Мен қалай әртіс болдым? Қазақ тілі, 8 сынып, сабақ жоспары. 6 сабақ.

Мәтінмен жұмыс кезеңі.

Болжау:

Оқушылар қазақстанның халық әртісі Айша Абдуллинамен жүргізілген сұхбат үзіндісін оқып, сұхбатты әрі қарай жалғастырады.

1-тапсырма.

Оқушылар алдымен, қазақстанның халық әртісі Айша Абдуллинамен жүргізілген сұхбатты тыңдайды.

2-тапсырма.

«Кезбе тілші» әдісі.

Оқушылар шағын топтарға біріктіріледі. Ортақ талқылауға «Халық әртісі әсем қала, Алматының үлкен сахнасында өнер көрсетіп жүріп Шымкентке неге кетіп қалған?» тақырыбы беріледі. Топтарда талқылау басталғанда әр топтан бір «кезбе тілші» ерікті түрде шығып, басқа топтардағы оқушылармен сұхбаттасады. Сұхбаттасу немесе диалог құру барысында ғылыми терминдерді, ғылыми деректерді орынды қолданады. Соңында жинаған мәліметтерімен өз тобының басқа мүшелерімен бөліседі.

Сұхбаттасу нұсқаулығы:

1.сұхбат берушімен амандасу;

2.сұхбат алу мақсатымен хабардар ету;

3.сұхбат алу мақсатына орай сұрақтарды іріктеу;

4.сұхбат беруші үшін қолайлы тілдік қорды қолдану;

5.сұхбат берушінің жауабына қарай сұрақтарды өзгерту.

• Оқушыларға жинақы мәтін құрастыру жолдары таныстырылады.

Мысалы,

Жинақы мәтін құрастыру жолдары:

-Мазмұндық өңдеу:

-Мәтінді мұқият оқу және негізгі, қосымша ақпараттарды анықтау; қосымша ақпараттарды сызып тастау.

-Негізгі ойды білдіретін тірек сөздерді, сөйлемдерді белгілеу.

-Автор ойын, баяндау желісін сақтай отырып, мәтіндегі негізгі ойды ықшамдау.

Мәтін түпнұсқасының сілтемесін көрсету.

Жинақы мәтін – бастапқы мәтіндегі негізгі идеялар мен ақпараттарды сақтай отырып, мәтін көлемін ықшамдау және өңдеу.

Жинақы мәтін жазуда төмендегі мазмұндық өңдеуді басшылыққа алу керек:

Мәтінді мұқият оқу және негізгі, қосымша ақпараттарды анықтау; қосымша ақпараттарды сызып тастау.

Негізгі ойды білдіретін тірек сөздерді, сөйлемдерді белгілеу.

Автор ойын, баяндау желісін сақтай отырып, мәтіндегі негізгі ойды ықшамдау.

Мәтін түпнұсқасының сілтемесін көрсету. Мысалы: Автор айтқандай...,менің ойымша ..., қорыта айтқанда.... Мәтінде «.....» берілген т.б.

3-тапсырма.

Оқушылар Жансая Тәуекелқызының «Мен қалай әртіс болдым?» тақырыбындағы сұхбатпен танысып, талдау жүргізгеннен кейін, осы мақала туралы аннотация жазады.

Аннотация жазу барысында төмендегі нұсқаулықты басшылыққа алу керек:

•мақаланың жазылу тарихы немесе уақытын қамту;

•автор туралы мәлімет келтіру;

•мақаланың қандай мақсатта жазылғанын көрсету;

•деректерге сілтеме жасау;

•мақаланың құндылығы, кімдерге арналғанын айту;

•мақалаға баға беру.

Бағалау критерийі:

Дифференциация:

Кейбір оқушылар ғылыми мақалаға жазылған аннтацияны іздестіріп, талдау жүргізеді.

1-тапсырма.

Кері байланыс «3-2-1»

• Сабақтан алған 3 маңызды ақпарат
• Қиындық тудырған 2 аспект
• Сабақ барысында туындаған 1 сұрақ