Алтын орда мұрагері. Қазақ тілі, 6 сынып, қосымша материал. 4 сабақ

Бұл сабақта САРАЛАУ Оқушыға жеке қолдау көрсету арқылы жүргізіледі.

Саралаудың бұл түрі жоғарыда аталған диалог арқылы саралаумен байланысты, себебі кейбір оқушылар белгіленген мақсатқа қол жеткізуі үшін арнайы көмекті қажетсінеді. Көмек ауқымы мен деңгейі де оқушы қажеттілігіне сай сараланған болуы тиіс.

Бұл қолдау мұғалім немесе басқа да үлкендер тарапынан көрсетілуі мүмкін. Оқушы қолдауды басқа оқушыдан, компьютерден немесе ақпараттық технологиялар арқылы алуы мүмкін. Қабілетті оқушыға жеке оқыту бағдарламасы бойынша қолдау көрсетуге болады. Қабілетіне, деңгейіне қарамастан әр оқушы қолдауға лайықты, сабақ жоспарын мұқият ойластырған мұғалім ғана педагогикалық қолдауды сараланған нұсқада ұсына алады.

ӘТН меңгеру арқылы оқушы:

• Екпіннің сөйлеу барысындағы маңызын түсінеді;
• Оның түрлерін, бір-бірінен айырмашылығын түсінеді;
• Сөздерді дұрыс айтып, дұрыс оқуды меңгереді;
• Әдеби тіл нормаларын сақтайды.

 Тілдің лексикалық, грамматикалық, пунктуациялық, орфографиялық және орфоэпиялық нормаларының сақталуы – олардың белгілі бір жүйеге түсірілуі.Сайып келгенде, олауызша, жазбаша ойын еркін жеткізе білу, сауаттылық деген ұғымдарды білдіреді. Олай болса, қазақ тілі пәні мұғалімінің басты мақсаты – оқушыларға ӘТН жетік меңгерту және ұлттық ӘТН қалыптастыру.

Сабаққа қосымша ресурс ретінде «Алтын Орда хандары» кітабын қолдануға болады.