Әлемді өзгерткен өнертабыстар. Шешендік сөздер. Қазақ тілі, 11 сынып, қосымша материал. 2 сабақ. 1 нұсқа.

Қосымша ақпарат

 Шымкенттік өнертапқыш күннен қуат алатын жылжымалы күйіз үй ойлап тапты. Тынымсыз еңбектің нәтижесінде жарыққа шыққан туынды «ЭКСПО – 2017» мамандандырылған көрмесінде қалың көпшіліктің назарына ұсынылады. Бір қызығы, заманауи киіз үйге бүгінде шетелдік мамандардың сұранысы жоғары. Ал, бізде ше?

 Еркінбек Тәженұлы 2011 жылдан бастап, осы киіз үйді құрастырумен айналысады. Шебердің қолынан шыққан бұл - үшінші туынды. Киіз үйдің іші-сырты қазақы нақыштағы ою-өрнектермен әрленген. Жабуы... күнге оңайшылықпен күйрей қоймайды. Жаңбыр жауса, су өтпейді. Жарық құрылғылары күннен қуат алады. Кейбір қажетті бөлшектері шетелден тапсырыспен алдыртылған.

 Қазіргі заманға лайықталып жасалған «Арба үстіндегі киіз үй» сауда – саттыққа да өте қолайлы. Санитарлық – гигиеналық талаптарға жауап береді. Арнайы мұздатқышы бар. Онда 300 литрге жуық қымыз – қымыранды табиғи қалпында сақтауға болады. Қол жуғанға мұздай су да, жылы су да табылады. Арнайы құрылғы күндіз күннен қуат алып, ешбір ақаусыз жұмыс істейді.

 Экологиялық жағынан таза, энерготиімділік тұрғысынан пайдалы   киіз үйге қызықпаған адам жоқ. 2 миллион теңгеден бастап, жабдықталуына қарай 5 миллион теңгеге дейінгі бағада сатып алуға болады.  Жарқын жоба жуық күндері ЭКСПО қонақтарының назарына ұсынылмақ. Ғалым  ғажап жобасы арқылы  ықылым заманда қазақ халқы ойлап тапқан дүниенің өміршең, жаңғыртуға икемді екенін дәлелдемекші.