1_Қазақ тілі_3 сынып_8-бөлім_Демалыс мәдениеті. Мерекелер_№125сабақ_Сөз және оның құрамы_ҚМЖ

Ұзақ мерзімді жоспар бөлімі: 8-бөлім: «Демалыс мәдениеті. Мерекелер»

Күні: 4 тоқсан

Мектеп:

Мұғалімнің аты-жөні:

Модератор: Абдрасилова Гулсим Лесбековна

Сынып: 3

Қатысқандар:

Қатыспағандар саны:

Сабақ тақырыбы

№125. Сөз және оның құрамы

Осы сабақта қол жеткізілетін оқу мақсаттары (оқу бағдарламасына сілтеме)

3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру;

3.2.5.1 берілген тақырып/сұрақ бойынша түрлі дереккөздерден (мәтін/сөздік/сызба/кесте/карта) алынған ақпараттарда кездесетін жаңа сөздердің мағынасын сөздіктер арқылы ашу, жүйелеу, мағлұматтардың маңызды тұстарын анықтау;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету.

Сабақ мақсаттары

Бағалау критерийлері

-пікір білдіруге бағытталған сұрақтар құрастырады және оларға негізді жауап береді;

-жаңа сөздердің мағынасын түсіндіреді;

-жіберілген пунктуациялық, грамматикалық қателерді тауып, түзетеді.

Сөздік қор

Пәндік терминология мен тірек сөздер:

Түбір сөз, туынды сөз, түбір, қосымша, жұрнақ, жалғау;

Сабақта диалог /жазу үшін пайдаланылатын тіл:

Түбір сөз дегеніміз не? Туынды сөз дегеніміз не? Қосымша дегеніміз не?

Құндылықтарды дарыту

Туған елін, жерін қадірлеуге, мемлекеттік рәміздерді қастерлеуге тәрбиелеу.

Пәнаралық байланыстар

Дүниетану

Алдыңғы меңгерілген білім

Сөз және оның құрамы тақырыбынан игерген біліміне сүйенеді

Сабақ барысы

Сабақта жоспарланған іс-әрекет

Психологиялық ахуал.

Сабақты ҚР-ның әнұранымен бастау. (Әнұран орындалады)

(Ж) Өткенді бекіту

1. Ұлы Отан соғысы қай жылдары болды?

2. Ұлы Отан соғысына қатысқан қандай батырларды білесің?

3. Ұлы Отан соғысы туралы қандай кинолар көрдің?

4. Мақалдарды жалғастырып жаз.

«Отан үшін отқа түс ...», «Батыр туса ел ...Жаңбыр жауса ...»

Оқушыларға сабақтың тақырыбы мен мақсаты хабарланады, бағалау критерийлерін бірге құрастырады.

Негізгі бөлім

(Ө, Т) Сурет бойынша пікір білдіру.

Тапсырма 1. Оқушыларға ҚР рәміздерінің суреттері ұсынылады.

Сұрақтар қойылады:

-Суретте нелер бейнеленген?

-ҚР-ның рәміздеріне нелер жатады?

-Елтаңба мен Туды сипаттаңдар. (Түрін, түсін, пішінін, қандай элементтерден тұратынын анықтаңдар)

Тапсырма 2. Әр топқа ББҮ кестесінің бірінші, екінші бағандарын толтыру ұсынылады.

(МК) Сынып бөлмесіне Елтаңбаның, Тудың, Әнұранның қандай жағдайларда қолданылатына байланысты заттар, суреттер, мәліметтер топтастырылып қойылады.

1-топта: Төлқұжат, туу туралы куәлік, орта білім туралы аттестат т.б.

2-топта: Ақ Орданың, Үкімет үйінің тағы басқа да мемлекеттік мекемелердің суреттері т.б.

3-топта: Ресми, салтанатты маңызды жиналыстар, сол жақ кеудесіне қолын қойып, жеңіс тұғырында тұрған Қазақстандық танымал спортшылар бейнеленген суреттер т.б.

Әр топ қойылған заттарға, суреттерге, мәліметтерге байланысты қандай рәміз туралы айтылып тұрғандыған анықтап, сыныпқа жариялайды. Әр топқа берілген байланысты мәліметтер жазылған мәтіндер таратылады. Мәтінде берілген мәліметтерді саралайды.

ББҮ кестесін толықтырады.

3.2.3.1 (МК, Ө, Т) Мәтін мазмұны бойынша пікір білдіруге бағытталған сұрақтар құрастыру және жауап беру.

Тапсырма 3. Мәтінді түсініп оқу.

(МК) Тақтадан Қазақстанның географиялық картасы көрсетіледі.

(Ө, Т) Көмекші сөздерді пайдаланып пікір білдіруге бағытталған сұрақтар құрастыру.

Сұрақтар үлгісі:

-Қазақстан жер шарының қай жерінде орналасқан? (Картадан көрсетеді)

-Қазақстанның жер көлемі қандай? (Басқа мемлекеттермен салыстырады)

-Ата-бабаларымыз туған елімізді, жерімізді қорғауда қандай ерлік жасады? (Мысалдар келтіреді)

-Өзің туып-өскен жеріңді картадан көрсете отырып, қалай, не себепті мақтан тұтатыныңды әңгімеле. (Әңгімелеу барысында меніңше, менің ойымша, өйткені, сондықтан көмекші сөздерін пайдалану керектігі ескертіледі)

-Мәтіннің мазмұны бойынша қандай ой түйіндеуге болады деп ойлайсың?

-Мәтінде берілген нақыл сөздердің мағынасын қалай түсіндіресің?

(Ұ, Т) «Кім жылдам?» ойыны ойнатылады.

Берілген сөздерден басқа сөздер жасаңдар.

1-топқа: «Елтаңба» сөзі. /ел, ет, ат, бата, бала, бел, таңба, таң, аң/

2-топқа: «Байрақ» сөзі. /бай, ай, рай, қар, ар/

3-топқа: «Әнұран» сөзі./ән, нұр, Нұра, ұра, ұран, ұн, нан/

3.2.5.1 (Ө) Жаңа сөздердің мағынасын сөздіктер арқылы ашу, жүйелеу, мағлұматтардың маңызды тұстарын анықтау.

Тапсырма 4. Берілген сөзлердің мағынасын ажырату. Синонимдерін анықтау.

Көне, пырақ, айбар, игілік, рәміздер, Әнұран, сазгер, Елтаңба, борыш т.б.

Оқушылар өз ойларын айтқан соң түсіндірме сөздік арқылы салыстырып, алдында айтылған сөздерінің мағыналары қаншалықты дұрыс екендігі анықталады.

3.3.5.1 (Ө; Ж; Қ) Өлеңді көркем жазу. Жіберілген қателерді мұғалімнің көмегімен тауып, түзету.

Тапсырма 5. 27-жаттығу. Көркем жазу.

Жұппен жұмыс жасайды. Мұғалімнің көмегімен бір-бірінің қатесін тауып, түзетіп, орындалған жұмысты өзара бағалайды.

Тапсырма 6. 28-жаттығу. Сөздерді оқып, түбірін табу. Түбір сөз бен туынды сөздердің мағынасын салыстыру. Түбір сөздердің қай сөз табынан жасалғанына байланысты сөздерді топтастырып жазу. Жіберілген қателерді мұғалімнің көмегімен тауып, түзету.

Дескриптор:

-қатесіз, көркем жазады;

-сөз құрамына талдайды.

Рефлексия

Сендер бүгінгі сабақтан не үйрендіңдер?

Қазақстан Республикасының рәміздері қандай?

Тудың авторы кім?

Ту неліктен көк түсті?

Туда нелер бейнеленген?

Елтаңбаның авторлары кімдер?

Елтаңбада нелер бейнеленген?

Әнұранның сөзін жазған кімдер?

Әнұранның әнін жазған кім?

Үй тапсырмасы: 29-жаттығу.

Қосымша ақпарат

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Денсаулық және қауіпсіздік техникасының сақталуы

Топтық тапсырмаларды саралау бойынша беру.

Қабілеті жоғары оқушыларға өз бетінше жұмыс істеуге мүмкіндік жасау.

Қолдауды қажет ететін оқушыларға көмек көрсету.

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары дұрыс қойылған ба?

Оқушылар оқу мақсаттарына қол жеткізді ме?

Оқу мақсаттарына қол жеткізілмесе себебі неде?

Ынтымақтастыққа қол жеткізілді ме?

Саралау бойынша жұмыстар дұрыс жүргізілді ме?

Уақыт кезеңдері дұрыс сақталды ма?

Жоспардан ауытқулар орын алды ма? Неліктен?

Қорытындылау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы келесі сабағымды жетілдіруге не көмектесетін білдім?