Қозғалыстағы миграция. Қазақ тілі, 11 сынып, сабақ жоспары. 1 сабақ. 1 нұсқа.

Ұзақ мерзімді жоспар бөлімі: Мектеп:

Қазіргі қоғам: миграция және Мұғалімнің аты-жөні:

зияткерлік миграция. Сыныбы: 11

Шешендік сөздер қатысқаны: қатыспағаны:

Уақыты:

Сабақта жоспарланған іс-әрекеттер

1.Сабақ тақырыбы мен мақсаты, бағалау критерийлері таныстырылады.

2.Өткен сабақ пен жаңа тақырыпты байланыстыру мақсатында «Тұжырым жаса» тапсырмасы орындалады:

Ғылыми стильдің үш шағын стильге жіктелетінін білемін, олар:

• таза ғылыми шағын стиль;
• оқулық-ғылыми шағын стилі;
• көпшілікке арналған ғылыми шағын стиль.

Ғылыми стильдің жазбаша және ауызша түрлері болатынын білемін. Ауызша түрлері: баяндама, жарыссөз, лекция т.б.

Жазбаша түрлері: монография, мақала, диссертация, рецензия, ғылыми баяндаманың тезистері, оқулықтар мен оқу құралдары т.б.

3. Жаңа тақырыпты меңгерту

Оқылымалды тапсырма

Оқушылар ғылыми стильдің тілдік ерекшеліктерін естеріне түсіреді:

• тақырыпқа қатысты терминдердің кездесуі;
• тура мағыналы атау сөздер;
• жекеше түрде келіп көптік мағынаны беретін зат есімдер;
• етістіктің осы шағы;
• ырықсыз етіс тұлғасындағы баяндауыштар;
• хабарлы, толымды, жайылма, сабақтас құрмалас сөйлемдер қолданысы.

Оқылым тапсырмасы

Ж/ЖЖ. «Қозғалыстағы миграция» тақырыбындағы мәтін мазмұнымен жеке танысады, жұбымен бірге талқылайды.

Талдап оқу стратегиясы арқылы мәтіннің стилі мен жанрын, кімдерге арналғанын анықтау;

Астын сызып немесе белгілеп оқу стратегиясы арқылы мәтіннің тілдік құралдарын ажырату.

Оқылымнан кейінгі тапсырма

Мәтінде кездескен тілдік құралдарға сүйеніп және өмірмен байланыстыра отырып, төменде берілген тақырыптардың бірін таңдап мақала жазады.

Ұсынылатын тақырыптар:

«Интеллектуалды миграция»

«Миграциялық қозғалыстардың әлеуметтік тұстары»

Қабілеті жоғары оқушылар мәтінде берілген ақпараттарды таратып, өмірмен байланыстыра талдаса, қабілеті орташа оқушылар мәтіннің жалпы идеясын қайталап жазып шығуы мүмкін.

5. Дескриптор

- ғылыми стильдің тілдік ерекшеліктерін есіне түсіреді;

- мәтінді жеке оқиды;

- жұбымен талдайды;

- тақырыпқа сай мақала жазады;

- өзара бағалайды.

6. Тыңдау және бағалау

Оқушылар жазған мақаласын топ ішінде оқып, ең жақсы жұмысты анықтап, «Автор орындығына» шақырады.

Олар критерийге сай өзара бағалайды, мұғалім тиімді кері байланыс береді.

7.Рефлексия. «Сұқбат» әдісі:

Қай оқушының жауабы ұнады?

Неліктен?

Өзіңіз үшін қандай қорытынды жасадыңыз?

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?