Сәулет өнері. Қазақ тілі, 10 сынып, дидактикалық материал. 1 сабақ. 1 нұсқа.

1-тапсырма.Төменде берілген сұрақтарға жауап бер.

• Ерекше сәулетімен көз тартатын қандай қалаларды білесіңдер?
• Астана қаласының сәулеттік келбеті туралы не айтасыңдар? Оның басты-басты символдарын атаңдар.
• Ал осы соңғы үлгіде салынып жатқан ғимараттардың авторлары кімдер? Жалпы, қазақ сәулет өнерінің деңгейі туралы ойыңды жеткіз.

2-тапсырма. Төменде берілген ақпаратты оқып, өзара талқылаңдар. Жаңа қолданыстағы сөздерді анықтаңдар.

2002 жылы Астана қаласында ашылып, бас қаланың басты символының біріне айналған «Бәйтерек» монументін ағылшын архитекторы Норман Фостер жасағанын жұртшылық ұмыта қойған жоқ. Бұл азамат 2000 жылы әлемдегі 100 ұлы сәулетшінің бірі атанды. Осының өзі оның беделі биік екенін аңғартып отыр. Ол жер шарындағы Лондон, Нью-Йорк, Манчестер, Мәскеу, Гонконг пен Берлин секілді шаһарларының шырайын кіргізуге белсене атсалысты. Олардың қатарында әлемдегі ең жас елорданың бірі – Астананың да болуы бізді қуантады. Сондай-ақ, жапон сәулетшісі Кисе Курокава да біздің негізгі ордамыздың бас жоспарын жасауға атсалысты, халықаралық деңгейдегі әуежайдың сәулеттік жобасын жасады. Қысқасы, Астананың сәулеттік келбетінің жақсаруына шетелдік архитекторлардың еңбегі ерекше сіңді деп айта аламыз. Соңғы үлгіде салынып жатқан ғимараттардың дені солардың үлесінде болып жатқаны бізді ойлантады. Сонда қазақтың сәулет өнерінің деңгейі қандай сауал өздігінен туындайды.

3-тапсырма. Төменде берілген тақырыпқа аргументативті эссе жаз.

Қалай ойлайсың, егер қазақы нақыштағы ғимараттар көбірек бой түзесе, қазақ архитектурасы өркениет көшіне ілесе ала ма?

____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

4-тапсырма. Жазған эссеңді жұппен, тобыңмен талқыла, ең жақсы эссе жұмысын анықтауға үлесіңді қос.