Құрғақшылықтың себептерін түсіндіру_ҚЫСҚА МЕРЗІМДІ ЖОСПАР

Пән: Қазақ тілі және әдебиеті

Ұзақ мерзімді жоспар бөлімі: «Су – тіршілік көзі»

Күні:

Сынып: 3

Мектеп: Көкшетау қаласындағы Назарбаев Зияткерлік мектебі

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы

Құрғақшылықтың себептерін түсіндіру

Осы сабақта қол жеткізілетін оқу мақсаттары (оқу бағдарламасына сілтеме)

3.4.2.4 негізгі, туынды зат есім/сын есім/етістікті анықтау

Сабақ мақсаттары

Негізгі және туынды зат есім, сын есім, етістікті ажырату

Бағалау критерийлері

• Негізгі және туынды зат есімді ажырата алады;
• Негізгі және туынды сын есімді ажырата алады;
• Негізгі және туынды етістікті ажырата алады.

Тілдік мақсаттар

• Сахара, шөл дала, шөлдеп, жәрдем,негізгі және туынды сөздер, қосымша, жұрнақ, жалғау, түбір сөз, т.б.

Құндылықтарды дарыту

Жауапкершілік,

Еңбекқорлық

Өмір бойы білім алу.

Пәнаралық байланыстар

Дүниетану, ғылымға кіріспе

АКТ қолдану дағдылары

Презентация

Бастапқы білім

Құрғақшылық ұғымын біледі. Сөз таптарын ажырата алады.

Сабақ барысы

Сабақтағы жоспарланған іс-әрекет

Ұйымдастыру кезеңі.

Қоңырау үні соғылды,

Сабағымыз басталды.

Оқушылар тынышталып,

Қатар –қатар тік тұрды.

(Ұ) «Ойлан тап»

Мақсаты: оқушылардың қызығушылығын ояту, болжам жасай білуге дағдылану.

Сыныптың әрбір бөлігінде қима қағаздарға жазылған сөздер орналасады. Оқушылар сол сөздерді алып өзара топтасады. Ұқсастығы мен айырмашылығын анықтап, сабақтың тақырыбын болжайды.

Берілетін сөздер:

Су, сусын, судай, шөл, шөлдеді, құрлық, тірі, тіршілік, ақсақал, көздеді, ойлан, тұр, жүр, қатты, мұздай, т.б.

/Оқушылар сөз таптарына қарай топтасады. Егер, топтасу барысында қиындық туындаса, мұғалім, сұрақ қою арқылы топтасуға болатындығын айтады/.

• Балалар, бүгінгі сабағымыз не туралы болмақ?

/Оқушылардың жауаптары тыңдалады/.

Сабақтың тақырыбы мен мақсаттарын таныстыру.

Бағалау критерийлерін құрастыру.

(Т, Ұ) Өткенді бекіту.

Мақсаты: Негізгі және туынды сын есім, зат есім, етістік бойынша білімдерін пысықтау.

Топ оқушыларына Венн диаграммасы таратылып беріледі.

Тапсырма:

1-топ: негізгі және туынды сан есімге 5 мысал келтір;

2-топ. негізгі және туынды зат есімге 5 мысал келтір;

3-топ: негізгі және туынды етістікке 5 мысал келтір.

Бекітуші сұрақтар қою реті:

«Қорғаушы топқа» «тыңдарман топтар» сөз табына байланысты сұрақ қояды. Егер, жауап бере алмаса, немесе жауапты толықтыру үшін «тыңдарман топ» оқушысы да қатыса алады.

Дескриптор:

• Негізгі және туынды зат есімге мысал келтіреді;
• Негізгі және туынды сын есімге мысал келтіреді;
• Негізгі және туынды етістікке мысал келтіреді;

/Топтар сөз таптарына мысал келтіреді, өзара бекітушы сұрақтар қойып, жауап береді, «Басқармақ» әдісі бойынша өзара бағалайды/.

(Ө)Дәптермен жұмыс.

Мақсаты: сөз құрамына талдау арқылы сөз таптарын түріне қарай ажырату.

Мұғалім, әрбір топтан 2 мысалдан алып, тақтаға жазады. Оқушылар берілген сөзді сөз құрамына талдайды.

/Тапсырма орындалып болған соң, мұғалім нұсқауымен бір оқушы сөздерді талдайды, ұжым оқушылары өзін – өзі тексереді, бағалайды. Нәтижесіне қарай кері байланыс жасалады/.

(Ж, Ұ)Мәтінмен жұмыс.

Мақсаты: мәтіннің негізгі ойын анықтау, оқушылардың оқылым дағдыларын дамыту.

Оқушыларға мәтін беріледі.

• Мәтін іштей оқылады.
• Тізбектей оқылады.

Сұрақтарға жауап береді:

• Сахарада кім келе жатты?
• Келе жатқан адам қандай күйде болды?
• Жолаушы не істеді?
• Түйе мінген адам қандай өтініш білдірді?
• Жолаушы түйе мінген адамның жақсылығын неге түсінбеді?
• Осы мәтіннен қандай ой түйдің?

/Оқушылардың жауаптары тыңдалады, кері баланыс жасалады/.

(Т)Топтық жұмыс.

1 топ: Мәтіндегі зат есімдерді көшіріп жазады да, бұл қандай екенін айтады.

2 топ: Мәтіндегі сын есімдерді көшіріп жазады да, бұл қандай екенін айтады.

3 топ: Мәтіндегі етістіктерді көшіріп жазады да, бұл қандай екенін айтады.

4 топ:Мақалдардың ішінен мәтінге сай келетін мақалды тауып, жазады.

Мақалдар:

• Сулы жердің қасиеті сағасында,

Нулы жердің қасиеті ағашында.

• Жақсыдан қашпа, жаманға баспа.
• Әдеп пен адамгершілік ана тіліңнен нәр алады.

 Оқушылардың жасаған жұмыстарын «Әткеншек» арқылы қарап шығып, өз пікірлерін айту.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

топтық тапсырма оқушылардың қабілет-деңгейлеріне сәйкес орындалады.

Жұптық және топтық жұмыс арқылы оқушылар бір-біріне қолдау көрсетеді.

Сабақ барысында оқушының денсаулық және қауіпсіздік техникасының сақталуына мән беріледі.

Сабақ бойынша рефлексия

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?