3. Қазақ тілі 3-сынып 2-бөлім Жаманнан жирен, жақсыдан үйрен №19 сабақ Қаратпа сөз Дидактикалық материалдар

2-бөлім Жақсыдан үйрен, жаманнан жирен

Сабақ тақырыбы: Қаратпа сөз

Қосымша № 1

Балақай, гүлдерді жұлма!

Егін басына барғың келе ме, Дәурен?

Құлыным, мәдени өсімдіктерге не жататынын айта қойшы.

Биыл егін жинау науқанын, Дархан, сәтті аяқтай аламыз ба?

Қосымша №2

Қосымша №3

Қаратпа сөзі бар сөйлемнің сызбасы

Қосымша №4

Бидай мен Шырмауық

Қатар өсіп тұрған екі бидайдың бірінің басы күн өткен сайын ауырлап, әбден иіліп кетті. Ал қасындағысы басын көтеріп, тіп-тік тұр. Оны шырмауық орап алған. Бір күні тік тұрған Бидай:

- Шырмауық, күн өткен сайын өкпемді қыстың. Өрмелеп қайда барасың? – деп сұрады.

- Сені басып өтіп, анау Күнбағысқа жетсем деймін, - деді Шырмауық.

Сонда басы иіліп кеткен бидай сөзге араласты.

- Жыл сайын бойы бойшаңға жетем деп тыраштанасың, бірақ күз түсіп кетіп, жылда-жылда арманыңа жете алмай қурап қаласың. Кесірің көпке тиіп жатыр. Сен өкпесін қысып, бидайды өсірмей тастадың. Ал ол өсіп, өркендеп, ұрпағын көбейте алмай тұр. Мақсатыңа жету үшін жолдағының бәрін таптап, жаншып кетуіңді қашан қоясың?

- Қап бәлем, келесі көктемде ме, сені орап әбден қыспасам ба, ал өзің не бітіріп тұрсың, - деді кіжініп.

- Мен өкінбеймін, келесі көктемде мен бір жерде емес, мың жерде өсем. Ұрпағым көп. Соның бәрін орауға сенің жібің жете ме, ең бірінші соны ойласайшы, - деді.

- Жетеді! Бидай, мен сені тұқымыңмен құртам, - деп айқайлады Шырмауық.

Шырмауықтың даусын естіп қалған Адам бұлардың қасына келді. Ол Шырмауықты көріп;

- Қап, Бидайды өсірмей тастапты-ау! – деп Шырмауықты түбімен жұлып алып тастады.

Сонда тік өскен Бидай:

- Өзің үшін өзгеге жамандық ойлаймын деп, жарты жолда қалай мерт болғаныңды білмей қалдың-ау, бейшара, - деді.

Әдина Жүсіп