Экономикалық интеграция - бүгінгі күннің даму үрдісі. Қазақ тілі, 10 сынып, презентация. 2 сабақ.

Экономикалық интеграция – бүгінгі күннің даму үрдісі

Т/А6. Коммуникативтік жағдаятқа сай көпшілік алдында тиісті сөйлеу әдебін сақтай отырып, дұрыс сөйлеу

Жетістік критерийлері:

- көпшілік алдында сөйлеу үшін сөз әдебі сақталған, тілдік оралымдары түсінікті мәтін құрастырады;

- сыни тұрғыда өзіндік пікірін нақты білдіріп, көпшілікке жеткізеді.

Қызығушылықты ояту.

Оқушылар ортаға шығады.

«Соңғы жаңалықтар» әдісін қолданып, 3 адамнан шағын топ құрып тұрады. «Экономикалық интеграция» жайлы естіген әлемдегі соңғы жаңалықтарымен бөліседі. Онда БАҚ мәліметтерді, пәнаралық байланыстағы естіген ақпараттарды және үйге берілген « Экономикалық интеграция елге қалай әсер етеді?» атты жұмысынан да қолдануы қажет.

Жағдаят. Бір өндіріс орнында саясаткердің: «Экономикалық интеграция елге тиімді әсер етеді» деген тұжырымына күмән туындап, қызметкерлер арасында дау болды. Сіздің міндетіңіз-осы күмәнді дәлелді сөзіңізбен сейілту.

Тапсырма: жағдаятқа сай көпшілік алдында сөйлеу әдебін сақтап мәтін құрастыру. Сыныптастарының алдында өзіндік пікірін дәлелді жеткізу. Көлемі 100-150 сөз.

Рефлексия