1. _Қазақ тіл¦ 3 сынып_5 бөлім_Өнер _Сөз таптарын пысықтау

Пән: Қазақ тілі

Бөлімі: 5 Өнер

Тақырыбы: №12 Мәтіндерді салыстыру. Сөз таптары пысықтау

Мектеп:

Күні:

Мұғалімнің аты-жөні: Каниева Нургуль Абилакимовна

Сынып: 3

Қатысқандар саны:

Қатыспаған оқушылар:

Оқу мақсаты: (Оқу бағдарламасының ұзақ мерзімді жоспарына сәйкес)

3.2.6.1 мұғалімнің көмегімен ұқсас тақырыпта берілген мәтін түрлерін, стилін салыстырып, ұқсастықтары мен айырмашылықтарын табу

3.1.3.1 түрлі жағдаяттағы (қоғамдық ортада) қатысымдық әрекеттерде өз сөзін жүйелі түрде жоспарлап, сөйлеу мәдениетін сақтап диалогке қатысу

3.4.2.3 сөйлемнен сөз таптарын (зат есім, сын есім, сан есім, етістік) табу

 Сабақтың

 мақсаты

Бағалау

критерийлері

• Ұқсас тақырыпта берілген мәтін түрлерін, стилін салыстырып, ұқсастықтары мен айырмашылықтарын табады
• Түрлі жағдаяттағы (қоғамдық ортада) қатысымдық әрекеттерде өз сөзін жүйелі сақтап диалогке қатысады
• Сөйлемнен сөз таптарын (зат есім, сын есім, сан есім, етістік) табады

 Сөздік қор

 Құндылықтар

Шығармашылыққа тәрбиелеу. Сурет өнерінің ерекшелігін білу және суретшілерді құрметтеуге тәрбиелеу

Пәнаралық байланыс

Әдебиет, дүниетану

Алдыңғы меңгерілген білім

Сөз таптарын ажыратады, сұрақтарын біледі

Сабақ барысы

Оқушылардың жоспарланған іс-әрекеті

Шаттық шеңбер

Кел достарым ,келіңдер,

Қолдарыңды беріңдер.

Шаттық толы шеңберге,

Қуанышпен еніңдер.

Шақырамын сендерді,

Жолдастарым кел бері

Толтырайық шаттыққа

Дөңгеленген шеңберді.

3.4.2.3 Миға шабуыл ( Ұ) «Сендер суретшісіңдер!» әдісі

Нұсқау: «Сендер – суретшісіңдер. Картина салайық. Бұл

жаз кезінде болады. Көздеріңді жұмыңдар. Шөпті оң жаққа саламыз. Әр суретшінің шөбі әртүрлі: біреуде биік, біреуде аласа, біреуде шөптің түсі ашық болса, біреуде ашық емес, күңгірт немесе қалың емес. Енді жеңіл бұлттар қалықтаған ашық аспанды бейнелейік: Бұлттан шыққан күнді көрсетейік. Оның сәулелері ұзын әрі жарық. Кенет сендердің картиналарың «тіріліп» кетеді. Сендерге жылы әрі жарық. Оның жарығы жан-жағынан шуағын шашады. Сендер ақырындап көздеріңді ашасыңдар»

-Қандай суретті бейнеледік? (Жаз мезгілін)

-Шөптің түсі қандай?

-Ашық

-Күлгін

-Қалың

-Қай сөз табына жатады? (Сын есім)

-Аспанда қалықтаған не?

-Бұлт

-Қай сөз табына жатады? ( Зат есім)

-Күн шуағын не қылды?

-Шашады

-Қай сөз табына жатады? (Етістік)

Бүгінгі сабақтың тақырыбы мен мақсатын танысытыру:

Суретшілер туралы мәтіндермен жұмыс және сөз таптарын пысықтау.

3.2.6.1 1-тапсырма ( МК,Ұ) «Кейіпкер» әдісі

«Құмға салған сурет» және «Суретші ата» мәтіндерін салыстыру. Әр мәтіннің тақырыбын анықтау.

Құмға салған сурет

Әке-шешеден ерте айырылған бала тіршіліктің тауқыметін көп тартты. Қой соңында күндері өтті. Жұрттың баласы хат танып, сабақ оқығанда, мұның қолынан бар келгені – күйе мен тас бетіне немесе сұқ саусағымен құмға сурет салу. Болмаса қашау, пышағын ала жүріп, тас пен ағаштан мүсін жасау.

«Бала, әкең Қастей марқұм үндемей қой соңынан ергенді ғана білетін момын кісі еді. Мұнауың біз білмеген өнер екен» деді бір күні Әбілханның ағаштан жасаған мүсіндерін көргенде Түргенбай дейтін қарт ұста.

Жетім бала өзі машықтанып жүрген ісіне тұңғыш рет қолдау естіді.

- Өнерді өрге бастыру үшін өмірді тану керек. Білімсіз адамның өрісі – тар, құлашы- қысқа, сурет салуға талабың бар екен. Оқуың керек шығар, балам, -деген еді бірден ол. Осы сөз оның алдынан бақыт шырағы болып жылтырады.

Кәдір Сауырұлы

Суретші ата

Шалкөденің гүлін-ай!

Елге тартқан сыйындай.

Ақындардың алыбы

Мынау – Біржан, Сүйінбай.

Мына сурет жасымнан,

Көзіме оттай басылған:

Амангелді атамыз

Алмас қылыш асынған

Күткен диқан ақ самай,

Мынау әсем бақшаны-ай.

Көз тартады кең жайлау,

Алаулайды Қапшағай.

Мынау, тауды қашаған –

Батыр кенші жас адам.

Өнерлі ата Әбілхан

Мұның бәрін жасаған.

Нұрсұлтан Әлімқұлов

Дескриптор:

-мәтіндерді салыстырады

-мәтіннің тақырыбын анықтайды

Қ.Б: мадақтау арқылы

Саралау: «Дереккөздер» тәсілі

- Кейбір оқушылар басқа сыныптастарына қарағанда анағұрлым күрделі дереккөздермен жұмыс істей алады.

3.2.6.1 ( Ж.Ж) 2-тапсырма «Веен диаграммасы» әдісі

Көркем шығарма түрлеріне ажырату. «Құмға салған сурет» және «Суретші ата» мәтіндерін ұқсастықтары мен айырмашылықтарын жазу.

Дескриптор:

-шығарма түрлеріне ажыратады

-мәтіндердің айырмащылығын жазады

-мәтіндердің ұқсастықтарын жазады

Қ.Б: жұптар бір-бірін смайликтер арқылы

Саралау: «Қарқын» тәсілі Кейбір оқушылар басқаларына қарағанда жылдам жұмыс істейді.

3.1.3.1 (Т) 3-тапсырма

Қызыл, жасыл, сары түстер арқылы топқа біріктіру

«Көршіңе әңгімелеп бер» әдісі

1-топ «Құмға салған сурет» мәтіні бойынша сұрақтар дайындайды

2-топ «Суретші ата» өлеңі бойынша сұрақтар дайындайды

3-топ Екі топтың құрастырылған сұрағына жауап беру арқылы, диаолог құрастырады.

Дескриптор:

-сұрақтар құрастырады

-диаолог арқылы жауап береді

Қ.Б: топтық кері байланыс арқылы

Саралау: «Диалог және қолдау көрсету» тәсілі

- Кейбір оқушыларға тапсырманы орындау барысында жан-жақты әрі нақты көмек қажет болады.

Рефлексия «Бағдаршам» әдісі

Сабақтан алған әсерлерін төмендегі түстер арқылы көрсету:

Жасыл түс-сабақтан жаңа идеялар байқадым

Сары түс-жаңа сабаққа көңілім толды

Қызыл түс-бүгінгі сабақ сезіміне ерекше әсер етті

Үй тапсырмасы: «Суретші ата» мәтінінің екі шумағын сөз таптарына талдау.

Қосымша ақпарат

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық пен қауіпсіздік техникасының сақталуы

«Дереккөздер» тәсілі

- Кейбір оқушылар басқа сыныптастарына қарағанда анағұрлым күрделі дереккөздермен жұмыс істей алады

«Қарқын» тәсілі Кейбір оқушылар басқаларына қарағанда жылдам жұмыс істейді.

«Диалог және қолдау көрсету» тәсілі

- Кейбір оқушыларға тапсырманы орындау барысында жан-жақты әрі нақты көмек қажет болады.

Топтық және оқу құралдарын қолдануда қауіпсіздік ережелерін сақтау

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?