Экономикалық интеграция - бүгінгі күннің даму үрдісі. Қазақ тілі, 10 сынып, сабақ жоспары. 2 сабақ.

Жоспар бөлімі: 4-бөлім. Экономикалық интеграция – бүгінгі күннің даму үрдісі

Мектеп:

Өскемен қаласы ХББ Назарбаев Зияткерлік мектебі

Мұғалімнің аты-жөні: Қ.Н. Амиргазина

Уақыты:

Қатысқандар саны:

Қатыспағандар саны:

Сабақ тақырыбы: 1-сабақ.

Экономикалық интеграция – бүгінгі күннің даму үрдісі

Осы сабақта қол жеткізілетін оқу мақсаттары

Т/А6. Коммуникативтік жағдаятқа сай көпшілік алдында тиісті сөйлеу әдебін сақтай отырып, дұрыс сөйлеу.

Сабақ мақсаттары:

Оқушылар:

• жағдаятқа сай көпшілік алдында сөйлеу әдебін сақтап жазылған мәтінін құрастырады;
• жағдаятқа қатысты өз ойын сыни тұрғыдан талдап, тартымды етіп жеткізеді.

Жетістік критерийлері:

• көпшілік алдында сөйлеу үшін сөз әдебі сақталған, тілдік оралымдары түсінікті мәтін құрастырады;
• сыни тұрғыда өзіндік пікірін нақты білдіріп, көпшілікке жеткізеді.

Құндылықтарды дарыту

- сыйластық, ынтымақтастық, жауапкершілік

Тілдік мақсаттар

Пән лексикасы және терминология:

Диалог және жазылым үшін қажетті сөз тіркестері:

Менің ойымша..., өз көзқарасым..., менің байқауымша...

Пәнаралық байланыстар:

экономика, қоғам, әдебиет

АКТ қолдану дағдылары

Презентация

Бастапқы білім

«Экономикалық интеграция – бүгінгі күннің даму үрдісі» тақырыбын түсініп, талдады.

Сабақтағы жоспарланған іс-әрекет

І. Қызығушылықты ояту. Оқушылар ортаға шығады.

«Соңғы жаңалықтар» әдісін қолданып, 3 адамнан шағын топ құрып тұрады. «Экономикалық интеграция» жайлы естіген әлемдегі соңғы жаңалықтарымен бөліседі. Онда БАҚ мәліметтерді, пәнаралық байланыстағы естіген ақпараттарды және үйге берілген « Экономикалық интеграция елге қалай әсер етеді?» атты жұмысынан да қолдануы қажет.

Мақсаты: өз ойын еркін, өмірмен нақты байланыстыра жеткізу.

Бағалау: өзара ауызша мадақтау, қолдау білдіру. Креативті пікір.

Мұғалім оқушылардың арасында жүріп, олардың қандай жаңалық айтып жатқанын бақылайды.

-Оқушыларға: «Бұл жаңалықтарды қайдан естідіңіздер?» – деген

сұрақ қояды.

Оқушылар 1,2,3,4 сандары арқылы 4 топқа бөлінеді. Мұғалім оқушыларға сабақ тақырыбы мен мақсатын, жетістік критерийін айтады.

Сабағымыздың мақсаты сөйлеу мәдениеті, тіл өнерінің биік шыңы-шешендік өнердің мәні мен адам өміріндегі маңызының әдістерімен таныстыру. Осы бағытта толғамды ой, түйінді пікірлермен жұмыс істеуіне жағдай жасау, мүмкіндік беру.

ІІ. Топпен жұмыс. Проблемалық тапсырма тақырыбы:

«Көпшілік алдында сөйлеудің әдістері» атты постер құрастыру

• Көпшілік алдында өзін-өзі ұстау ережелері
• Қызықтыра білу, тартымды сөйлеу әдістері
• Талдаудың логикалық тәсілдері
• Баяндаудың түсіндіру тәсілдері
• Сөйлеуші баяндамасына деген сұраныстың пайда болу себептері

Әр топ аталған сұрақтарға креативті жауап беріп, ақпаратты зерттеп, топ алдында қорғайды.

Бағалау жетістік критерийі бойынша 1-2-3-4-1 ретінде жүреді.

Ортақ жетістік критерийін топтар өзара бірігіп, құрастырады.

Мұғалім сөзі: көпшілік алдындағы сөйлеу ережелерін анықтағаннан кейін, әркім өз бетінше жағдаятқа байланысты өзінің сөйлеу сөзін дайындайды.

Жағдаят. Бір өндіріс орнында саясаткердің: «Экономикалық интеграция елге тиімді әсер етеді» деген тұжырымына күмән туындап, қызметкерлер арасында дау болды. Сіздің міндетіңіз-осы күмәнді дәлелді сөзіңізбен сейілту.

Тапсырма: жағдаятқа сай көпшілік алдында сөйлеу әдебін сақтап мәтін құрастыру. Сыныптастарының алдында өзіндік пікірін дәлелді жеткізу. Көлемі 100-150 сөз.

Жетістік критерийі:

• көпшілік алдында сөйлеу әдебін сақтап жазды;
• жағдаятқа қатысты өз ойын сыни тұрғыдан талдап, тартымды етіп жеткізді.

Бағалау жұпта ЖК бойынша жүргізіледі. (сұранысы бойынша әр жұптан 1 баланы тыңдау)

Үй тапсырмасы: Ел жаңалықтарынан тақырыпқа сай 1 бейнематериал жүктеп әкелу, оған жан-жақты талдау жасау.2-3 м.

Рефлексия

Саралау – оқушыларға қалай көбірек қолдау көрсетуді жоспарлайсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық пен қауіпсіздік техникасының сақталуы

Сабақ бойынша рефлексия

Сабақ мақсаттары/ оқу мақсаттары дұрыс қойылған ба? Оқушылардың барлығы оқу мақсатына қол жеткізді ме?

Жеткізбесе, неліктен?сабақта саралау дұрыс жүргізілді ме?

Сабақтың уақыттық кезеңдері дұрыс сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік қиындықтары туралы нені білдім, келесі сабақтарда неге көңіл бөлу қажет?