Ержүрек батырлар. Қазақ тілі, 6 сынып, сабақ жоспары. 9 сабақ.

Тарихи тұлғалар

Мектеп: Ақтөбе қаласы, ФМБ Назарбаев Зияткерлік мектебі

Күні:

Мұғалімнің аты-жөні: Оракова М.С.

Сынып:

Қатысқандар:

Қатыспағандар:

Сабақтың тақырыбы

Ержүрек батырлар

Осы сабақ арқылы жүзеге асатын оқу мақсаттары

6.3.3.1 Ұсынылған тақырып бойынша деректер жинақтай отырып, графиктік мәтін (диаграмма, кесте, сызба) түрінде құрастыру;

Сабақтың мақсаты

Деректерді графиктік мәтін жазуға қолдана алуға үйрету.

 Бағалау критерийлері

 Тілдік дағдылар

Ержүрек батырлар, халық жүрегінен орын алу, жорық, шайқас.

 Құндылықтарды дарыту

Сабақ оқушылардың бойына топтық, жұптық жұмыс жасау барысында бірін-бірі тыңдай білу, өзгенің пікіріне құрметпен қарау құндылықтарын дарыту, бірін-бірі бағалауы кезінде академиялық әділдік саясатын ұстануға үйретуге бағытталған.

 Пәнаралық байланыс

Қазақ әдебиеті, Қазақстан тарихы, география

Бастапқы білім

Оқушылар алдыңғы сабақта алған білімдеріне сүйенеді, тарихи тұлға туралы білімдерін толықтырады.

Сабақ барысы

Сабаққа жоспарланған іс-әрекеттер

1-тапсырма. Оқу және түсінік қалыптастыру

• Мәтінді мұқият оқыңыздар.
• Қазақтың ержүрек батырларының туған жылдарын анықтаңыздар.

2-тапсырма

• Графиктік кесте сызып, Х осіне батырлардың есімдерін жазыңыз. Y осіне 1650-1800 жж аралығын белгілеңіз.
• Осы координаталық жазықтықта батырлардың туған жылдарын нүктелер арқылы белгілеңіз.
• Нүктелерді қосу арқылы диаграмма сызыңыз.

3-тапсырма

Диаграмманы пайдаланып мына сұрақтарға жауап беріңіздер:

• Қазақ-жоңғар шапқыншылығы шамамен қанша уақытқа созылды?
• Ержүрек батырлар туралы диаграммаға қандай ат қояр едіңіз?
• Өзіңіз білетін батырлар туралы мәліметті диаграммаға қосуға болады.

Ықтимал жауаптар:

«Ерлік кестесі», «Батырлар шежіресі», т.б.

ДЕСКРИПТОРЛАР

• деректер жинау үшін мәтінді оқиды;
• батырлардың қай жылы туғандарын анықтайды;
• жылдарды өсу ретіне қарай графикке белгілейді.

Рефлексия

Мұғалім сабақ соңында оқу мақсатына қайта оралып, оған қаншалықты жеткендіктерін талқылап, мынадай стратегия арқылы оқушылардың ойын тыңдайды.

«Екі тезис, бір дәлел»

Оқушылар бүгінгі сабаққа қатысты екі сөйлеммен пікір білдіріп, оған бір сөйлеммен дәлел келтіреді.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді жоспарлайсыз?

Денсаулық және қауіпсіздік ережелерін сақтау