Жасөспірім және заң. Қазақ тілі, 8 сынып, дидактикалық материал. 10 сабақ.

• тапсырма. Қалыптастырушы бағалау.

Жазылымалды тапсырмада тілдік стильдердің қолданылу аясы мен ерешеліктері жайлы мұғалім толықтырулар жүргізеді, тірек сөздерді береді.

Тірек сөздер: адамгершілік, ойлылық, адалдық, еңбекқорлық, шыншылдық, талап, еңбек, еріншектік, әділетсіздік, қанағатсыздық, үйсіз-күйсіздер әлемі, тәрбие, тағдыр, өмір қиындықтары, кедейлікті жою, мұқтаждық аясында қалған жандарға мақсатты көмек көрсету. Стиль түрлері, әңгіме, сюжет, баяндау, тілдік стильдердің қолданылу аясы мен ерешеліктері

Тапсырма: Үш тапсырманың бірін таңдап, жазылым жұмысын орындаңыз.

1.Германиядағы үйсіздердің бір бөлігін сандалыс жүріске бейім психологиялық ауруы бар адамдар құрайды. Сондай-ақ әртүрлі әлеуметтік бағдарламаларға қатысу арқылы қордаланған мәселеден шығуға тырысқан, бірақ сәтсіздікке ұшырап, үй- жайынан ажыраған жандар толықтырады. Әлемде үйсіз-күйсіз қалған, ауқаты төмен, еңбекке жарамсыз азаматтардың бұндай ғұмыр кешуіне кім кінәлі деп айтуға болады? Қоғам ба, әлде адамның өзі ме?

2.Қоғам белсендісі ретінде елімізде өткізілгелі отырған «Кедейшілікті жою жолындағы күрес!» атты форумға орай республикалық басылымға кедейшіліктің белгілері, ерекшеліктері, кедейшіліктің алдын алу туралы жазыңыз.

3. Бір күні кедей адамның әйелі үйіне бір жұмыртқа алып келеді. Жұмыртқаны көрген кедей ... деп бастап жазыңыз.

Эссе көлемі 150- 200 сөз болуы қажет.