Қазақ тілі және әдебиеті 3 cынып 7 бөлім Су- тіршілік көзі_ҚЫСҚА МЕРЗІМДІ ЖОСПАР

Пән: қазақ тілі және әдебиеті

Ұзақ мерзімді жоспар бөлімі:

Сынып:3 А

20.04.2018

Мектеп: Талдықорған қаласындағы физика-математикалық

бағыттағы Назарбаев Зияткерлік мектебі

Мұғалімнің аты-жөні: Иманбаева Н. З.

Қатысқаны: Қатыспағаны:

Сабақ тақырыбы

Өзен мен бұлақ

Осы сабақта қол жеткізілетін оқу мақсаттары (оқу бағдарламасына сілтеме)

 3.1.5.1 өз ойы мен сезімін көркем-бейнелі сөздерді қолдана отырып жеткізу;

 3.1.4.2 сөйлеу барысында иллюстрациялар/көрнекіліктер/ фото /суреттер қолдану.

Сабақ мақсаттары

 өз ойы мен сезімін көркем-бейнелі сөздерді қолдана отырып жеткізу;

сөйлеу барысында иллюстрациялар/көрнекіліктер/ фото /суреттер қолдану.

Бағалау критерийлері

• Бейнелі сөздерді қолданып, өз ойынан ертегі құрастырады;
• Сұрақтарға жауап береді;
• Әңгімені талдайды.

Сөздік қор

Бұлақ, арна, ағат қылық

Құндылықтарды дарыту

Достық,жолдастық, сыйласымдылық құндылықтарын қалыптастыру.

Мектеп миссиясы мен мектеп пайымдауы

және жаһандық азаматтықтың

іске асуы

Еліміздің тарихын құрметтеуге үйренеді;

Алған білімін өмірді қолдануға бейімделеді.

Пәнаралық байланыстар

Өзін-өзі тану, Әдебиеттік оқу

Сабақ барысы

Сабақта жоспарланған іс-әрекет

Ұйымдастыру кезеңі.

Сабақтың мақсатымен таныстыру

• бейнелі сөздерді қолданып, өз ойыңнан ертегі құрастырасың;
• сөйлеу барысында суреттерді қолданасың.

Сөйлесейік

Оқушыларға өзеннің дыбысы тыңдатылады.

• Сурет бойынша қандай сұрақтар қоюға болады?
• Суретте не бейнеленген? Сипаттап айт.

Суретке әркім тақырып қойсын.

Оқиық.

Әңгіменің авторы туралы мәлімет:

• Өзен қалай пайда болған? Сұрақтың жауабын білгің келсе, әңгімені түсініп оқы. «Джигсо» әдісі арқылы мәтінді бөліктерге бөліп оқиды.

Өзен мен бұлақ

Айналаны азан-қазан жаңғырта ағып жатқан, арыстандай арқыраған Өзен терең сай ішінде атқылап аунақшиды. Ерке де шолжаң. Ақ жаулықты Tау анасы Өзенннің төбесінен төне қарап, бақылап тұр. Ерке Өзеннің буырқанған албыртта қайсар қылығына мәз. Tау өз ұрпағының осы қылығына қуанып қарап тұрып, сүйсіне күлімдейді.

• Арында, еркем, арында! Зулай бер, ілгері! Tасқында, күшің артсын! Құлашыңды кеңге серме! – деп, алға ұмтылдыра түседі.

Қыспақтан шыққан Өзен құлдыраңдай жүгірді. Бұлақтың да үлкен арнаға түсіп, арқырай аққысы, қызықты өмір сүргісі келді. Бірақ Өзен тетелес інісін аямай иықпен қағып өте шықты. Арынды Өзен тентек бала құсап әлжуаз Бұлақты кері ықтырып тастады. Үлкен ағысқа қосыла алмай, шеттеп қалғанына қынжылып, жыламсыраған Бұлақ бұртиған қалпы амалсыз бөгеліп қалды. Ағысқа ілесе алмады.

• Былай тұр жолымнан, тапталып қаларсың! – деп күжілдей жекірді Өзен.

Бұлақ жалынышты үнмен міңгірлей өтінді:

• Мен де ойнайыншы арнаға түсіп...
• Сен әлі кішкентайсың, әлсізсің!
• Арнаның шетімен ғана сырғимын.
• Айттым ғой, аяқтың астында қаласың! Әрі кет! Маған ілесе алмайсың.Саған қарайлап былқ-сылқ етіп жүре алмаймын.

Бұлақ қызық ойынға қатыстырмай қойған бала секілді ағасына өкпелегендей томсырайып тұрып қалды.

Tау тентек Өзенге байыппен кеңес берді:

-Өзенім, тым еліріп кетпе. Артыңа көз салшы, қаншама Бұлақ қосылып, қалай ұлғайғаныңды есіңе түсір. Ініңді ренжітпе. Бұлақ сенің көзің, қуатың! Осы бұлақтар арқылы сенің арының артып, арнаң тола береді.

Өзен үн қатпады. Ойға шомғандай сәл иіріліп, өзімен-өзі айнала берді. Өзінің ағат қылығын түсінді ме екен, кім білсін?!

Құрманбай Tолыбаев

• Әңгімені оқыған кезде көз алдарыңа не елестеді?
• Өз туған жерлеріңде өзен бар ма? Бар болса әңгімелеп беріңдерші.

(Ж) «Әңгімені сұрақ қоя отырып оқы»

Жұптық жұмыс кезінде мәтіннің бірінші бөлігі бойынша А оқушы В-ға бірнеше сұрақтарды жазбаша дайындайды. В жауап береді.

Екінші бөлігі бойынша В оқушы А-ға сұрақ қояды.

Үшінші бөлігінде А мен В С мен Д-ға сұрақ дайындайды.

Tапсырма: Жеке және топтық жұмыс.

1.Бірінші тапсырмада анықтаған тақырыптардың қайсысы әңгіменің тақырыбына сәйкес келеді?

2. Мәтіндегі негізгі ойды білдіріп тұрған сөйлемдерді оқы және неге сол сөйлемді белгілегеніңді түсіндір.

Дифференциация: Қабілеті төмен оқушылар әңгімені оқып шығады және өз сөздерімен ойларын айта алады. Қабілеті төмен оқушыларға жабық сұрақтар, ал қабілеті жоғары оқушыларға ашық сұрақтар қойылады.

(Ө.ж) Сұра және жауап бер:

• Өзен мен бұлақ неге тіркесіп қалды?
• Өзен мен бұлақтың әрекеті мен мінез-құлқына ұқсайтын адамдар өмірде кездесе ме?
• Өзен мен бұлақтың қандай ерекшеліктері болады?
• Өзен таудың кеңесінен соң қандай әрекет жасады деп ойлайсың?

«Кездейсоқ таңдау» әдісі арқылы сұрақтардың жауаптары тыңдалады.

Tыңдалған жауаптардың деңгейіне сәйкес смайлик беріледі.

Дифференциация: Қабілеті төмен оқушылар сұрақтарға өз түсінгендері бойынша жауап береді, ал қабілеті жоғары оқушылар әңгімеден мысал келтіріп, баға беріп жауап береді.

(Т) Жазайық.

1-тапсырма: Әңгімеден өзенннің ағысын сипаттайтын тұсты тауып оқы. Қандай көркем-бейнелі сөздерді қолданғанын анықта. Tеңеу және бейнелі сөздерді тауып, мағынасын анықта.

2-тапсырма: Мәтіннен автордың негізгі ойын білдіріп тұрған сөйлемдерді тауып оқы және сол сөйлемді таңдау себебін түсіндір.

3-тапсырма: Жеке жұмыс: оқулықтағы кестедегі бейнелі сөздерді қатыстырып, Өзен мен бұлақ жайлы өз ойыңнан ертегі құрастыр.

Сабақты қорыту

Рефлексия.

Үйге тапсырма: Әңгіме тақырыбына сәйкес ребус немесе сөзжұмбақ құрастырып келу

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Әр оқушының жауабы мадақталады.

Үлгерімі төмен оқушылар мұғалімнің көмегімен жұмыс жасайды. Қабілеті жоғары оқушылар тапсырманы шапшаң әрі тез орындауы мүмкін.Сондықтан ашық сұрақтар қойылып, өмірден мысал келтіріп жауап береді.

Оқушылар топтық жұмыс кезінде топтарда өзара бағалау жүреді.

Оқушылардың пікірлері «Мадақтау сэндвичі» арқылы бағаланады.

Оқушылардың материалды меңгеру деңгейін тексеру «Бәрі сенің қолыңда» әдісі арқылы жүргізіледі.

Сергіту сәті өткізіледі.

Театр ұйымдастыру кезіндегі қауіпсіздік ережесі айтылады.

Сабақ бойынша рефлексия

Оқудың шынайы мақсатын / мақсатының мақсаттары ма еді?

Барлық оқушылар Ортақ мақсатқа жетті ме?

Егер жоқ болса, неге?

Сабақта дифференциация дұрыс жүргізіле ме?

Сабақтың уақыттық сатылары болды ма?

Сабақ жоспарынан қандай ауытқулар болды және неге?

Сабақты көрсету үшін осы бөлімді пайдаланыңыз. Сол бағандағы сабақ туралы ең маңызды сұрақтарға жауап беріңіз.

Жалпы рейтинг

Сабақтың қандай екі қыры жақсы өтті (оқыту мен оқуды ойлап көріңіз)?

1:

2:

Сабақты жақсартуға не көмектесе алады (оқыту мен оқуды ойлау керек)?

1:

2:

Сабақ туралы сабақта не жеке оқушылардың жетістіктерімен / қиындықтарымен нені көрсеттім, кейінгі сабақтарда не іздеймін?