Жасөспірімдер арасындағы қылмыс. Қазақ тілі, 10 сынып, сабақ жоспары.

Пән: қазақ тілі

Мектеп: ФМБ НЗМ Алматы қаласы

Күні: 20.05.18ж.

Мұғалімнің аты-жөні: Смагулова С.С

Сынып: 10 Т1

Қатысқандар саны:

Қатыспағандар саны:

• Бөлім

Қылмыс және заң. Жасөспірімдер арасындағы қылмыс.

Оқу бағдарламасына сілтеме

Ж4. Қажетті клишелер мен лексикалық құрылымдарды қолданып, көтерілген мәселе бойынша өз ойын дәлелдеп эссе жазу (аргументативті эссе)

ӘТН5. Сөйлем және мәтін деңгейінде тыныс белгілерін қолдана білу.

Оқу мақсаттары

Барлық оқушылар: көтерілген мәселені анықтай алады;

Оқушылардың көбісі: қажетті клишелер мен лексикалық құрылымдарды қолданады, сөйлем және мәтін деңгейіндегі тыныс белгілерді біледі;

Оқушылардың кейбірі: аргументативті эссе жазуда өз ойын нақты дәлелдер арқылы білдіре алады.

Бағалау критерийі

• көтерілген мәселені анықтай алады;
• қажетті клишелер мен лексикалық құрылымдарды қолданады;
• өз ойын дәлелдеп жаза алады;
• тыныс белгілерді дұрыс қолданады;
• эссе құрылымын сақтайды;
• сөз көлемін ескереді.

НЗМқұндылықтары

Біреудің ала жібін аттамауға, ар тазалығына үйрету.

Тілдік мақсаттар

Әлімжеттік, жантүршігер оқиғалар, көргені жаман ғой көргенсіздің, тас түскен жеріне ауыр, отқа түскен көбелектей, жанбай жатып сөнуге бой ұрады, қылмыстың етек жаюы т.б.

Алдыңғы білім

Қылмыс және заң.

Жоспар

Жоспарланған жұмыс түрлері

Оқушылармен амандасу.

Қызығушылықты ояту: тақырыпқа болжам жасау

Сабақтың мақсатымен, критерийлермен және күтілетін нәтижелермен танысу.

Мағынаны ажырату, жазылым алды тапсырмасы:

Бүгінде кәмелет жасына жетпей жатып қылмысқа баратындардың саны артқаны байқалады. Мұндай оқиғалардың көпшілігінің бастауында әлімжеттік тұратыны да анықталған. Көбіне бір-біріне күш көрсету оқу-білімсіз жүрген, айналысатын ісі жоқ жасөспірімдердің арасында орын алады деп жатамыз. Бірақ қазіргі таңда түрлі деңгейдегі білім ошақтарының өзінде мұндай оқиғалардың жиілеп кеткендігі алаңдатып отырған жайы бар.

Сұрақ:

• Осы үзіндіде қандай мәселе көтеріліп отыр?
• «әлімжеттік» деген сөзді қалай түсінесіздер?
• Үзіндіде қандай пікір айтылды? Ол кімнің пікірі деп ойлайсыздар? Неге?
• жасөспірімдер арасындағы қылмыстың етек жаюына не себеп?

Жазылым тапсырмасы: ҚБ

«Жасөспірімдер арасында жантүршігер оқиғалар жиілеп барады. Оған бұрынғы адамдар айтып отыратын «көргені жаман ғой көргенсіздің» деген сөзі келетіндей…

Иә, бала көргенін қайталайды. Ал, олардың сыртқа шықпай-ақ, үйде отырып та теледидар мен интернеттен оңған дүние көрмейтініне кімнің дауы бар?..

«Тас түскен жеріне ауыр» болатынын ата-аналар дер кезінде ойлай бермейді. Көбі «жұмыс, жұмыс, күнкөрістің қамы» деп шаршаулы. Сондықтан қараусыз, тыйымсыз, имансыз, еліктегіш жастағы ұл мен қыз бойындағы бұла күшті қайда, қалай жұмсарын білмей, отқа түскен көбелектей жанбай жатып сөнуге бой ұруда....»

Қымбат Әбілдәқызы, ақын, «Айгөлек» журналының автор-редакторы

Тапсырма:

Осы пікірдің төңірегінде қажетті клишелер мен лексикалық құрылымдарды қолданып, көтерілген мәселе бойынша өз ойыңызды дәлелдеп, тыныс белгілерді орынды қолдана отырып аргументативті эссе жазыңыз. (300-350 сөз)

Аргумент деген не?

• Аргумент дегеніміз – логикалық негіздемелер, мысалдар мен зерттеулердің көмегі арқылы дәлелденген белгілі бір шешім
• Аргументативті эссе – даулы тақырыпқа жазылған әдеби шығарма. Басқаша айтқанда, «қосыламын» және «қарсымын» деген сияқты дау тудырушы кейбір тезистерді қорғайды.

Эссенің мақсаты

• Аудиторияны белгілі бір көзқарасқа сендіру және оларды өз жағына көндіру
• Басқа емес, тек сол ұстанымның неліктен тиімді екенін айқын тұжырымдау

Аргументативті жазудың түрлері:

• Саяси
• Экономикалық
• Мәдени
• Білім беру

Аргументативті эссенің құрылымы:

КІРІСПЕ:

• Тақырыпты тұжырымдау;
• Тақырыптың өзектілігі;
• Біршама пікір алшақтық;
• Тақырып құрылымын қарастыру және негізгі ойға көшу.

НЕГІЗГІ БӨЛІМ

1.1 Автордың алға қойған (2-3) шешімі (дәлелдері).

1.2 Шешімдерді талқылау кезінде пайдаланылатын негізгі ұғымдарды анықтау.

1.3 Шешімдерді растайтын дәлелдемелер және қолдау (фактілер немесе мысалдар).

1.4 Қарсы дәлелдерді немесе қайшылықты шешімдерді қарастыру , (неліктен әлсіз екенін көрсету қажет, ал автордың мақұлдауы күшінде қалады).

ҚОРЫТЫНДЫ:

• Негізгі шешімді қайталау.
• Негізгі шешімді қорғайтын екі-үш ұсыныс сөйлем, түйінді аргументтер.
• Ұсынылған шешімдерді қабылдамаған жағдайдағы келетін зияндар туралы жалпы ескертулер және аталған тұжырымның пайдалы жақтары туралы жалпы қорытынды сөз.

БАҒАЛАУ:

Сыныптағы оқушылар бір-бірімен жұмыстарын алмастырып, критерий бойынша тексеріп, бір-біріне кері байланыс береді.

Кері байланыс.

«Екі жұлдыз, бір тілек»

Қосымша мағлұматтар

 Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Сабақ жоспарын құру үшін сізге өзге пән мұғалімдерінің көмегі керек пе?

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндіре ме?

Оқушылар сабақ барысында өздерінің АКТ дағдыларын дамыта ала ма?

Осы сабақ барысында НЗМ құндылықтарын дамытуға қандай мүмкіндік бар?

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?