Мамандық таңдаудағы бес қадам. Қазақ тілі, 8 сынып, қосымша ресурс. 4 сабақ.

Мәтін түрлері

Әңгімелеу мәтіні

Мәтін мақсаты тақырып туралы ақпарат беру, іс-әрекетті баяндау.

Мәтінде етістіктер көп қолданылады.

Мәтін құрылымы композициялық жоспарға негізделеді.

Мәтінде «не істеді?» сұрағына жауап беріледі.

Сипаттау мәтіні

Мәтінде зат, құбылыс сипатталып жазылады.

Мәтінде сын есім, эпитеттер, теңеу мол ұшырасады.

Мәтіннің кіріспе бөлімінде сипатталатын зат, құбылыс туралы ақпарат беріледі.

Негізгі бөлімде заттың, құбылыстың ерекшеліктері жеке қасиеттеріне сай сипатталады.

Қорытынды бөлімінде затқа, құбылысқа қатысты автордың көзқарасы, қарым-қатынасы жазылады.

Мәтінде «қандай?», «қай?» сұрақтарына жауап беріледі.

Пайымдау мәтіні

Мәтіннің кіріспе бөлімінде дәлелденетін тұжырым жазылады.

Мәтіннің негізгі бөлімінде автор дәлелдер келтіреді.

Мәтіннің негізгі бөліміде автор өз пікіріне түсініктеме береді.

Қорытынды бөлімінде өз тұжырымына қайта оралады.

Мәтінде «неліктен?» деген сұраққа жауап беріледі.