Сәулет өнері. Қазақ тілі, 10 сынып, нұсқаулық. 1 сабақ. 1 нұсқа.

ЭССЕНІҢ ҚОРЫТЫНДЫ БӨЛІМІНЕ ҚАЖЕТТІ КЛИШЕЛЕР

• Осылайша, жоғары баяндалғандар негізінде мынадай қорытынды жасауға болады …

• Қорыта келе, мынаны айтқым келеді …

• Жоғары баяндалғандар негізінде …

• Оқылған мәтіннің негізінде тұжырым жасауға болады…

• Айтылғандарды қорыта отырып, айтуға болады … Бұдан … шығады

• Мен мәтіннің авторына шынымен ризашылығымды білдіремін, өйткені ол мені ... ойландырып тастады т.т.

ТИІМДІ КЕРІ БАЙЛАНЫС БЕРУ ҮШІН:

• Білім алушылар критерийлерді түсіну үшін қандай жұмыстар жүргізуге болады?

1.Критерийлерді негізге алып, «жақсы» жұмыстың көрсеткішін анықтау.

Мұғалім білім алушыларға басшылыққа алынатын негізгі критерийді ұсынады. Білім алушылар сол негізгі критерийлерді басшылыққа ала отырып «жақсы» жұмыстың өлшемдерін бірлесіп анықтайды.

2. Критерийлердегі негізгі тірек сөздерді анықтау және түрлендіру.

Мұғалім критерийлерді білім алушыларға ұсынады.Олар жұпта немесе топта критерийлердегі негізгі тірек сөздерді айқындайды.Анықталған тірек сөздерді басқа синоним сөздермен алмастырып, түрленген критерийлер құрады.

3. Критерийлерді сұраққа айналдыру.

Мұғалім білім алушыларға негізгі критерийлерді/сұрақтарды ұсынады. Білім алушылар әрбір критерийге байланысты оны аша түсетін айқындауыш сұрақтарды анықтайды. Сұрақ біреу немесе бірнеше болуы мүмкін.Сұрақтардың мейлінше түсінікті болуы назарда ұсталады.

4. Критерийлерді ашатын болжамды сөздерді/сөз тіркестерін анықтау.

Білім алушылар критерийлерге сәйкес жазылған жұмыста болатын болжамды негізгі сөздерді/сөзтіркестерін анықтайды.

/Айдосова Т.Қ. Тиімді кірі байланыс беру дағдысын дамыту әдістері / Т.Қ. Айдосова. - Астана

«Назарбаев Зияткерлік мектептері» ДББҰ Педагогикалық шеберлік орталығы, 2016 - 34 б./