Орманды сақтау. Қазақ тілі, 9 сынып, таратпа материал.

Бөлім: Табиғи ресурстарды сақтау

Тақырып: Орманды сақтау

Оқу мақсаты:

9.2.6.1 белгілі бір мақсат үшін оқылым стратегияларын тиімді қолдана білу;

9.3.1.1 жинақталған материалдар негізінде көзделген мақсатқа сәйкес ауызша және жазбаша мәтіндер үшін күрделі жоспар құру.

Үлестірме

Жұбыңмен төмендегі сұрақтарға жауап беріп, талқылау жүргіз.

1. Орманның маңыздылығы қандай?

2. Орманда қандай жануарлар тіршілік етеді?

3. Орманның адам баласына пайдасы қандай?

4. Орман жойылса, жер бетінде не өзгеріс болуы мүмкін?

1-тапсырма. Топта орманға қатысты заң құрастырыңыз. Заң кем дегенде 5 тармақтан тұрсын.

2-тапсырма. Қабырғада ілінген оқылым мәтінін оқып, жазбаларыңызға өзгеріс енгізіңіз.

Қабырғаға ілінетін мәтін

3-бап. Қазақстан Республикасы орман заңдарының принциптерi

Қазақстан Республикасының орман заңдары:

1) ормандардың климатты реттейтiн, орта түзетiн, егiс-топырақ қорғау, су сақтау және санитарлық-гигиеналық функцияларды орындайтын жалпымемлекеттiк мәнiн мойындау;

2) ормандарды тұрақты дамыту (Қазақстан Республикасының орманды аумақтарын тұрақты ұлғайту);

3) ормандардың, мемлекеттiк табиғи-қорық қоры объектiлерiнiң, мәдени және табиғи мұраның биологиялық әралуандығын сақтау;

4) ормандарды көп мақсатқа пайдалану;

5) орман ресурстарын ұтымды, үздiксiз, сарқылмайтындай етiп пайдалану;

6) орман қорын күзету, қорғау, пайдалану, ормандарды молықтыру мен орман өсіру саласындағы мемлекеттік реттеу, бақылау;

7) басты мақсатта пайдалану үшiн ағаш кесу мен алынған сүректi қайта өңдеудi жүзеге асыру функцияларынан орман пайдалануды реттеу функцияларының ара жiгiн ажырату;

8) Қазақстан Республикасының орман заңдарын бұзудан келтiрiлген залалдың орнын толтыру;

9) орман ресурстарын ақылы пайдалану;

10) орман қорының жай-күйi туралы ақпараттың қол жетiмдiлiгi;

11) халықтың және қоғамдық бiрлестiктердiң орман қорын күзетуге және қорғауға қатысу принциптерiне негiзделедi.

3-тапсырма. Мәтіннен қажетті ақпаратты анықта.

Мәтіннен етістіктерді теріп жаз..Тапқан етістіктермен байланыстырып, орманды қорғау туралы ойларыңды топта ортаға сал.

4-тапсырма. Орман заңын мазмұнына қарай жіктеп, күрделі жоспар құр.

Үлгі:

• Орманды пайдалану

а/ 4-бөлік. Көп мақсатта пайдалану;

ә/ 5-бөлік. Сарқылмайтындай етіп пайдалану.