Сәулет өнері. Қазақ тілі, 10 сынып, сабақ жоспары. 1 сабақ. 1 нұсқа.

Ұзақ мерзімді жоспар бөлімі:

5. Сәулетөнері.

Тілдікжүйежәне нормаМектеп:

Уақыты: Мұғалімнің аты-жөні:

Сыныбы:10қатысқаны: қатыспағаны:

Сабақта жоспарланған іс-әрекеттер

Жаттығу-тренинг. Оқушыларды шағын жұмыс топтарына бөлу.

• Жаңа сабаққа оқушы назарын аудару.

Астана қаласының зәулім ғимараттарының суреттері көрсетіледі. Төменде берілген сұрақтарға жауап бер.

Ерекше сәулетімен көз тартатын қандай қалаларды білесіңдер?

Астана қаласының сәулеттік келбеті туралы не айтасыңдар? Оның басты-басты символдарын атаңдар. («Бәйтерек» монументі, халықаралық деңгейдегі әуежай т.т.) Ал осы соңғы үлгіде салынып жатқан ғимараттардың авторлары кімдер? Жалпы, қазақ сәулет өнерінің деңгейі туралы ойыңды жеткіз.

2. Сабақ тақырыбы, мақсаты таныстырылады.Бағалау критерийін мұғалім оқушылармен бірге талқылайды. Ондағы тірек сөздерге оқушы назарын аударады.

3. Жаңа тақырыпты меңгерту.

Т. Жазылым алдындағы тапсырма

Төменде берілген ақпаратты оқып, өзара талқылаңдар. Жаңа қолданыстағы сөздерді анықтаңдар.

2002 жылы Астана қаласында ашылып, бас қаланың басты символының біріне айналған «Бәйтерек» монументін ағылшын архитекторы Норман Фостер жасағанын жұртшылық ұмыта қойған жоқ. Бұл азамат 2000 жылы әлемдегі 100 ұлы сәулетшінің бірі атанды. Осының өзі оның беделі биік екенін аңғартып отыр. Ол жер шарындағы Лондон, Нью-Йорк, Манчестер, Мәскеу, Гонконг пен Берлин секілді шаһарларының шырайын кіргізуге белсене атсалысты. Олардың қатарында әлемдегі ең жас елорданың бірі – Астананың да болуы бізді қуантады. Сондай-ақ, жапон сәулетшісі Кисе Курокава да біздің негізгі ордамыздың бас жоспарын жасауға атсалысты, халықаралық деңгейдегі әуежайдың сәулеттік жобасын жасады. Қысқасы, Астананың сәулеттік келбетінің жақсаруына шетелдік архитекторлардың еңбегі ерекше сіңді деп айта аламыз. Соңғы үлгіде салынып жатқан ғимараттардың дені солардың үлесінде болып жатқаны бізді ойлантады. Сонда қазақтың сәулет өнерінің деңгейі қандай сауал өздігінен туындайды.

Ж. Жазылым тапсырмасы

Қалай ойлайсың, егер қазақы нақыштағы ғимараттар көбірек бой түзесе, қазақ архитектурасы өркениет көшіне ілесе ала ма?

ЖЖ/Т. Жазылымнан кейінгі тапсырма

Оқушылар жазған эсселерін жұпта, топта талқылайды, ең жақсы эссе жұмысын «Ыстық орындықта» оқиды.

Дескриптор:

-тақырыпты жан-жақты ашады;

-кем дегенде 2 дәлел келтіреді;

-эссе құрылымын сақтайды.

-сауатты, жүйелі жаза алады.

4. Топтар бір-бірінің жауабын критерийге сай бағалайды. Мұғалім тиімді кері байланыс береді.

Қабілеті жоғары оқушылар қажетті клишелер мен лексикалық құрылымды қолдана отырып тақырыпты тұжырымдайды, өз ұстанымының тиімділігін дәлелдейді, қабілеті төмендеу оқушыларэссе құрылымын сақтай отырып өз ойын жобалап жеткізеді.

5. Рефлексия

Жазылым барысында қиындық келтіргені ...

Жазылымда оңай болғаны ...

Алдағы уақытта мынаны ескеремін ...

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?