Орманды сақтау. Қазақ тілі, 9 сынып, сабақ жоспары.

Сабақ: Қазақ тілі

 Мектеп:

Күні:

Мұғалімнің аты-жөні:

Сынып: 9Т1

Қатысқан оқушылар саны:

Қатыспағандар:

Бөлім атауы:

Табиғи ресурстарды тиімді пайдалану

Сабақтың тақырыбы

Орманды сақтау

Осы сабақ арқылы жүзеге асатын оқу мақсаттары

9.2.6.1 белгілі бір мақсат үшін оқылым стратегияларын тиімді қолдана білу;

9.3.1.1 жинақталған материалдар негізінде көзделген мақсатқа сәйкес ауызша және жазбаша мәтіндер үшін күрделі жоспар құру.

 Сабақтың мақсаттары

• Оқылым стратегияларын қолданады;
• Мәтін мазмұнына сай бөліктерге бөледі;
• Күрделі жоспар құрады.

Бағалау критерийлері

• Мәтін мазмұнын түсінеді.
• Күрделі жоспар құрады.

 Құндылықтар

Өмір бойы оқу, жауапкершілік

 Пәнаралық байланыс

Экология

 АКТ дағдылары

Тақырыпқа қатысты таныстырылым

Осыған дейін меңгерілген білім

Тілдік міндеттер

Тақырыпқа қатысты сөздер мен сөз тіркестері: пайдалану, дамыту, мемлекеттік мәні, табиғи мұра, тұрақты ұлғайту

Жоспар

Жоспар бойынша орындалуы тиіс іс-әрекеттер

1.Ұйымдастыру. Оқушылар сұрақтарға жауап береді.

1. Орманның маңыздылығы қандай?

2. Орманда қандай жануарлар тіршілік етеді?

3. Орманның адам баласына пайдасы қандай?

4. Орман жойылса, жер бетінде не өзгеріс болуы мүмкін?

Оқылымалды тапсырма

1-тапсырма. Оқушыларға топта Орман заңын құрастыру тапсырылады. Көмек ретінде шартты белгілер ұсынылады. Топ заңды флипчартқа жазады.Аяқталған жұмысты бір-біріне таныстырады.

Оқылым тапсырмасы

2-тапсырма. Оқушылар қабырғада ілінген оқылым мәтінін оқып, өздерінің жазбаларына өзгеріс енгізеді.

3-бап. Қазақстан Республикасы орман заңдарының принциптерi

      Қазақстан Республикасының орман заңдары:

      1) ормандардың климатты реттейтiн, орта түзетiн, егiс-топырақ қорғау, су сақтау және санитарлық-гигиеналық функцияларды орындайтын жалпымемлекеттiк мәнiн мойындау;

      2) ормандарды тұрақты дамыту (Қазақстан Республикасының орманды аумақтарын тұрақты ұлғайту);

      3) ормандардың, мемлекеттiк табиғи-қорық қоры объектiлерiнiң, мәдени және табиғи мұраның биологиялық әралуандығын сақтау;

      4) ормандарды көп мақсатқа пайдалану;

      5) орман ресурстарын ұтымды, үздiксiз, сарқылмайтындай етiп пайдалану;

      6) орман қорын күзету, қорғау, пайдалану, ормандарды молықтыру мен орман өсіру саласындағы мемлекеттік реттеу, бақылау;

      7) басты мақсатта пайдалану үшiн ағаш кесу мен алынған сүректi қайта өңдеудi жүзеге асыру функцияларынан орман пайдалануды реттеу функцияларының ара жiгiн ажырату;

      8) Қазақстан Республикасының орман заңдарын бұзудан келтiрiлген залалдың орнын толтыру;

      9) орман ресурстарын ақылы пайдалану;

      10) орман қорының жай-күйi туралы ақпараттың қол жетiмдiлiгi;

      11) халықтың және қоғамдық бiрлестiктердiң орман қорын күзетуге және қорғауға қатысу принциптерiне негiзделедi.

3-тапсырма. Мәтіннен қажетті ақпаратты анықта.

Мәтіннен етістіктерді теріп жазу тапсырылады.Тапқан етістіктерімен байланыстырып, орманды қорғау туралы ойларын топта ортаға салады.

4-тапсырма. Орман заңын мазмұнына қарай жіктеп, күрделі жоспар құру тапсырылады.

Үлгі:

• Орманды пайдалану

а/ 4-бөлік. Көп мақсатта пайдалану;

ә/ 5-бөлік. Сарқылмайтындай етіп пайдалану.

Кері байланыс. Сабақ соңында «пайдалану, дамыту, мемлекеттік мәні, табиғи мұра, тұрақты ұлғайту» сөздері мен сөз тіркестерін пайдаланып, төмендегі сұрақтарға жауап беру тапсырылады:

Сабақтан не үйрендім?

Не қиын болды?

Нені жетілдіру керек?

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Берілетін тапсырма, күтілетін нәтиже, қолдау, берілетін уақыт, қолданатын дерек көздеріне байланысты бөліп оқыту.

Топта бірлесіп оқыту.

Пәнаралық байланыс – робототехника, биология

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?