Тарихи жәдігерлер. Қазақ тілі, 8 сынып, сабақ жоспары. 5 сабақ.

Бөлім тақырыбы:

Көне түркі жазбалары және қазақ жазуы

Мектеп:

Күні:

Мұғалімнің аты -жөні:

Сынып: 8

Сабаққа қатысушылар:

Қатыспағандар:

Сабақтың тақырыбы

Тарихи жәдігерлер

Оқу мақсаттары

Ж8.3.6.1 - БАҚ материалдары негізінде стильдік ауытқуларды, орынсыз қолданылған сөз оралымдарын талдап, стильдік түзетулер жасау, редакциялау

 Сабақ мақсаттары

 Оқушылар:

• тарихи жәдігерлер шерткен сырды ұғынады;
• стильдік ауытқуларды танып, әдеби нормаға сай түзетеді

 Бағалау критерийі

Негізгі ақпаратты анықтау

 Тілдік мақсат

Пәннің лексикасы мен терминологиясы: сан ғасырлық рухани өмір, мұражай экспозициясы, шығыс шайырлары, қолжазба, құнды жәдігер

Диалог пен жазба жұмыстарындағы тілдік қолданыс:

Сен қалай ойлайсың?...

Менің ойымша...., әсіресе, дегенмен, сол себепті

Жұптық тапсырмада тарихи жәдігерлер сыры туралы әңгімелеседі.

Құндылықтарды

дарыту

Оқушылар бұл сабақта тарихи жәдігерлерді құрметтеп, асыл қазыналарды сақтауға үйренеді

 Пәнаралық байланыс

Тарих, әдебиет, өнер

 Бастапқы білім

Бас әріппен жазылатын күрделі атауларды орынды қолданады және аннотация туралы бастапқы білімдері бар

Сабақтың барысы

Жоспар бойынша орындалуы тиіс іс-әрекеттер

Қызығушылықты ояту:

Жұптық тапсырма.

1.Оқушылар төменде кестеде берілген даналық ойдың мағынасын ашып, талдау жүргізеді.

2. Әр жұп данлық сөздің түйіндерін жасағаннан кейін, сыныпқа бір концептуалды сұрақ дайындайды.

Мәтінмен жұмыс кезеңі

1-тапсырма

1. Оқушыларға «Ана тілі» газеті немесе 14 – маусым 2012 жылы жарыққа шыққан «Ана тілі» газетіндегі «Жәдігерлер шерткен сыр» мақаласының үзіндісі таратылады.

2.Оқушылар мәтінді мұқият оқып, тарихи жәдігерлер сыры туралы жұбымен пікірлеседі және мәтіндегі бас әріппен жазылған күрделі атауларды анықтап, орфографиялық норманың сақталуына көңіл бөледі және публицистикалық стильдің ерекшеліктерін анықтайды.

Бағалау критерийі:

2-тапсырма.

Тарихи жәдігерлер шерткен сыр туралы мәліметпен танысып, «Қазақ тарихи жәдігерлері мәңгі сақталады...» тақырыбында өз ойларын ортаға салып пікірлеседі..

3-тапсырма.

Оқушылар мәтіндегі қарамен берілген сөз оралымына көңіл бөліп, осы сөйлемдегі сөздердің байланысу тәсілдерін анықтап, көп нүктенің орнына тиісті қосымшаны қойып, орынсыз қолданылған сөздер кездессе түзету енгізеді.

..Қолжазбалар қашанда елдің сан ғасыр... рухани, саяси өмірінен, мәдениеті мен тарихынан мол мәлімет беретін құн... жәдігер, ұлт мұрасы ретінде есептелген. Сондай құнды жәдігерлер қатарында мұражай экспозициясынан атақты шығыс шайырларының қазақ тілінде жырлан... шығармаларын, Хакім Абайдың өлең... жинағын (М.Бікеұлының қолжазбасы), халық мұрасын жинаушы Мәшһүр Жүсіп Көпеевтің этнографиялық материалдарын қолжазба күйі... көруге болады. Шағатай тілінде жазылған «Хандар шежіресі» (XVIII ғ.), Түркістан шеберлері... «насталик», «насх» жазу үлгілерінде жазған қолжазба Құрандары мұражай көрмесінен лайық... орнын алды. Жаяу Мұсаның 1911-1918 жылдары жазған күнделігі, Кенен Әзірбаевтың өз қолжазбасы, Шәкәрім шығармалары... (ұлы Ахат Құдайбердиевтің) қолжазбасы және Құнанбайдың Омбы кадет корпус... оқып жүрген ұлы Халиолла... 1885 жылы жазған хаты мұражай... құнды жәдігерлері...

Дифференциация:

«Тарихи жәдігерлерді қалай мәңгіге сақтауға болады?» тақырыбына материалдар жинап, ақпараттарды салыстырып, зерттеу жұмыстарын жүргізеді және постер арқылы таныстырады

4-тапсырма

Жоғарыдағы мәтінді қайта оқып, оларға салыстыру жасап, төмендегі кестеге түсіреді

.

Оқушылар шеңберге тұрады. Мұғалім осы сабақтың негізгі мақсатына сәйкес ақпаратты айтады және сөйлемін «неге?» деген сұрақпен аяқтайды. Келесі оқушысол сұраққа жауап беріп, жауабын «неге?» деген сұрақпен аяқтайды. Келесі оқушы осы әрекеттерді тізбек бойынша жалғастырады. Барлық оқушылар орындалған тапсырмаларды еске түсіріп, тақырыптың түйінді идеяларын, яғни тарихи жәдігерлерге қатысты қажетті ақпаратты тұжырымдайды.