Бұқар жырау. Қазақ тілі, 6 сынып, қосымша материал. 2 сабақ

КЕРІ БАЙЛАНЫС БЕРУ, БАҒАЛАУ

 Мұғалім оқушылардың әр сұраққа жауап жазғанын қадағалап, өзінің жеке бағалау парағына «түртіп» отыруы тиіс. Сабақ соңында кері байланыс беру кезінде осы жазбаларына сүйене отырып, сындарлы ұсыныстар жасайды. Ұсыныс белгілі бір негізге сүйеніп жасалатын болса, оқушы мен мұғалім арасында ынтымақтастық пайда болады. Ал ынтымақтастық атмосферасы қалыптасқан жерде нәтижелі оқу болатынына шүбә жоқ.

ҚОРЫТЫНДЫ

 Тыңдалым және айтылым дағдысына негізделген бұл тапсырма арқылы тарихи тұлға Бұқар жыраудың шығармашылығы туралы оқушыларда әр түрлі идеялар туғызу, оқушылардың сұрақ қою машығын жетілдіру көзделеді. «Журналистік сұрақтар» әдісінде қолданылатын сұрақтар оқушының мәтінді түсіну деңгейін көрсетеді. Оқушының мәтінді жалпы түсінуінен бастап ақпаратты анықтау, интерпретациялау және өзіндік пікір білдіру арқылы бағалай білу дағдыларын қалыптастырады.

САРАЛАУ

Тапсырманы уақытынанбұрын орындаған оқушылар үшін қосымша тапсырмалар беріледі. Оқушының тапсырманы уақытынан бұрын орындауының бірнеше себебі болуы мүмкін. Оның бірі әрекетті тез орындаушылық, кейбір балалар терең, сыни ойлай алғанымен жай қимылдайды, екіншісі – жылдам жаза алуымен бірге ерекше ойлайтындар. Ондай оқушылар үшін мұғалім орындалуы күрделі тапсырма әзірлеуі тиіс.

Қазақтың «көмекей əулиесі» — Бұқар жырау Қалқаманұлы

https://articlekz.com/kk/article/16439