоспарланған уақытымды ұстандым ба?

Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1.

2.

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1.

2.

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?