Отбасы және отбасы мүшелері. Қазақ тілі, 5 сынып, сабақ жоспары.

• САБАҚ: Қазақ тілі

• Мектеп: Павлодар қаласындағы химия-биология бағытындағы Назарбаев Зияткерлік мектебі.

• Күні:

• Мұғалімнің аты-жөні: Н.Қ. Ахметжанова

• Сынып: 5 Т1

Отбасылық дәстүрлер мен мерекелер

Отбасы және отбасы мүшелері

Жаңа сабақ

Т/А1. Тірек сөздер мен ұсынылған иллюстрациялар арқылы тақырыпты болжау.

Ж3. Сюжетті суреттердің (фотосуреттер) желісі бойынша әңгіме құрастыру.

Барлық оқушылар: бағыттаушы сұрақтар арқылы тақырып бойынша жұмыс жасау, болжау, әңгіме құрастыру

Көптеген оқушылар: Оқушылардың көбі ақпараттар бойынша ойларын айту, салыстыру, сәйкестендіру, бағалау.

Кейбір оқушылар: Қабілеті жоғары оқушылар ұтымды ойлар айту, мәтін құрастыруда креативті идеялар жазу, астарлы мағынаны тану және бағалауда нақтылық көрсету

• Тақырыпты болжай алады.
• Ақпараттар тізбегін ұғыммен байланыстыра алады.
• Суреттер негізінде ұғымдарды байланыстыра отырып, әңгіме немесе мәтін құрастыра алады.

• Тірек сөздер арқылы тақырыпты болжай алады
• Сөздердің мағынасын түсіндіре алады
• Ақпараттарды мағынасына қарай сәйкестендіре алады.
• Суреттер бойынша:

- тақырып қоя алады.

- сын есіммен бағалай алады.

- құндылықпен байланыстыра алады.

- астарлы ойды мақалмен тұжырымдай алады

- мәтін құрастыра алады.

Бала, мейірім, әже, тәрбие, ана, отағасы, отбасылық бақыт, мейірім, тыныштық, құндылық, өнерлі, бақытты, берекелі, жалғыздық т.б

Өткен тоқсандағы бөлімдер бойынша тілдік дағдыларды дамыту, байланыстыру

• Адами қасиет, тәлім-тәрбие, мейірім;
• Зерттеген мәселе бойынша өмірлік ұстаным;

Өзін-өзі тану, әдебиет

Үйге берілген тапсырма бойынша акт дағдыларын дамыту («Тәрбие отбасынан басталады» тақырыбында отбасы мүшелерімен сұхбат әзірлеу)

Жоспар

Жоспарланған іс - әрекеттер

Оқушылардың қызығушылықтарын ояту. Сабақтың тақырыбын анықтау. Оқушылардың орындықтарына стикерлер жапсырылған. Сол оқушылар тапсырмаларды орындайды. Тапсырма – «Он сұрақ» әдісі

Бала, мейірім, әже, тәрбие, ана, отағасы осы сөздерді көпшілікке жасырады.

Дұрыс жауаптар арқылы сабақтың тақырыбын анықтаймыз.

Оқу мақсаты және бағалау критерийлерімен танысады.

1-тапсырма

ЖЖ (жұптық жұмыс)

Оқушыларға отбасы, отау, отағасы, отау иесі, қара шаңырақ, отбасы берекесі деген сөздер жазылған кесте беріледі. Оның мағынасын түсіндіруі тиіс.

Жауап үлгісі: (ықтимал жауаптар)

Бағалау: Мұғалімнің кері байланысы, оқушы жауаптарын бірлесе талқылау

2-тапсырма. ЖЖ (жұптық жұмыс)

Туыстық атауларды сәйкестендір.

Бағалау: жұптар өзара бір-бірі тексеріп бағалайды. 80%-дық үлестің орындалуы.

3-тапсырма. Ж (жеке жұмыс)

Оқушылар бес-бестен жұмыс жасайды. Бірақ олар топ құрамайды, жеке жұмыс жасайды. Бір қатарда отырған 5 оқушыға жоғарыдағы бес түрлі сурет ұсынылады. Суреттер партада жатады, оқушылар сағат тілімен қозғала отырып, төмендегі тапсырманы орындайды.

Мысалы, 1 оқушының әрекеті:

1-қадам. Алдындағы суретке ат (тақырып) қояды

2-қадам. (келесі суретке барады да), суретке байланысты екі сын есім жазады.

3-қадам. (келесі суретке барады да), суретте бейнеленген үш құндылық жазады.

4-қадам. (келесі суретке барады да), суреттің астарлы ойын сипаттап, тұжырым жасайды. (мақал-мәтелмен немесе нақыл сөз арқылы)

5-қадам. (келесі суретке барады да), өзінің алдындағы 4 оқушының жазған мәліметтерін біріктіріп жинақтай отырып, мәтін құрастырады.

Жазған мәтіндерін сынып алдында таныстырады.

Бағалау: оқушылар 3-2-1 әдісі арқылы бір-бірінің жұмыстарын бағалайды.

3- мәтіннің мазмұынын ашатын 3 ұғым;

2- мен үшін қызықты болған 2 мәлімет;

1 – 1 ұсынысым

(бағалаудың жүзеге асу реті: 1 сурет бойынша сыныпта 4 оқушы мәтін құрастырады. Бірдей сурет бойынша мәтін құрастырған оқушылар бір-бірінің жұмысын бағалайды. )

Жалпы жұмысты қорытындылай келе, оқушылардың мақсатқа жетуі бағалау критерийлері негізінде бағаланады.

«Мозаика» әдісі арқылы сабаққа кері байланыс жасалады.

• Маған ұнаған әрекет
• Маған қиындық тудырғаны
• Ұсынысым бар
• Менің көңіл-күйім

Мұғалім өзінің шығармашылығына қарай бұл сабақты 2 сабаққа жоспарлауға да болады.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс

•  Оқушыларға қолдау көрсету бағыттаушы сұрақтар арқылы жүзеге асырылады.
•  Оқушылардың көбі ақпараттар бойынша ойларын айтады, салыстырады, сәйкестендіреді, бағалайды, мәтін құрастырады.
•  Қабілеті жоғары оқушылар ұтымды ойлар айтады, мәтін құрастыруда керативті идеялар жазады, астарлы мағынаны таниды және бағалауда нақтылық көрсетеді.

Сабақта дескрипторларға негізделген жүйеде бағаланады.

• Мұғалімнің кері байланысы
• Жұптардың өзара бағалауы
• Бірін-бірі бағалауы

Әдебиет, өзін-өзі пәндерімен тақырып арқылы байланысады.

Сабақта АКТ үйге тапсырма кезінде қолданылады.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?