1.Қазақ тілі_3-сынып_3-бөлім_Уақыт_№38 сабақ _Дыбыстардың үндесуі_ҚМЖ

Пән:Қазақ тілі

Бөлім:Уақыт

Уақыт туралы не білемін?

Сабақ тақырыбы

38-сабақ. Дыбыстардың үндесуі.

Мектеп:

Мұғалімнің аты-жөні:Каирова К. У

Күні:

Сынып: 3

Қатысқандар:

Қатыспағандар саны:

Осы сабақта қол жеткізілетін оқу мақсаттары

3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау;

3.1.7.1 сөз ішінде қатар тұрған дауыссыз дыбыстардың өзара үндесуін сақтап айту (сенбі – сембі, Жангүл –Жаңгүл);

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету.

Сабақ мақсаттары

Бағалау критерийлері

- өз бетінше мәтіннің тақырыбын қояды, негізгі ойды мұғалімнің көмегімен анықтайды;

- сөзде қатар тұрған дауыссыз дыбыстардың өзара үндесуін сақтап айтады;

- жіберілген орфографиялық қателерді мұғалімнің көмегімен табады, түзетеді.

Сөздік қор

Пәндік терминология мен тірек сөздер

Дыбыстар үндестігі. Жуан, жіңішке дыбыстар.

Сабақта диалог /жазу үшін пайдаланылатын тіл:

Талқылау үшін сұрақтар:

Аңыз неліктен «Өмір-уақыт» деп аталған деп ойлайсың?

Мұндай болжам жасауыңа не негіз болды?

Ол жексенбі күні неліктен ауырып қалмады? Ойыңды бөліс.

Өзің жексенбі күнді қалай өткізесің?

Сөз ішінде қатар тұрған дауыссыз дыбыстардың өзара үндесуі нені білдіреді?

Дыбыс үндестігінің қандай ерекшеліктерін білесің?

Құндылықтарды дарыту

Уақытты ұтымды пайдалана білуге баулу;

Оқушыларды уақытты бағалай  білуге тәрбиелеу

Пәнаралық байланыстар

Жаратылыстану

Алдыңғы меңгерілген білім

Дауысты, дауыссыз дыбыстар. Дыбыс үндестігі

Сабақ барысы

Сабақта жоспарланған іс-әрекет

І. Ұйымдастыру бөлімі.

(ҰЖ) «Доппен қозғалыс» әдісі

Мақсаты: Оқушылар берілген тақырып туралы ойларын жүйелейді, сабаққа қызығушылығын арттырады. Бүкіл сынып ішінде қозғала жүріп, берілген тақырып бойынша ақпарат жинайды.

Оқушылар ортада дөңгелене тұрады. Жүргізуші шығып, допты кез-келген балаға сабақта өткен тақырыпқа қатысты сөз айтып, лақтырады. (дыбыстар, дауысты дыбыс, дауыссыз дыбыс, жуан дауысты дыбыс т, б) Допты қағып алған бала сол тақырыпқа байланысты білетінін айтады. Осылайша ойын жалғасын табады.

Сабақтың тақырыбы мен мақсаты таныстырылып, бағалау критерийлері оқушылармен бірге құрастырылады.

ІІ. Негізгі бөлім

(МК, Ө) Көркем жазу.

Кең жолды дәптерге жазу үлгісін көрсету.

Жж ЖЖЖ жжж жұлдыз жүлдегер жігерлі жеңіске жүлделі

Дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазады.

3.2.4.1 (Ө, Т, Ж, қ) Мәтінмен жұмыс.

«Өмір-уақыт» аңыз әңгімесі

Мұғалім аңызды әңгімелеп береді. (Қажет жағдайда қайта айтады)

Мақсаты: Оқушылардың тыңдалым дағдыларын дамыту, аңыздағы негізгі ойды анықтауға дағдыландыру.

Аңызды тыңда.

• Аңыз не туралы? Ондағы негізгі ойды анықта.
• Аңыз әңгімеден тірек сөздерді тап.
• Аңыз неліктен «Өмір-уақыт» деп аталған деп ойлайсың? Өз пікіріңмен бөліс.
• Өзің бос уақытыңда қандай істермен айналысасың?
• Аңыздан қандай ой түйдің?

(Оқушыларды топқа бөлу. Аңыздағы тірек сөздерді, негізгі ойды топта ақылдаса отырып, жазады.)

Тірек сөздермен жұмыс.

Тірек сөздерді қатыстырып сөйлем құрау. Әр сөйлем ішіндегі бір сөзді сөз құрамына талдау.

Бағалау дескрипторы:

• негізгі ойды анықтай алады;
• дәптерге қатесіз, сауатты жазады.

(МК; Ө, Т; Қ) Оқылым.

3.2.4.1; 3.1.7.1 5-жаттығу. Өлеңді мәнерлеп оқы.

Мұғалім өлеңді оқиды. Топтық жұмыс ұйымдастырылады.

Оқушыларға өлең мазмұны бойынша сұрақтарға жауап беріп, пікірлерін айту ұсынылады.

• Өлеңде қандай бала суреттелген деп ойлайсың?
• Ол жексенбі күні неліктен ауырып қалмады? Ойыңды бөліс.

Кейіпкер туралы өз пікіріңді айт.

Оқушылар топта өлеңде қандай бала суреттелгенін айтып, өз ойларымен бөліседі. Өлең кейіпкері туралы өз пікірлерін айтып, сұрақтар арқылы негізгі ойды анықтайды.

Әр топ стикерлерге кейіпкер туралы көзқарастарын жазып, постер құрастырады.

«Галереяны шарлау» стратегиясы бойынша рефлексия жасайды.

(Ұ; Ө; Қ) Сөздікпен жұмыс.

• Өлеңдегі қарамен жазылған сөздерге назар аудар. Олардың айтылуы мен жазылуын салыстыр.

«Дүйсенбі», «сейсенбі», «сәрсенбі», «бейсенбі», «сенбі», «жексенбі» сөздерінің айтылуы мен жазылуын салыстыр және жаз.

Бағалау дескрипторы:

• негізгі ойды анықтайды;
• қатар тұрған дауыссыз дыбыстардың өзара үндесуін сақтап айтады, қатесіз жазылуын қадағалайды;
• баланың іс әрекеттеріне баға береді;

Сергіту сәті. «Күн, жер, су» ойыны.

«Күн» дегенде қолдарын жоғары көтеріп, күнді бейнелейді.

«Жер» дегенде бір орында тұрып, аяқтарын кезек-кезек қозғайды.

«Су» дегенде қолдарымен толқынды бейнелейді.

3.1.7.1, 3.3.5.1 (Т, Ж; Ұ) 6-жаттығу. Кестемен жұмыс.

Оқушылар топқа бөлініп, кестені берілген үлгіге сүйеніп толықтырады. Топта идея алмасып, ой бөліседі.

• Дүйсенбек, Жұмагүл деп ат қою себебі неде деп ойлайсың?

Әр топтан бір оқушыдан шығып, ат қоюдың себебін, нақты дәлелдемелер келтіріп, айтады. Топта жазған адам аттарының қатесіз жазылуына мән береді, өзара тексереді. Қате болса түзетеді.

Бағалау дескрипторы:

- қатар тұрған дауыссыз дыбыстардың өзара үндесуін сақтап айтады, емлесін сақтап жазады;

- сөздердің қатесіз жазылуын тексеріп, қатесі болса, түзетеді.

3.1.7.1 (Ө; Ж; Қ) Шығармашылық үзіліс, 8-жаттығу. Жұмбақты оқып, шешуін тап. (Шешуі: аптаның жеті күні). Оқушылар сызбадағы апта күндерін атап, сол күндері не істегенің әңгімелейді. Өзара бағалау.

Бағалау дескрипторы:

- қарамен жазылған сөздерге назар аударып, олардың айтылуы

мен жазылуын салыстырады;

- қатар тұрған дауыссыз дыбыстардың өзара үндесуін сақтап айтады, емлесін сақтап жазады.

3.1.7.1, 3.3.5.1 (Ж, Ж) Саралау. «Қате болса, тауып көр» әдісі..

Мақсаты: Сөз ішінде қатар тұрған дауыссыз дыбыстардың өзара үндесуін сақтап айтуға дағдыландыру.

Маханбет, түнеугүні, жексембі, бүрсікүні, бейсенбі, жаздыгүні, күздігүні, қыстыкүні, Қартпағамбет, Сәндігүл.

(Оқушылар тапсырманы жұпта орындап, бірін-бірі тексереді, қатесін түзетеді.)

Бағалау дескрипторы:

- қатар тұрған дауыссыз дыбыстардың өзара үндесуін сақтап

айтады;

- берілген сөздердің қателерін түзетеді.

Рефлексия:

Үй тапсырма

«Мен бос уақытымды қалай өткіземін?» сұрағына жауап жазу.

Саралау– оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Топтық тапсырмаларды саралау бойынша беру.

Қабілеті жоғары оқушыларға одан әрі дамуы үшін көмек қажет ететін оқушыларға қайта түсіндіру арқылы қолдау көрсетіледі.

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1:

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?