Тұрақты сөз тіркестері. Мамандықтың бәрі жақсы. Қазақ тілі, 4 сынып, сабақ жоспары. 51 сабақ

Пән: Қазақ тілі.

Бөлім Мамандықтар әлемі

Күні:

Сынып: 4

Мектеп:

Мұғалімнің аты-жөні: Калимова З.Б

Қатысқандар саны:

Қатыспағандар саны:

Сабақтың тақырыбы

№51 Тұрақты сөз тіркестері.

Осы сабақта қол жеткізілетін оқу мақсаттары (оқу бағдарламасына сілтеме)

4.2.2.1 - тұрақты сөз тіркестері мен көп мағыналы сөздерді ажырата білу, мағынасын түсіну, сөйлеу барысында қолдану;

4.3.7.3 - диалогке тән тыныс белгілерді қою;

4.3.6.1 - каллиграфиялық нормаларды сақтау, жазу техникасын жетілдіру;

4.3.5.1 - стилистикалық қателерді мұғалімінің көмегімен анықтап түзету; жазба жұмысын пунктуациялық, орфографиялық, грамматикалық нормаларға сәйкес өз бетінше редакциялау;

Сабақтың мақсаттары

Бағалау критерийлері

• тұрақты сөз тіркестерін ажырата біледі, мағынасын түсінеді, сөйлеу барысында қолдана алады;
• диалог құрастырып, тыныс белгісін қоя біледі;
• жазу техникасын жетілдіреді;
• жазба жұмысын өз бетінше редакциялай алады;

Сөздік қор

Құндылықтар

Мамандық иелерінің жұмысын құрметтей білу

Пәнаралық байланыстар

Әдебиеттік оқу, жаратылыстану

Алдыңғы білім

Тұрақты сөз тіркестері

Сабақтың барысы

Сабақтағы жоспарланған іс-әрекет

І. Ұйымдастыру кезеңі.

«Сәлемдесу» ойыны. Бір- біріне жақсы тілектер тілеп, ынтымақтастық атмосферасын құру. «Бастаймыз» деген белгі берген кезде , бір- бірімен тез- тез көзбен, қолмен, иықпен амандасу керек.

ІІ Өтілген материалды еске түсіру

Сұрақтар ілмегі

• Тұрақты сөз тіркесі дегеніміз не?
• «Қыран топан күлді» мағынасын қалай түсінесің?
• «Бармағынан бал тамған» қандай мамандық иесіне қатысты айтылған?
• «Шапшаң» сөзін тұрақты сөз тіркесімен алмастыр

Сабақ тақырыбы мен оқу мақсатын хабарлау.

Бағалау критерийлерін белгілеу.

ІІІ Негізгі бөлім 4.2.2.1, 4.3.6.1

Көркем жазу ( Ұ ) (Ө, Ж, Т )

Каллиграфиялық нормаларды сақтап, жазу техникасын жетілдіру

Ққ Ққ Ққ Ққ

Қақпашы - футболда, хоккейде ойын қақпасын қорғайтын ойыншысы.

13-жаттығу

• Өлеңді жатқа жазып, тұрақты сөз тіркесінің астын сызу.

Тұрақты сөз тіркесі: жаны бір жай таппады

Оқушылар өлеңді жатқа жазады, жұпта өзара тексереді

• «Үздік шабуылшы» тақырыбында радиохабарлама дайындау

Мұғалім топта өз хабарламаларын құрастыруды ұсынады.

Ықтимал жауаптар:

Бүгін гимназияның футбол алаңында 4-cыныптар арасында футболдан жарыс өтті. «Қайрат» командасының шабуылшысы Арман қарсы команданың қақпасына лезде қатарынан үш рет доп тепті. Ойын соңында Арман «Үздік шабуылшы» номинациясын жеңіп алды.

Жұптар бір- бірінің хабарламаларын оқып, тексереді, бағалайды. Ең жақсы деген хабарламаны жұптасы ұсынып, оны топта оқиды. Топ бір –бірінің жұмысын бағалайды.

Бағалау дескрипторы:

• тұрақты сөз тіркестерінен ажырата алады;
• тұрақты сөз тіркесінің мағынасын түсінеді;
• көркем әрі әдемі қатесіз жазады;

4.3.7.3, 4.3.5.1 ( Ж, Т )

15-жаттығу.

Суретке қара. Шаштараз бен бала арасында қандай әңгіме болуы мүмкін? Диалог құрастырып жаз.

Оқушылар өздерінің қалауы бойынша тақырып таңдап,рөлге еніп, жұптасымен диалог құрап, сөйлемдерді жазады, ішінде тұрақты сөз тіркестері болуы мүмкін.

Көрші жұптар бір-бірінің жазған диалогтарымен ауысып, тыныс белгілерін тексереді. Жұптар ортаға шығып, рөлге еніп, диалогтарын драма түрінде көрсетеді.

Ықтимал жауаптар:

Шаштаразда

• Сәлеметсіз бе, шаштаразшы!
• Сәлеметсіз бе!
• Шашыңызды қидырасыз ба?
• Иә, қидырамын.
• Шаш қидырудың бағасы қанша тұрады?
• Балалардың шашын қию бағасы 700 теңге тұрады.
• Рақымет.
• Күте тұрыңыз.

Бағалау дескрипторы:

• сурет арқылы диалог құрастыра алады;
• диалогке тән тыныс белгілерін қоя біледі;
• көркем әрі әдемі қатесіз жазады;

Сергіту сәті

Мамандық атауларын тауып көр!

Азат - ( аспазшы ) Зейін – ( зергер )

Дастан – ( дәрігер ) Томирис- (теңізші )

Эльмира – ( электрик ) Хадиша – ( хатшы ) т.б

4.2.2.1, 4.3.6.1, 4.3.5.1 ( Ө, Ж, Т )

16- жаттығу.

Сурет бойынша әңгіме құра.

Суретке қарап, «екі езуі екі құлағында» дейтін сөз тіркесінің қандай мағына беріп тұрғаны туралы айт.

Бұл тапсырма «Бағытталған жазу» стратегиясы арқылы орындалады.

Жазба жұмыстарында жіберілген қателерінің түріне байланысты оқушылар топтастырылады. Тапсырманы қатесіз орындағандар өз алдына топ құрайды және оларға өз бетінше жұмыс беріледі.Топ оқушылары қатеге байланысты берілген тапсырмаларды орындайды.

Шығармашылық тапсырма

(Т) «Сәйкестендіру» стратегиясы

Бағалау дескрипторы:

• тұрақты сөз тіркесінің мағынасын түсінеді;
• сурет бойынша әңгіме құрастырады;
• қатесіз жаза алады;

Рефлексия

Оқушыларға сұрақтар қойылады:

- Бүгінгі сабақ сендерге ұнады ма?

- Сабақтан не үйрендіңдер?

- Саған не ерекше қызықты болды?

(Ө; Қ) Өзін-өзі бағалау кестесін толтыру.

Үй тапсырмасы

Тұрақты сөз тіркестері бар үш сөйлем жазу.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Топтық тапсырмаларды саралау бойынша беру.

Қабілеті жоғары оқушыларға одан әрі дамуы үшін көмек қажет ететін оқушыларға қайта түсіндіру арқылы қолдау көрсетіледі.

Қалыптастырушы бағалаулар дескрипторлар негізінде өзін-өзі бағалау, жұпта бағалау және мұғалімнің бағалауы арқылы жүзеге асырылады.

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушының барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақтыжақсартуға не ықпалетеалады (оқытутуралы да, оқутуралы да ойланыңыз)?

1:

2:

Сабақбарысындасыныптуралынемесежекелегеноқушыныңжетістік/қиындықтарытуралыненібілдім, келесісабақтарда неге көңілбөлуқажет?