Стильдік ерекшеліктер. Қазақ тілі, 10 сынып, нұсқаулық. 3-4 сабақ.

Оқылым алдындағы тапсырма.

Оқушылар шағын топтарда жұмыс жасап, екі стильдің (ресми, публицистикалық) ерекшелігі туралы постер әзірлейді. Сынып алдында әр топ өз жұмыстарын қорғайды. Әр топ өзге топты тыңдай отырып, өзгерістер мен толықтырулар енгізе алады. Осылайша екі стильдің айырмашылығын теориялық тұрғыдан білгеннен кейін әр топқа екі стиль түрінде жазылған мәтіндер (мәтіндерде ықшамдап алу керек) таратылып беріледі

Оқылымнан кейінгі тапсырма.

Топ мүшелері өз талдауларын тақтаға іледі, қалған топтар оқып, комментарий жасайды, салыстырады, өздерін мәтіндерді салыстыра талдау бойынша бағалайды:

• тақырыбы:
• стилі:
• жанры:
• аудиториясы:
• құрылымы:
• тілі:

Оқушыларға графиктік мәтінмен жұмыс істеп, мәліметтерді талдау, негізгі үрдістерді анықтау тапсырмасы беріледі.

Әр топ өздеріне бейтаныс сөздер мен ұғымдарды анықтап, сыныпқа оның мәнін талдау, анықтау негізінде түсіндіреді.