Мысыр пирамидалары. Қазақ тілі, 6 сынып, сабақ жоспары.

Ұзақ мерзімді жоспардың бөлімі:

Әлемнің жеті кереметі

Мектеп: Орал қаласындағы ФМБ НЗМ

Күні:

Мұғалімнің ТАӘ:

Жакыпжанова А.С

Сынып: 6

Қатыспағандар саны:

Қатысқандар саны :

Сабақтың тақырыбы

Мысыр пирамидалары

Осы сабақ арқылы іске асатын оқу мақсаттары (оқу бағдарламасына сілтеме)

6.1.3.1. тыңдалған мәтіннің мазмұнын түсіну, детальді ақпаратты анықтау

Сабақтың мақсаты

Оқушылар:

• тыңдалым мәтінінің мазмұнын түсінеді;
• тыңдалым бойынша жалпы мазмұнды, детальді ақпаратты анықтауға бағытталған сұрақтарға жауап береді.

 Бағалау критерийлері

• Жалпы мазмұнды түсінуге бағытталған сұрақтарға жауап береді;
• мәтіннен детальді ақпаратты анықтап жазады.
• мәтіндегі тілдік оралымдарды орынды қолданып, жеке көзқарасын білдіреді.

 Тілдік мақсаттар

Пән лексикасы және терминология:

Тыңдалым мен айтылымға қажетті сөз тіркестері:

Тыңдалым мәтініндегі тілдік оралымдардың мәнін ашады, айтылым барысында қолданады.

• Көз жүгірту
• Мұрты бұзылмау
• Ұсынып бағу
• Басшылық ету

 Құндылықтар

Құрмет, өмір бойы оқу.

 Пәнаралық байланыс

География, тарих

Осыған дейін меңгерілген білім

«Қазақстандағы көрікті жерлер», «Ұлттық және отбасылық құндылықтар» бөлімдері арқылы оқушылардың тыңдалым дағдылары дамытылды.

Сабақтың барысы

Жоспарланған әрекеттер

«Сөздік гол»

Оқушылар бірнеше сөзді тауып жазулары керек, алғашқы болып аяқтаған оқушы «гол» деп дыбыстайды. Оқушылар жасырынған сөздер арқылы сабақтың тақырыбын анықтайды.

Сабақтың тақырыбы, оқу мақсаты және бағалау критерийлерін талқылау.

Мұғалім сабақтың тақырыбымен оқу мақсатымен таныстырады. Оқушылармен бірге осы сабақта жүзеге асатын оқу мақсатын, сабақ мақсаттарын, бағалау критерийлерін талқылайды.

Тыңдалым алдындағы тапсырма.

1.Оқушыларға тыңдалым мәтіні негізінде тірек сөздер ұсынылады. Тірек сөздерді байланыстырып тыңдалым мәтінінде не туралы баяндалатынына болжам жасап, шағын мәтін құрайды. Болжамдарын жұпта талқылайды және бөліседі.

(тірек сөздерден құралған «сөздер бұлты»)

2. Мұғалім тақтадан тыңдалым мәтінінде кездесетін тілдік оралымдарды көрсетеді. Оқушылар жұбымен бірге талқылап, тілдік оралымдардың мәнін ашады, оларды қолданып сөйлем құрап дәптерге жазып алады.

• Көз жүгірту -
• Мұрты бұзылмау -
• Ұсынып бағу -
• Басшылық ету -

Тыңдалым тапсырмасы.

1.Мұғалім тыңдалым мәтінін қосады. Оқушылар тыңдап тыңдалым бойынша берілген төрт сұраққа жазбаша жауап береді. Тыңдалым сұрақтары жалпы мазмұнды түсінуге бағытталып, прифраз түрінде ұсынылған. Оқушылар тыңдалым мазмұнын түсінгені бойынша сұрақтарға өз сөзімен жауап береді.

• Адамзатты 4000 жыл бойы мазалаған қандай сұрақ?
• Осындай ерекше құрылысты әлі күнге дейін адамдардың өз қолымен сала алмағанына қандай дәлел келтірді?
• Хеопс пирамидасын не себепті «Ұлы пирамида» деп атайды?
• Пирамиданың өте ауқымды жерді алып жатқанына қандай дәлел, мысал келтірді?

2. Оқушыларға сандар беріледі. Бұл сандар пирамидалардың құрылымы мен олардың пайда болу тарихына қатысты. Осы сандар мен жылдардың мәні туралы тыңдалым мәтінінде айтылады. Оқушылар тыңдалым мәтіні негізінде осы сандардың мәнін ашып жазады.

Бағалау.

Тыңдалым тапсырмасы бойынша оқушыларға бағалау критерийлері мен дескрипторлар ұсынылады. Оқушылар осы дескрипторға сай бірін-бірі жұпта бағалайды. Мұғалім дұрыс жауапты тақтадан көрсетеді.

Тыңдалымнан кейінгі тапсырма.

Пирамидалардың пайда болуына қатысты халық арасында тараған бірнеше болжамды оқушыларға ұсынады.

• пирамиданы жерде болған басқа өркениет иелері салған
• пирамиданы бөтен ғаламшардан келгендер салған
• пирамиданы жындар салған

Осы болжамдардың бірін таңдап, «Ақылдың алты қалпағы» тәсілі арқылы жұпта талқылайды. Мұғалім жұптарға әртүрлі түсті қалпақтарды таратады. Сол түске қатысты оқушылар өз пікірлерін білдіреді. Талқылау барысында тыңдалым мәтініндегі тілдік оралымдарды орынды қолданады.

Сабақтың соңында мұғалім бағалау критерийлері мен сабақ мақсаттарына қайта оралады. Бағалау критерийлеріне қаншалықты қол жеткізгендері туралы бірге талқылайды.

Рефлексия.

Мұғалім тақтаға «нысананы» іледі. Оқушылар сабақ туралы пікірлерін «нысанаға» белгілеп, рефлексия береді.

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?