Әлемнің жаңа жеті кереметі. Қазақ тілі, 6 сынып, сабақ жоспары. 3 сабақ.

Ұзақ мерзімді жоспардың бөлімі:

Әлемнің жеті кереметі

Мектеп: Орал қаласындағы ФМБ НЗМ

Күні:

Мұғалімнің ТАӘ:

Жакыпжанова А.С

Сынып: 6

Қатыспағандар саны:

Қатысқандар саны :

Сабақтың тақырыбы

Әлемнің жаңа жеті кереметі

Осы сабақ арқылы іске асатын оқу мақсаттары (оқу бағдарламасына сілтеме)

6.2.6.1. Оқылым стратегияларын қолдану: комментарий жасау, іріктеп оқу, рөлге бөліп оқу

Сабақтың мақсаты

Оқушылар:

• Оқылым стратегияларын қолданып оқиды:
• мәтіндегі ақпараттарға қатысты комментарий жасайды;
• мәтіннен негізгі ойды білдіретін тірек сөздер мен тіркестерді іріктеп оқиды.

 Бағалау критерийлері

• Мәтіннің жалпы мазмұнын түсінеді;
• мәтінді шартты белгілерді қойып оқиды;
• шартты белгілерді не себепті қойғанын түсіндіреді;
• әр бөлімнен негізгі ойды білдіретін тірек сөздер мен тіркестерді іріктеп оқиды;
• тіркестерге сүйеніп, негізгі ойды бір-екі сөйлеммен жазады.

 Тілдік мақсаттар

Пән лексикасы және терминология:

Іріктеп оқу, комментарий жасау, негізгі ой, тірек сөздер

Жазылым мен айтылымға қажетті сөз тіркестері:

Менің ойымша; менің көзқарасым тұрғысынан; менің пайымдауымша; орынды деп санаймын т.с.с

 Құндылықтар

Өмір бойы оқу, ынтымақтастық

 Пәнаралық байланыс

География

Осыған дейін меңгерілген білім

«Қазақстандағы көрікті жерлер», «Ұлттық және отбасылық құндылықтар» бөлімдері арқылы оқушылардың оқылым дағдылары дамытылды.

Сабақтың барысы

Жоспарланған әрекеттер

«Орны ауыстырылған әріптер»

Мұғалім әлемнің жаңа жеті кереметінің атауын әріптердің орнын ауыстырып тақтаға іліп қояды. Оқушылар осы атауларды табуы керек. Мұғалім оқушыларға 3 минут уақыт береді. Берілген уақытта оқушылар барынша көп сөзді табуы керек, таба алмағандарын мұғалім өзі көрсетіп, тақтаға жазады.

Осы тапсырманы орындау арқылы оқушылар сабақтың тақырыбын анықтайды.

• ЫҰЛ ЙАЫТҚ ЫНҒРАҚО (Ұлы Қытай Қорғаны)
• ЗЕЙЛИКО (Колизей)
• ЧУМА-УЧИКП (Мачу-Пикчу)
• ЕТПРА (Петра)
• АЖДТ-ЛАХАМ (Тадж-Махал)
• ИСРХОСТ МҮІНІ (Христос мүсіні)
• ЧЕНЧИ – ЦАИ ( Чичен-Ица)

Мұғалім оқушылармен осы сабақта жүзеге асатын оқу мақсаты, сабақ мақсаттары және бағалау критерийлерін талқылайды.

Оқылым алдындағы тапсырма.

Мұғалім оқушыларға талқылау сұрақтарын қояды. Оқушылар сұрақтарды жұпта көршісімен талқылап, жауап береді.

Талқылау сұрақтары.

• Әлемнің жаңа жеті кереметі туралы не білесіз?
• Әлемнің жаңа жеті кереметін қабылдау орынды деп ойлайсыз ба?
• Әлемнің жеті кереметіне тағы нені қосуға болады деп ойлайсыз?
• Әлемнің жеті кереметімен бір қатарға қоюға болатын еліміздегі ғажайып не деп ойлайсыз? Неліктен?

Дескриптор:

• Сұрақтарға жауап береді;
• жеке көзқарасын дәлелді білдіреді;
• ойын сауатты, түсінікті жеткізеді.

Дескрипторға сай мұғалім кері байланыс береді.

Оқылым тапсырмасы.

1-тапсырма.

Оқушыларға әлемнің жаңа жеті кереметі туралы мәтін беріледі. Оқушылар мәтінді оқи отырып, мәтіннің шетіндегі ашық жерге білгі қойып отырады.

«V» - егер сіз оқып отырған ақпарат сіз білетін ақпаратпен сәйкес келсе «V» (қанат) белгісін қойыңыз.

«-» - егер оқып отырған ақпарат сіз білетін ақпаратпен сәйкес келмесе немесе басқаша болса «-» (алу) белгісін қойыңыз.

«+» - егер алынған ақпарат сіз үшін жаңа, бұрын естімеген болса «+» (қосу) белгісін қойыңыз.

«?» - егер ақпарат сіз үшін күдікті немесе таңқалдырса, осы туралы тереңірек білгіңіз келсе «?» қойыңыз.

Кейін осы белгілерге қарап, төмендегі кестені толтырады. Толтырылған кестені көршісімен салыстырады, талқылайды, белгіні не себепті қойғанын түсіндіреді.

Дескриптор:

• Мәтінді шартты белгілерді қою арқылы оқиды.
• Кестені толтырады.
• Шартты белгіні не себепті қойғанын түсіндіреді.

Жұптағы оқушылар бірін-бірі дескрипторға сай бағалайды.

2-тапсырма.

Мәтіннің әр бөлігі бойынша негізгі ойды ашатын тірек сөздер мен тіркестерді іріктеп, әр бөлімдегі ойды бір-екі сөйлеммен жазады.

Дескриптор:

• Мәтіннің әр бөлігі бойынша тірек сөздер мен тіркестерді іріптеп алады
• Сол тіркестерге сүйеніп, бөлімнің негізгі ойын бір-екі сөйлеммен жазады.

Оқылымнан кейінгі тапсырма.

Топтық тапсырма.

Мұғалім оқушыларды шағын жеті топқа бөледі. Топқа бөлу үшін әлемнің жаңа жеті кереметінің суреттерін пайдаланады. Оқушыларға суреттерді ұсынып, соған байланысты топқа бөледі.

Жарнама жазу.

Топтар ұсынылған әлемнің жеті кереметінің бірімен танысып, тамашалауға шақырып, жарнама мәтінін жазады.

Дескриптор:

• Жарнама ұранын құрайды;
• көпшіліктің назарын аударып жазады
• мәтіндегі ақпараттарды пайдаланады
• сауатты жазады
• жарнама мәтінін безендіреді.

 Оқушылар өз жарнамаларын сынып қабырғасына іліп қояды. Топтар «галереяны шарлау» әдісі арқылы танысып, дескрипторға сай бірін-бірі бағалайды, кері байланыс береді.

Сабақтың соңында мұғалім бағалау критерийлері мен сабақ мақсаттарына қайта оралады. Бағалау критерийлеріне қаншалықты қол жеткізгендері туралы бірге талқылайды.

Рефлексия.

Шығу парағы – сабақ соңында оқушылар бірнеше сұраққа (2-3 сұрақ) жазбаша жауап береді. Сыныптан шығарда осы парақты беру арқылы шыға алады. Ол сұрақтар (немесе тапсырмалар) сабақты қорытындылап,оқушының алған білімін, сабақтың қалай өткендігін бағалайды:

- Бүгін не үйрендіңіздер?

- Сабақ бойынша қандай сұрақтарыңыз бар?

- Келесі сабақта қандай мәселелерге аса назар аудару керек?

- Сабақ қызық өтті ме?

- Сіз үшін сабақтың құнды жәйттері қандай болды?

- Бүгінгі үйренгеніңіз Сіз үшін болашақта қажет болады деп ойлайсыз ба?

- Осы тақырып бойынша тағы да не білгіңіз келеді?

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?