Қазақстанда биотехнологияның дамуы. Қазақ тілі, 9 сынып, сабақ жоспары.

Ұзақ мерзімді жоспар бөлімі: «Биотехнология және гендік инженерия келешегі»

Мектеп:

Уақыты: Мұғалімнің аты-жөні:

Сыныбы: 9 Т1 Қатысқаны: Қатыспағаны:

Сабақта жоспарланған іс-әрекеттер

Жаттығу-тренинг.

Оқушыларды шағын жұмыс топтарына бөлу.

Жаңа сабаққа оқушы назарын аудару.

Биотехнология, гендік инженерия тақырыбына қатысты суреттер көрсетіліп, болжам жасалады.

Сабақ тақырыбы, мақсаты таныстырылады. Бағалау критерийін оқушылар өздері құрастырады.

Мағынаны тану кезеңі

Т. Тыңдалым алдындағы тапсырма

Әр топ бір сұрақты талқылап, жауап ұсынады. Оқушылар сыныптың төрт бұрышына ілінген сұрақтармен танысып, өз топтарында 1-2 минут талқылап, жауаптарымен ортақ шеңберге тұрып, бөліседі.

• Ұлттық биотехнология орталығы туралы не білесің?
• Заманауи технологияға негізделіп жасалған қандай жаңалықтар/өнімдер туралы естідің?
• Гендік инженерияның адам денсаулығын нығайтуда қосып жатқан үлесі туралы не білесіз?
• «Бүгінгі жастар арасында денсаулықты сақтау туралы мағлұматы және тиісті дағдылары жоқ» деген пікірмен келісесіз бе? Неге?

А+ деңгейіндегі оқушылар «дені сау ұрпақ» және «ғылым жетістіктері» екі тақырыпты байланыстырып, ой-пікірлерін қосады.

Мұғалім оқушылардың жауаптарын мұқият тыңдап, кері байланыс береді. Сонымен қатар оқушылардың назарын слайдтағы қосымша ақпаратқа аударады.

С. Тыңдалым тапсырмасы

«Қазақстанда биотехнология қарқынды дамып келе жатыр» тақырыбындағы бейнематериалды тыңдайды.

«Түртіп алу» кестесімен жұмыс жасайды.

1-топ: мәтіннен айғақтар мен дәлелдерді;

2-топ: ұсыныстар мен шешімдерді;

3-топ: себептер мен салдарды;

4-топ: фактілер мен көзқарастарды анықтайды.

Таныстырылым. Бағалау.

Стикерлер

Оқытуды бағалау үшін стикерлер қолданылады.

Оқушылар топпен, жұппен немесе жеке жауап береді:

• Мен не оқыдым?
• Маған не жеңіл болды?
• Маған не қиын болды?
• Қазір не білгім келеді?

Тақырып бойынша нақты ақпарат жазулары қадағаланады.

Тыңдалымнан кейінгі тапсырма

Ж. Биотехнология, гендік инженерия тақырыбына сай өздерің анықтаған сөздер мен фразаларды таңдай отырып, орта көлемді монолог құрастыр. Монолог жазу барысында сабақтас құрмалас сөйлемдерді (шартты бағыныңқы сабақтас, қарсылықты бағыныңқы сабақтас, мезгіл бағыныңқы сабақтас) қолдан.

Дескрипторлар:

- тыңдалым алдында ойымен бөліседі;

- мәтінді тыңдайды;

- түртіп алу стратегиясын пайдаланады;

- тапсырма шартына сай мәтінді талдайды;

- орта көлемді монолог құрастырады;

- сабақтас құрмалас сөйлем түрлерін кіріктіреді.

Топтар бір-бірінің жауабын критерийге сай дескриптор арқылы бағалайды.

Оқушылар жұптары мен серіктестерінің жұмыстарын талқылауды, пікір айтуды ауызша жүргізеді, яғни бағалайды. Жұмыс тиімді болу үшін оқушылар оқу мақсаттары мен табыс критерийлерін білуі керек. Сонымен қатар олар оқу мақсаттарына оң және сындарлы пікір ұсынуы арқылы бір-бірінің рөлін бағалауы керек.

Мұғалім кері байланыс береді.

Рефлексия «3-2-1»

Сабақтан алған 3 маңызды ақпарат.

Қиындық келтірген 2 мәселе.

Сабақта ұнаған 1 аспект.

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?