1.Қазақ тілі_3-сынып_1-бөлім_Жанды табиғат_Әңгімелеу мәтіні және оның құрылымдық бөліктері_ҚМЖ

Пән Қазақ тілі

Бөлімі Жанды табиғат

Тақырыбы Әңгімелеу мәтіні және оның құрылымдық бөліктері

Мектеп:

Күні:

Мұғалімнің аты-жөні:

Сынып: 3

Қатысқандар саны:

Қатыспаған оқушылар:

3.2.1.1 тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау

3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету

3.3.7.1 қаратпа, қыстырма сөздерді ажырату және тыныс белгілерін дұрыс қою

-Мәтін түрін ажыратады;

-Мәтіннің құрамды бөліктерін анықтайды;

-Қаратпа сөздерді ажыратады;

-Қаратпа сөздердің тыныс белгілерін қояды;

-Каллиграфиялық нормаларды сақтап жазады.

Пәндік терминология мен тірек сөздер

Мәтін, әңгімелеу мәтіні, мәтіннің құрылымдық бөліктері,қаратпа сөз, тыныс белгісі.

Сабақта диалог /жазу үшін пайдаланылатын тіл:

Талқылау үшін сұрақтар:

Қаратпа сөз деген не?

Әңгімелеу мәтіні деген не?

Маңдай тер деген не?

Табиғатты қорғауға баулу, еңбексүйгіштікке үйрету.

Дүниетану, әдебиеттік оқу.

Мәтін. Мәтін түрлері.

Сабақ барысы

Жоспарланған уақыт

Сабақта жоспарланғаніс-әрекет

Сабақтың басы

5 минут

5 минут

(Ө) Ұйымдастыру кезеңі. Оқушылардың зейінін сабаққа аудару. «Миға шабуыл» жүргізіледі. Оқушылар берілген сөзге сәйкес келмейтін сөзді табу қажет. Себебін түсіндіреді. Бұл тапсырма «иә», «жоқ» әдісі бойынша жүргізіледі.

Сағат – ұйықтайды, тұрды, жүреді, асығады.

Күн-жылиды, соғады, шашады, жарқырайды.

Жел-соғады, гуілдейді, үндемейді, құлатты;

Өзен-жүгіреді, ағады, қозғалады, жылжиды;

Тер –ағады,сорғалайды,тамады,өзгереді.

Сабақ тақырыбы және оқу мақсаттары таныстырылады. Оқушыларға бағалау критерийі айтылады.

Сабақтың ортасы

30 минут

5 минут

3 минут

5 минут

7 минут

1 минут

9 минут

(Т) 3.3.7.1 қаратпа, қыстырма сөздерді ажырату және тыныс белгілерін дұрыс қою.

Оқушылар қыздар мен ұлдар болып екі топқа бөлінеді.

1.Жәмила демалыста ауылға барды.

2.Жәмила, демалыста ауылға бардың ба?

3.Түлкі қарғаны мақтады.

4.Даусың неткен әдемі, қарға!

Берілген сөйлемдерді оқушылар зерттейді. Бұл жұмыс «Венн диаграммасы» арқылы жүргізіледі. «Венн диаграммасы» арқылы берілген сөйлемдердің ұқсастығы мен айырмашылығын анықтап, дәлелдеулер жасайды.

(МК).Мұғалім екінші мен төртінші сөйлемдегі сөздердің қаратпа сөз болатындығын түсіндіреді. Қаратпа сөздің ерекшелігін, тыныс белгісін түсіндіреді.

(Ж).Оқушыларға суреттер көрсетіледі. Суреттер бойынша ішінде қаратпа сөздері бар сөйлемдерді ауызша құрастырады. Ойлаған сөйлемдерін сызбамен көрсетеді.

Қабілеті жоғары оқушылардан сұралады:

- Қаратпа сөз сөйлеудің қай түрінде көбірек кездеседі: ауызша сөйлеуде ме, әлде жазбаша сөйлеуде ме? Неліктен олай ойлайсыңдар?

(Ө)3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету.

(Қ).«Көркем жазу минуты» жүргізіледі. Оқушылар жұмыс дәптерлеріне хабарлы сөйлемдерді қаратпа сөзі бар сөйлемдерге айналдырады.

Дескриптор:

- сөйлемдерді қатесіз көшіреді;

- бас әріп пен кіші әріптің биіктігін сақтайды;

- бас әріп пен кіші әріптің мөлшерін сақтайды;

- сөздерді, әріптерді үзбей, көлбеу жазады;

- әріптердің дұрыс байланысын көрсетеді.

-мәтіннен қаратпа сөздерді анықтайды;

-сөйлемдегі қаратпа сөздердің тыныс белгілерін дұрыс қояды.

Сергіту сәті. Оқушылар қимыл жаттығуларын жасайды.

Иілеміз оңға бір, иілеміз солға бір

Бір анда, бір мұнда, Өзінді өзін айнала.

Бас аяқты топ,топ, Шапалақтап хоп,хоп

Бір анда бір мұнда,Өзінді өзін айнала

Басымызды иеміз,би билейміз күлеміз,

Бір анда бір мұнда, Өзінді өзін айнала

(Т) 3.2.1.1 тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау.

Оқушылардан өткен материалдар еске түсіріледі.

- Мәтіннің қандай түрлерін білесіңдер?

- Әңгімелеу мәтінінң ерекшелігі қандай?

Оқушылар «Маңдай тер» мәтінін оқиды. (Авторы Б.Досымов «Балдырған» журналынан)

Мәтінді түсініп оқиды. Мәтін мазмұнымен жұмыс жүргізіледі. Оқушылардың мәтіндегі түсінбеген сөздерін белгілеу, соңғы екі сөйлем бойынша сұрақ қою және жауап беру жұмыстары ұйымдастырылады. Оқушылар мәтіннің түрін ажыратады. Түрлі түсті қарындаштармен мәтіннің құрылымдық бөліктерін (басы, ортасы, соңы) анықтайды.Қаратпа сөздерді табады.

-Маңдай тер деген не?

-Неліктен Хамит атасын құшақтады?

-Мәтіннің қай түріне жатады?

-Неліктен әңгімелеу мәтініне жатады?

- Оқиға неден басталды?

- Әрі қарай не болды?

- Соңы немен аяқталады?

Қабілеті жоғары оқушылар мәтін бойынша тірек сөздерді табады.

Дескриптор

-Мәтін түрін анықтайды;

-Мәтіннің құрылымдық бөліктерін ажыратады.

Сабақтың соңы

5 минут

Рефлексия

Мұғалім оқушыларға төмендегідей сұрақтар қояды. Оқушылар сұрақтарға ауызша жауап береді.

- Сіз өзіңіз үшін жаңа не білдіңіз?

- Сіз үшін не жеңіл болды?

- Сізге қай жерде көмек қажет болды?

- Сіздің қандай да бір сұрағыңыз бар ма?

Үй тапсырмасына жаңа материал туралы түсініктерін кеңейту үшін қаратпа сөзі бар бес сөйлем жазып келу тапсырылады. «Маңдай термен келген еңбек» туралы мысалдар ойлап келеді.

Қосымша ақпарат

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау - оқушылардың материалды меңгеру деңгейін қалай тексеруді жоспарлайсыз?

Денсаулық пен қауіпсіздік техникасының сақталуы

Оққушылар тапсырмалар, оқулық, жұмыс дәптерінің нұсқаулығымен өзіндік, топтық жұмыстар арқылы әрекет етеді. Мұғалімнің бағыттауы бойынша қажетті ақпаратты алады. Білімді бекіту кезеңінде қабілеті төменірек оқушыларға әртүрлі қолдау көрсетіледі.

Қабілеті жоғары оқушылар мәтіннен тірек сөздерді табады және сыни тұрғыдан ойлануға сұрақтар беріледі.

Оқу мақсаты бойынша алған білімді қорытынды бағалау жүргізілді. Ұғыну кезеңінде оқушылар объектілерді білу, түсіну, қолдану дағдысын бағалау мүмкіндігін беретін критерийлер бойынша бағаланады. Сабақта жеткен жетістіктеріне ой қорытады.

Сергіту сәтін жүргізу кезіндегі және жазу кезіндегі қауіпсіздік ережесі айтылады.