Жас туристің жаднамасы. Сөйлем соңында қабаттасып келетін тыныс белгілері. Қазақ тілі, 8 сынып, қосымша ресурс. 8 сабақ.

 Сабақты жоспарлауда мұғалімге мына мәселелерге назар аударған жөн:

 Мұғалімдер оқу мен оқытуда саралауды қалай, қандай әдістерге сүйеніп жасауға болатынын, оқушының жеке қызығушылығына және жас ерекшелігіне сай тапсырмаларды қалай іріктеуге болатынын жоспарлайды. Оқушы сабақта еркін сөйлеп, әр түрлі пікірталастарды, сыныптастарының пікірін тыңдап, проблеманы шешу жолын бірігіп қарастырады. Оқушы әрекеті жай іс-әрекет емес, тұжырым жасай білу, зерттеушілікке талпыныс болмақ. Оқушының оқудағы әрекеті нәтижелі болу үшін мұғалім оқу әрекетін дұрыс ұйымдастыра алуы қажет. Сөйлеудің/оқудың/жазудың алдында:

 - орындайтын тапсырма шартын түсінетініне көзін жеткізу;

 - мәтінде кездесуі мүмкін сөздерді ойша қарастыру;

 - мәтін мазмұнын алдын-ала болжауы.

 Сөйлеп/оқып немесе жазып отырғанда:

 - мәтін мазмұнын оқып шыққан бойда идеясын анықтап айту;

 - мәтін түрін ажырата алу;

 - мәтіннің аудиториясын анықтау;

 - автордың мақсатын білу;

 - жекелеген сөздерге: емлесі қиын, мағынасы айқын болмай тұрған сөздерді анықтап, жұмыстану;

 - тыныс белгілері мен грамматикалық құрылымдардың қолданылуын білу;

 - логикалық желінің сақталғанына көз жеткізу;

 Сөйлеп/оқып/жазып болғаннан соң:

 -оқу нәтижесін талдау;

 -сабақта қолданылған стратегияларға талдау жасау;

 -сәтті қолданылған стратегияларды сыныппен бөлісу.