Тарихыңды таны –тұлғаңды құрметте. Қазақ тілі, 4 сынып, дидактикалық материал. 2 сабақ

Талантты ғалым, публицист, әдебиет зерттеушісі, саяхатшы-географ (шын аты Мұхаммедханафия). Ол қазіргі Қостанай облысының Құсмұрын бекетінде 1835 жылы туған. Балалық шағы ата қонысы Сырымбет тауының (Көкшетау облысы) баурында өткен. Ол әжесі Айғанымның тәрбиесінде болған. 1847 жылы 12 жасар баланы әкесі сол кездегі ең таңдаулы оқу орны болып есептелген Сібір кадеті корпусына оқуға орналастырады. Ол жас күнінен тарихи өлен, жыр, аңыз, әңгімелерді қызыға тыңдап, құлақ түріп өскен. Кадет корпусына алғаш оқуға түскен кезде ол орыс тілін білмесе де өзінің зеректігімен тілді тез үйренді. Пушкин, Гоголь, Лермонтов, Герцен,Белинский т.б. орыс классиктерін және батыс әдебиетінен Диккенс, Теккерей, Руссо шығармаларын, «Современник» журналын үзбей оқып, әлеуметтік өмірдің және әдебиет ағымының қай бағытта, қалай дамып бара жатқандығын аңғара алатын, өз кезінің саналы азаматының бірі болған.