Саяхат және демалыс. Қазақ тілі, 5 сынып, сабақ жоспары. 3 сабақ.

САБАҚ:

Мектеп:

Күні:

Мұғалімнің аты-жөні:

Сынып:

Қатысқан оқушылар саны:

Қатыспағандар:

Бекіту сабағының тақырыбы

10-бөлім. Саяхат және демалыс.

Осы сабақ арқылы жүзеге асатын оқу мақсаттары

Т/А2. Әлеуметтік-тұрмыстық, әлеуметтік-мәдени, тарихи тақырыптарға байланысты диалог, монологтердегі (ән мәтіні, хабарлама, жарнама, хабарландыру) көтерілген мәселені түсіндіру;

ӘТН2. Сөз ішіндегі және сөз аралығындағы ілгерінді, кейінді және тоғыспалы

ықпал заңдылықтарына сәйкес айта білу;

Ж1. Берілген мәтінге сәйкес кіріспе, негізгі және қорытынды бөлімдерді қамтитын қарапайым жоспар құру;

 Сабақтың мақсаттары

Барлық оқушылар: сөздікпен жұмыс жасап, жаңа сөздерді меңгереді;

Көптеген оқушылар: мәтінде көтерілген мәселені түсіндіріп айта алады; қарапайым жоспар құра алады; жоспар негізінде мәтін құрап жазады;

Кейбір оқушылар: ілгерінді, кейінді ықпал заңдылықтарын түсіндіріп айта алады;

 Бағалау критерийлері

• әлеуметтік-мәдени, тарихи тақырыптарға байланысты мәтінде көтерілген мәселені түсіндіріп айта алады;
• сөз ішіндегі және сөз аралығындағы ілгерінді, кейінді ықпал заңдылықтарын біледі;
• берілген мәтінге сәйкес кіріспе, негізгі және қорытынды бөлімдерді қамтитын қарапайым жоспар құра алады;

Тілдік мақсаттар

Пән лексикасы және терминология: түбек, академик, құлпытастар, үстірт, Тұран, ойпат, қазаншұңқыр, реңі, шыңырау, зәулім, шаңқан таулар, тұңғиық т.б.

Диалог және жазылым үшін қажетті сөз тіркестері;

• Менің ойымша;
• Менің пікірімше;
• Қорыта келгенде;

Құндылықтар

Қазақстанның көрікті жерлерін дәріптеу арқылы оқушылардың туған жерге деген сүйіспеншілігін, қызығушылығын арттыру.

Пәнаралық байланыс

География, тарих

Осыған дейін меңгерілген білім

Саяхат және демалыс. «Алакөл-Жетісудың жер жәннәті»

Жоспар

Жоспар бойынша орындалуы тиіс іс-әрекеттер

1.Оқушылармен амандасу.

2.Сабақтың мақсаты және бағалау критерийлерімен таныстыру. Күтілетін нәтижеге болжам жасау.

3. Егер сыныпта 12 оқушы болса, 3 түрлі-түсті қарындаштарды сауыттан кезек-кезек алу арқылы үш топқа бөлінеді.

1.Тыңдалымалды тапсырмасы: оқушылар қорапшадан бір-бір сөзден алып, сөздікпен жұмыс жасайды. Тақтаға жазып, мағыналарын түсіндіріп айтады. Оқушылар дәптеріне жазып алады: түбек, академик, құлпытастар, үстірт, Тұран, ойпат, қазаншұңқыр, реңі, шыңырау, зәулім, шаңқан таулар, тұңғиық.

2.Үш топ та бір тыңдалым мәтінін тыңдайды. Тыңдалам мәтінін алдын-ала таспаға жазып қоюға болады немесе өз даусыңызбен оқып берсеңіз де болады. 2 рет оқыңыз немесе тыңдатыңыз.

Тыңдалым мәтіні:

Байлық тұнған түбек атанған ғажап өңір Маңғыстау- Қазакстан Республикасының оңтүстік-батыс бөлігінде орналасқан. Ол «мың қыстау» сөзінен шыққан. Картадан қарағанда әйел адамның сұлбасы көз алдыңа елестейді. Академик Қаныш Сәтбаевтың бұл өңірді «ұйқыдағы аруға» теңеуі тегін емес. Көктен караған адамға құлазыған құла түз көрінетін Маңғыстау небір ғажайыптарымен ерекшеленеді. Мұнда табиғи ескерткіштер, ежелгі құлпытастар мен көшпенді ата-бабаларымыздың қолтаңбалары самсап тұр.

Сондай-ақ Маңғыстау өңіріне Үстірт жоны мен Қарақия ойпаты қайталанбас өң береді. Қиялда ғана кездесетін қиыр-шиыр, шым-шытырық жер бедерін ежелде мұхит суының ағындары мен толқындары калыптастырған.

Тұран жазығы мен Арал теңізі, Маңғыстау түбегі мен Каспий теңізіндегі Қарабұғаз көлінің жағалауы аралығында тақтайдай жазық әрі белесті келген жер Үстірт деп аталады. «Үстірт» жер бетінен көтеріңкі, биік деген ұғымды білдіреді. Оның кемерлері тілімденген, шет жақтары тік құлама құз, жар болып келеді. Шығысында Қарақия ойпаты көсіліп жатыр. Ол - мұхит деңгейінен 132 метр төмен орналасқан алып қазаншұңқыр.

Миллиондаған жылдар бойы түзілген ғажайып жер реңі белгісіз бір жұмбақ планетаны елестетеді. Құдіреттің өзі тұңғиық су асты әлемінің құпия көрмесін қолмен әкеп орнатқандай. Мұндағы бір өзі бір көлдің аумағындай алып қазаншұңқырларды, тереңдігі жүздеген метрге жететін шыңырау құдықтарды, біріне-бірі жалғасып жатқан зәулім үңгірлерді, мұзтауларға ұқсайтын ақ шаңқан тауларды, жер астын жарып шыққан сарқырамаларды, көзге көрінбейтін, күркіреген үні ғана естілетін тұңғиықтағы өзендерді әлемнің басқа түкпірінен кездестіру қиын.

Айтылым тапсырмасы: «КРЕАТИВТІ МАТРИЦА»

Тапсырма: бір топтағы 4 оқушы 2 оқушыдан жұптасады. Кім?, не?, қандай?, қайда? бағандарындағы берілген сөздерді бір-бірімен қарындашпен байланыстырып, мәтінде не туралы айтылғандығы туралы түсіндіріңдер. Ал неге? бағанына өз ойларыңды жазыңдар. ЖЖ.

Мысалы: Қаныш Сәтбаев «мың қыстау» өңірін «ұйқыдағы арудай» деп айтқан. Себебі, бұл жер картадан қарағанда әйел адамның сұлбасын көз алдыңа елестетеді.

3. Әр топтағы 4 оқушы жеке-жеке орындайды. Мәтіннен сөз ішіндегі және сөз аралығындағы ілгерінді, кейінді және тоғыспалы ықпал түрлерін көрсетіп, түсіндіріп беріңіз. ЖО.

Мысалы: Маңғыстау «мың қыстау» сөздері кірігіп жасалғанда сөз аралығындағы ілгерінді ықпал бойынша, үнді Ң дыбысының әсерінен қатаң Қ дыбысы ұяң Ғ дыбысына айналған.

Бағалау критерийі:

1.Сергіту сәті: «Билеп жүріп саяхат жасау»

Барлық оқушылар бір шеңбер құрап, дөңгеленіп тұрады. Барлықтарының қолына таза ақ қағаз және түрлі-түсті бояу беріледі. Оқушылар «Қара жорға» әніне бір бағытта билей жүріп, әрбір өзінің алдындағы оқушының арқасына қағазын қойып, дөңгелек бойымен жүре отырып, жоғарыдағы тыңдалым бойынша «Маңғыстау» өңірінің суретін сала бастайды. Мәтінде айтылған сөз тіркестерін, ақпараттарды еске түсіре отырып, есте сақтау қабілеттерін дамытады. Ой-өрістерін, қиялын жетілдіреді.

2.Жазылым тапсырмасы: «Менің Маңғыстауға түйемен жасаған саяхатым» деген тақырыпта қалай саяхат жасағандығыңыз туралы және қалай демалғандығыңыз туралы қысқаша мәтін құраңыз. Ол үшін берілген мәтінге сәйкес және өздеріңіздің салған суреттеріңізге сәйкес кіріспе, негізгі және қорытынды бөлімдерді қамтитын қарапайым жоспар құрыңыз. Сол жоспар негізінде мәтін құрап жазыңыз. 80-100 сөз.

Бағалау критерийі: ЖО

3.Бағалау: әр топтан бір-бір оқушы кезек-кезек шығып, қалған оқушылар қолдарындағы критерий бойынша бағалайды.

4. Кері байланыс

5. Үйге тапсырма: Сіз жазғы демалыста Оңтүстік Қазақстан өңіріне «Туған Елге тағзым» бағдарламасы бойынша сыныптастарыңызбен саяхат жасап бардыңыз. Сол өңірдегі тарихи жерлерден алған әсеріңізбен бөлісіп, жоспар құра отырып шағын эссе жазыңыз. 100-150 сөз.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Бұл бөлімді оқушылардың сабақ барысында алған білімдерін бағалау үшін қолданылатын әдіс-тәсілдеріңізді жазу үшін пайдаланыңыз.

Сабақ жоспарын құру үшін сізге өзге пән мұғалімдерінің көмегі керек пе?

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндіре ме?

Оқушылар сабақ барысында өздерінің АКТ дағдыларын дамыта ала ма?

Осы сабақ барысында НЗМ құндылықтарын дамытуға қандай мүмкіндік бар?

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?