Индустрияландыру: ұлттық өндіріс. Сөз мәдениеті. Қазақ тілі, 10 сынып, сабақ жоспары. 1 сабақ. 1 нұсқа.

Пән: қазақ тілі

Ұзақ мерзімді жоспар бөлімі: Индустрия

ландыру: ұлттық өндіріс.

Сөз мәдениеті

Мектеп:

Күні:

Мұғалімнің аты-жөні:

Сынып: 10 Т1

Қатысқан оқушылар

саны:

 Қатыспағандар:

Сабақтың тақырыбы

Индустрияландыру: ұлттық өндіріс.

Сөз мәдениеті

(1-нұсқа)

Осы сабақта қол жеткізілетін оқу мақсаттары (оқу бағдарламасына сілтеме)

10.1.2.1 мамандандырылған тар аядағы арнайы мәтіндердегі (дәріс) мақсатты аудиторияға арналған терминдер мен ұғымдарды, тілдік оралымдарды талдау.

 Сабақтың

 мақсаттары

Мамандандырылған тар аядағы арнайы мәтіндердегі мақсатты аудиторияға арналған терминдер мен ұғымдарды, тілдік оралымдарды талдауға үйрету.

 Бағалау критерийі

Мамандандырылған тар аядағы арнайы мәтіндердегі мақсатты аудиторияға арналған терминдер мен ұғымдарды, тілдік оралымдарды талдай алады.

Тілдік мақсаттар

Пәнге тән лексика мен терминология:

ауыз толтырып айтуға болады, көз тартар, көздің жауын алар, молекулалық сито, бестроник аппараты т.б.

Диалог пен жазу үшін пайдалы сөздер мен тіркестер:

Менің ойымша/пікірімше…, Менің көзқарасым тұрғысынан…., Менің көзқарасым бойымша…

Құндылықтарды игерту

Ұлттық құндылықтарды білудің маңызы, оны дәріптеуге тәрбиелеу

Пәнаралық байланыс

Экономика

Бастапқы білім

Оқушылар 9-сыныпта алған білім, білік, дағдыларына сүйенеді.

Жоспар

Жоспар бойынша орындалуы тиіс іс-әрекеттер

Қызығушылығын ояту. «Түртіп алу стратегиясы».

Оқушылар видеоны көре отырып, ондағы ақпараттарды түртіп алады, сабақтың тақырыбын болжайды. Түртіп алғандарын ортаға салады.

 Мұғалім сабақтың тақырыбын хабарлайды. Сабақ мақсатымен таныстырады. Оқушылар мен мұғалім бірлесе отырып, сабақтың бағалау критерийлерін әзірлейді.

Оқылымалды тапсырмасы. «Ішкі және сыртқы шеңбер» әдісі

- Сынып оқушылары 1,2 топқа бөлінеді;

- Бірінші топ ішкі шеңберге, екінші топ сыртқы шеңберге орналасады;

- Ішкі шеңбердегілер бір орында тұрады, ал сыртқы шеңбердегілер айналады. Белгі бергенде сыртқы шеңбердегілер өз тұсына тоқтайды да, «Ұлттық өндіріс дегеніміз не?» деген сұраққа өз ойларын айтады, ішкі шеңбердегілер тыңдайды.

- Ішкі шеңбердегілер сырт шеңберге шығып, орнын ауыстырады.

ЖЖ. Мәтінмен жұмыс. Оқылым тапсырмасы.

Индустрияландыру: ұлттық өндіріс

 Алматы қаласында индустрияландыру бағдарламасына енген 532 млрд теңгенің 29 жобасы бар. Бірінші бесжылдықта осы жобалардың 21-і іске қосылды. Олардың жалпы құны 280,04 млрд теңге. Сәтті жүзеге асқан жобалардың бірі – қалада орналасқан «Қаз Шыны Құрылыс» зауыты. Аты айтып тұрғандай, зауыт шыны шығарумен айналысады. Кәсіпорын екі ауысымда тәулік бойы тыным таппай жұмыс істеп, 120 адамды жұмыспен қамтып отыр. Зауыттан шыққан инновациялық өнімдер 100 пайыз ішкі нарық сұранысын қамтиды. Мұны ауыз толтырып айтуға болады.

 Зауытта өндірістің бірнеше циклы бар: шыныны шынықтыру мен кесу, арнайы аппаратпен шыныға сурет салу және кәдімгі терезеге қажетті шыны пакеттер шығару.

 Кесу үстелінің үстінде ауыр шынылар суда қалқыған қағаздай сырғиды, арнайы тесіктерден қатты үрлеген ауа шыныны үстел бетімен жеп-жеңіл жылжытып отырады. Кесу кезіндегі тағы бір маңызды нәрсе – шынының сапасын қадағалау. Бұл жұмысты кәсіпорындағы арнайы зертхана мамандары атқарады.

 Пешке кірген шыны керегінше 650-ден 7000 градусқа дейін қыздырылады. Шыны жоғары температурада балқып, жұмсақ күйге енеді. Осы сәтте оны керегінше дөңес немесе жартылай иілген пішінге келтіруге болады. Пештен шыққан шыны болаттай болмаса да, айтарлықтай мықты болады.

 Шыныдан әртүрлі өнім алуға болады. Зауыттағы робот аппараттар алюминий қаңқалар құрастырады. Оған молекулалық сито деп аталатын арнайы құм құйылады. Ол терезені ылғалданудан сақтайды.

 Бестроник аппараты – шыныны бір-біріне беттестіріп, оған герметикалық резина жағып, кәдімгі терезе істейді.

 Зауытта көркемдеу – фотобаспа бөлімі бар. Мұнда шыныға көз тартар суреттер салынады. Тұрмыс пен күнделікті өмірде таптырмас бұйымдар осында жасалады. Шыныдағы көздің жауын алар суреттер елу жылға дейін түсін жоғалтпайды. Осындай инновациялық әдістерді кәсіпорынға енгізгені үшін, бірнеше рет мемлекеттік грант берілді.

 https://www.com/watch?v=5I5V3u30mb0

Оқылымнан кейінгі тапсырма

Дескриптор:

• Мәтінді оқып, мазмұнын түсінеді;
• Мамандандырылған тар аядағы арнайы мәтіндердегі мақсатты аудиторияны анықтайды;
• Арнайы терминдер мен ұғымдарды, тілдік оралымдарды талдай алады.

Өзара бағалау

Оқушылар топта шеңбер құрып отырады. Талдаған жұмыстарын сағат тілімен жылжытып, бір-біріне береді. Оқушылар сыныптасының жұмысын оқиды, талдайды, түзету енгізеді, жетілдіруге ұсыныс айтады.

Рефлексия

- Нені үйрендім?

- Не нәрсе түсініксіз болып қалды?

- Немен қайта жұмыс жасау керек?

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.