Б.Соқпақбаев «Менің атым Қожа» (он жетінші тарау). Қазақ әдебиеті, 5 сынып, сабақ жоспары.

Сабақ: Қазақ әдебиеті

Мектеп:

Күні:

Мұғалім:

Сынып: 5 Т1

Адамгершілік - асыл қасиет

Б.Соқпақбаев «Менің атым Қожа» (он жетінші тарау)

А/И1. Әдеби шығарманың композициясы

А/И1.Әдеби шығармадағы екі нәрсені салыстыра суреттеулер мен қарама-қарсы суреттеулерді табу.

Б/С2. Заманауилығы мен жаңашылдығы

Б/С2.5. Кейіпкерлерді шынайы өмірмен салыстырып бағалау

Әдеби шығармадағы екі нәрсені салыстырады;

Әңгімедегі кейіпкерлерді шынайы өмірмен байланыстырады.

http://www.ikitap.kz/audiobook/2230-menin_atim_koja_povr/2230-menin_atim_koja_povr

https://www.youtube.com/watch?v=JQz1_Zi3JO0

• Әдеби шығармадағы екі нәрсені салыстыра алады, қарама-қарсы суреттеулерді таба алады;
• Кейіпкерлерді шынайы өмірмен байланыстыра алады.

• Әңгіменің мазмұнын біледі;
• Салыстыру жасай алады;
• Суреттеулерді таба алады;
• Шынайы өмірмен байланыстыра алады.

Білу, түсіну, қолдану

 Титықтап, дәйектеме, композиция, сюжет, т.б.

Балаларды отансүйгіштікке, елжандылыққа, еңбексүйгіштікке, шынайылыққа тәрбиелеу

Әдебиет, тарих

Осы сабақ барысында оқушылар Рower Point бағдарламасынан тақырыпқа қатысты көрнекі құралдарды пайдаланып, интербелсенді тақтаны қолдану

Жоспар

Жоспар бойынша орындалуы тиіс іс-әрекеттер

Ұйымдастыру кезеңі:

• Сәлемдесу;
• Топқа бөлу: берілген сөздер мен сөз тіркестерінен сөйлемдер құрастыру арқылы 4 топқа бөлінеді.

1-топ: Кешегі күні бойғы әрекеттен кейін тұяқ серіппей қатып ұйықтап қалыппын.

2-топ: Көзімді ашып алып, қабырға сағатқа қарасам, сегізге он бес-ақ минут қалған екен.

3-топ: Кеше титықтап келіп, сабақ қарауға мұршам болмап еді.

4-топ: Бүгінгі болатын пәндерді сумкама асығыс салып алдым да, мектепке жүгірдім.

Сабақтың тақырыбы, мақсаты, бағалау критерийлері айтылады.

1-тапсырма. ЖЖ. Салыстырмалы карта.

Орыс тілі сабағы. Анфиса Михайловна Пушкиннің «Қысқы кешін» жатқа сұрап жатқан кезі. Осы үзіндіні оқи отырып, Жантас пен Қожаға салыстырмалы мінездеме беріңдер.

2-тапсырма. ТЖ. Композициялық құрылымына талдау.

• Оқиғаның басталуы.
• Оқиғаның байланысы.
• Оқиғаның дамуы.
• Оқиғаның шарықтау шегі.
• Ой түйіні, шешімі.

3-тапсырма. Ж. «Бұл кім және қай сәт?»

Бұл қай сәт?  “Есікті аша бергенімде, тынысым мүлде бітіп, жүрегімнің соғуы тоқтап қалғандай болды. Сол кездегі келбетім көлденең көзге тірі аруақ тәрізді қыбырлаған бірдеңеге ұқсар деймін.”

Бұл қай сәт?  “Маңдайдан буым бұрқырап, есік алдына шықтым.  Сәйбек    көрінбейді.Омырауымды ағытып, желпініп, ойланып тұрмын. Не деп шешер екен? Мектептен шынымен-ақ шығара ма?”

Бұл кім? “ Біреуді біреуге атыстырып, от тастап жүретін қу, сабақ үстінде сыбырлап-сыпсыңдағыш.”

Бұл кім? “ Галифе шалбар киген жіңішке аяқтары сидиып, шашы қақ жарыла желбіреп, қаздиып тұр.”

Бұл кім? “Шыбыным, әйтеуір ешкімге  тимей, ұрынбай, жайыңа жүр.  Сенің тентектігіңді менен басқа ешкім де көтермейді. Біреудің ала жібін аттаушы болма.”

Бұл кім?  “Жаңа оқытушы  бізді оқу жылының басталуымен құттықтады, өзін таныстырды...”

 Бұл кім? “Сен оқуды тастасаң, маған ілесіп тастады деп екеуімізді бірдей қудалап пәле қылады. Оқи бер. Оқудың түбіне сен-ақ  жет. Мүмкін кейін дырдай бастықтың бірі болып шығарсың. Сонда маған шапағатың тиер.”

3-тапсырма. ТЖ. «Ақыл-ой картасы»

Оқушылар Қожаға қатысты «Ақыл-ой картасын» сызу үшін төмендегі айдарларды қолданады:

•Түрі қандай?

•Не айтты және қалай сөйлейді?

•Ол не істейді?

•Ол туралы басқалар не ойлайды?

Бағалау критерийі бойынша топтар бір-бірін бағалайды.

Кері байланыс: «Мадақтау сэндвичі»

1-бөлік: Позитивті комментарий, не ұнады;

2-бөлік: Сындарлы сын, нені жақсарту керек;

3-бөлік: Келешекке арналған комментарий: маған ұнады, бірақ келесі жолы...

«Түбі адам болатын бала» бөлімін оқып келу