Жасөспірімдер арасындағы қылмыс. Қазақ тілі, 10 сынып, презентация.

Қылмыс және заң. Жасөспірімдер арасындағы қылмыс.

Оқу мақсаттары

Ж4. Қажетті клишелер мен лексикалық құрылымдарды қолданып, көтерілген мәселе бойынша өз ойын дәлелдеп эссе жазу (аргументативті эссе)

ӘТН5. Сөйлем және мәтін деңгейінде тыныс белгілерін қолдана білу.

Бағалау критерийі

көтерілген мәселені анықтай алады;

қажетті клишелер мен лексикалық құрылымдарды қолданады;

өз ойын дәлелдеп жаза алады;

тыныс белгілерді дұрыс қолданады;

эссе құрылымын сақтайды;

сөз көлемін ескереді.

Қызығушылықты ояту

Мағынаны ажырату, жазылым алды тапсырмасы:

Бүгінде кәмелет жасына жетпей жатып қылмысқа баратындардың саны артқаны байқалады. Мұндай оқиғалардың көпшілігінің бастауында әлімжеттік тұратыны да анықталған. Көбіне бір-біріне күш көрсету оқу-білімсіз жүрген, айналысатын ісі жоқ жасөспірімдердің арасында орын алады деп жатамыз. Бірақ қазіргі таңда түрлі деңгейдегі білім ошақтарының өзінде мұндай оқиғалардың жиілеп кеткендігі алаңдатып отырған жайы бар.

Жазылым тапсырмасы:

«Жасөспірімдер арасында жантүршігер оқиғалар жиілеп барады. Оған бұрынғы адамдар айтып отыратын «көргені жаман ғой көргенсіздің» деген сөзі келетіндей…

Иә, бала көргенін қайталайды. Ал, олардың сыртқа шықпай-ақ, үйде отырып та теледидар мен интернеттен оңған дүние көрмейтініне кімнің дауы бар?..

«Тас түскен жеріне ауыр» болатынын ата-аналар дер кезінде ойлай бермейді. Көбі «жұмыс, жұмыс, күнкөрістің қамы» деп шаршаулы. Сондықтан қараусыз, тыйымсыз, имансыз, еліктегіш жастағы ұл мен қыз бойындағы бұла күшті қайда, қалай жұмсарын білмей, отқа түскен көбелектей жанбай жатып сөнуге бой ұруда....»

Қымбат Әбілдәқызы, ақын, «Айгөлек» журналының автор-редакторы

Тапсырма:

Осы пікірдің төңірегінде қажетті клишелер мен лексикалық құрылымдарды қолданып, көтерілген мәселе бойынша өз ойыңызды дәлелдеп, тыныс белгілерді орынды қолдана отырып аргументативті эссе жазыңыз.

(300-350 сөз)

Кері байланыс.