Ұлттық өнім: индустриялық даму. Қазақ тілі, 10 сынып, сабақ жоспары. 7 сабақ. 2 нұсқа.

2.Индустрияландыру:

Ұлттық өндіріс.

Сөз мәдениеті. Сөз дәлдігі

Мектеп:

Күні:

Мұғалімнің аты-жөні:

Сынып: 10

Қатысқандар:

Қатыспағандар:

Сабақтың тақырыбы

ҰЛТТЫҚ ӨНІМ: ИНДУСТРИЯЛЫҚ ДАМУ

Осы сабақ арқылы жүзеге асатын оқу мақсаттары

10.1.4.1 мәтінде көтерілген мәселеге автор мен оқырманның қарым-қатынасын ескере отырып, сұрақтар құрастыру және бағалау.

Сабақтың мақсаты

Тыңдалым мәтінімен жұмыс жасау арқылы көтерілген мәселеге автор мен оқырманның қатысын ескеріп, сұрақтар құрауға, өзіндік баға беруге үйрену.

 Бағалау критерийлері

Көтерілген мәселеге автор мен оқырманның көзқарасын ескеру арқылы сұрақтар құрастырып, баға бере алады.

 Дескрипторлар

Өндіріс пен қаржы саласына қатысты сөздерді анықтау арқылы мәтін мазмұнын болжайды;

Автор мен оқырманның көзқарасын ескере отырып, сұрақтар құрастырады.

Мәтінге байланысты сұрақтарға сүйеніп, өзіндік баға береді.

 Тілдік дағдылар

Ұлттық өнім, даму бағыты, индустрияландыру, индустриялық держава, шикізаттық экспорт, болашақ экономика.

 Құндылықтарды дарыту

Сабақ оқушылардың бойына топтық, жұптық жұмыс жасау барысында бірін-бірі тыңдай білу, өзгенің пікіріне құрметпен қарау құндылықтарын дарыту, бірін-бірі бағалауы кезінде академиялық әділдік саясатын ұстануға үйретуге бағытталған.

 Пәнаралық байланыс

Экономика, география.

Бастапқы білім

Оқушылар алдыңғы сабақта алған білімдеріне сүйенеді, экономика, қаржы салалары бойынша білімдерін толықтырады.

Сабақ барысы

Сабаққа жоспарланған іс-әрекеттер

Мәтін алдындағы тапсырма

Т.Ж.

Оқушыларға тыңдалым мәтінінен бірнеше сөздер беріледі. Олар сөздердің мағыналарын анықтап, өндіріс және қаржы салаларына қарай топтастырады. Бұл тапсырма арқылы оқушылар тыңдалым мәтінінің мазмұнын болжайды және мәтінді оңай түсінуге мүмкіндік алады.

• Берілген сөздермен танысып, өндіріс пен қаржы саласына қатысты сөздерді анықтаңыздар және тыңдалым мәтінінің мазмұны не туралы болатынын болжаңыздар.

Сөздер: банкрот, шикізат, индустрия, өнеркәсіп, рецессия, азық-түлік, ауылшаруашылығы, инвестиция, өңдеу.

Тыңдалым тапсырмасы

Ж.

Мұғалім оқушыларды мәтінді зейін қоя отырып тыңдауға шақырады және мәтінге байланысты тапсырмалар орындайтындықтарын ескертеді.

• Мәтінді мұқият тыңдап, негізгі ақпараттарды дәптерлеріңізге түртіп алыңыздар және жұпта түртіп алған ақпараттарды талқылау арқылы бір-біріңді толықтырыңыздар. (ИНСЕРТ әдісі арқылы)

Тыңдалымнан кейінгі тапсырма.

1-тапсырма Ж.

• Журналист өзінің бағдарламасын қандай мәселемен бастады? Қазақстан алдына қандай міндеттер қойды? Осы тәріздес мәселелерді ескере отырып, мәтіннің мазмұны негізінде жұбыңызға бірнеше сұрақтар құрастырып қойыңыз. Сұрақ мәтін авторының және өзіңіздің мәселеге көзқарасыңызды, мәтіннің негізгі идеясын, мақсатын, көтерген мәселесін қамтитындай болуы тиіс.
• Құрастырған сұрақтарыңызды жұпта алмасу арқылы жауап беріңіздер. Ж.Ж.

2-тапсырма

Ж.Ж.

«Жауап. Баға. Пікір» әдісі арқылы мұғалім оқушыларды тапсырма орындауға шақырады.

• Мәтінге қатысты сұрақтарға сүйене отырып, өз ойыңызбен жауап беріңіз, баға беріңіз, пікір айтыңыз.
• Мәтінде журналист мәселені алға тарту үшін нені негізгі мәселе етіп алды? Оның негізгі ойы қандай болды?
• Журналист келтірген мәселелерге сіздің пікіріңіз қандай?

Рефлексия

Мұғалім сабақ соңында оқу мақсатына қайта оралып, оған қаншалықты жеткендіктерін талқылап, мынадай стратегия арқылы оқушылардың ойын тыңдайды.

«Дауыстап айтылатын ой» стратегиясы арқылы оқушылар бүгінгі сабақ туралы ойларын ортаға салады.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді жоспарлайсыз?

Денсаулық және қауіпсіздік ережелерін сақтау