Этика заңдылықтары. Қазақ тілі, 10 сынып, дидактикалық материал.

Нақтылаушы сұрақтар. Мәтін мазмұнын түсіну деңгейіндегі сұрақ. Бұл «иә» немесе «жоқ» жауаптарын қажет ететін, мәтін мазмұны бойынша оқушының түсіну деңгейін тексеру сұрақтары.

…екені рас па? Егер мен дұрыс түсінсем, ...сияқты формада берілуі мүмкін.

Сұрақтарға жауап беру барысында оқушы өз жауабын дәлелді түрде жеткізуі қажет.

•Түсініктеме беруші сұрақтар. Мәтін мазмұнына анализ жүргізу мақсатында қойылатын сұрақтар. Әдетте «Неге?», «Неліктен?» деп басталады. Сұрақтар себеп-салдарлық мәнді анықтау мақсатында қойылады. Ескерерлік жайт, бұл сұрақтардың жауаптары мәтінде нақты көрсетілмеуі керек, оқушының сыни ойлауына бағыттаңыз.

•Шығармашылық сұрақтар. Мәтінге синтез жүргізуге көмектесетін сұрақтар. Әдетте келер шақты меңзеп қойылады, болжамды қамтиды. Мысалы, Қазақстанда бұқаралық ақпарат құралдарын төртінші билік органы ретінде қабылдау қалыптасса, проблемалық мәселелер шешімін табар ма еді?

•Бағалаушы сұрақтар. Іс-әрекетті, оқиғаны, деректі бағалауға бағытталған сұрақтар.

… деген қарым-қатынасыңыз қандай? … іс-әрекеті дұрыс па? сияқты формада берілуі мүмкін.

•Тәжірибелік сұрақтар. Теория мен тәжірибе арасындағы байланысты анықтауға бағытталған сұрақтар. Мысалы, Басты кейіпкердің орнында мен не істер едім? Егер мен журналист болсам, қоғамдағы қандай өзекті мәселелерді көтерер едім?