Қазақ тілі және әдебиет_2 - сынып _7 – бөлім_Табиғат пен қоршаған орта_Оқиғаны мазмұндау_Қысқа мерзімді жоспар

Пән:Қазақ тілі және әдебиет

Ұзақ мерзімді жоспар бөлімі:

Бөлім: 7 – бөлім «Қоршаған орта»

Мектеп: Көкшетау қаласы Назарбаев Зияткерлік мектебі

Тоқсан: Мұғалімнің аты-жөні :

Сынып: 2

Қатысқандар:

Қатыспағандар саны:

Қоршаған ортаны танып білемін.

2.3.4.1 мұғалімнің көмегімен оқыған, тыңдаған және аудиовизуалды материалдар бойынша тірек сөздерді пайдалана отырып, қысқа жазба/мазмұндама жазу

2.2.7.1 мұғалімнің көмегімен көркем шығармадағы оқиғаның басталуын, дамуын мен аяқталуын анықтау

Тыңдаған материал бойынша тірек сөздер арқылы мазмұндама жазу; оқиғаның басталуын, дамуы мен аяқталуын анықтау.

*Мазмұндама жазуда тірек сөздерді тиімді қолданады.

*Мәтіннің басталуын, дамуын, аяқталуын анықтайды.

Тақырыпқа қатысты сөздер мен сөз тіркестерін меңгереді, Жануарлар, суда жүзетін, құрлықтағы, сүтқоректі, құстар, қоршаған орта, т.б.

Сабақ барысында оқушылардың бір – бірін тыңдау, көмектесу, жұптасып тапсырма орындау, диалогтық сөйлесу мәдениеті қалыптасады. Ынтымақтастық, құрмет, еңбек және шығармашылық құндылықтарын дарыту.

Берілген тақырыпқа байланыст танысытырылым және өздік жұмыстарын орындау арқылы АКТ пәнімен байланыс орнайды.

Оқушылар сурет бойынша сөйлем құрып, шағын мәтін жазады. Ойын жеткізуде сөйлемді дұрыс құруға қалыптасады.

Сабақ барысы

Сабақта жоспарланған іс-әрекет

(Ұ) Психологиялық дайындық

Мақсаты:Сыныпта жайлы ахуал орнату.

Оқушылар қазақ тақтадағы өлең жолдарын оқиды, бір-біріне сәттілік тілейді.

-Балалар, қандай үлкен әрі қызықты бөлімді бастадық?

-Бүгінгі сабағымыз қоршаған ортамен байланысты болады.Оны бейнекөрініс арқылы білеміз

-Бүгінгі сабақта не істейміз деп ойлайсыңдар?

Сабақтың тақырыбы мен мақсатын хабарлау.

Мақсаты бойынша критерийлерді анықтау.

(Ұ,Т)Мәтінді мұқият тыңдаңыз.

Астананы көру Гүлзаттың арманы болатын. Ата-анасы жазда Астанаға апаруды жоспарлап та қойған. Міне, жазғы демалыс та басталды. Шілде айының ортасында олар отбасымен бас қалаға жол тартты. Астанаға пойызбен келді.

Жазғы Астана өте әдемі екен. Көшелері түрлі гүлдерге толы. Биік ағаштар жайқалып тұр. Қаланың көшелері таза, кең. Әдемі ғимараттар көп. Қаланың ортасын Есіл өзені бөліп жатыр. Астана үлкен әрі көрікті қала екен.

Гүлзатқа Астана қаласы қатты ұнады. Ол жақсы демалып қайтты.

(Ұ,Қ)Сұрақ-жауап

-Мәтін не туралы?

-Мәтіннің басты кейіпкері кім?

-Мәтін немен басталды?

-Оқиға немен жалғасты?

-Мәтін немен аяқталды?

Оқушылардың жауаптарын тыңдау, мадақтау.

(Т,Ж,Қ)Сұрақтардың көмегімен мәтін бойынша жоспар құру.

Мақсаты:Мәтін мазмұны бойынша жоспар құра алу қабілеттерін дамыту.

(Ө,Қ)Тірек сөздерді қолданып, мәтіннің мазмұнын жазу.

Мақсаты:Оқушылардың ойлау, есте сақтау қабілеттерін дамыту, сауатты жазу дағдыларын жетілдіру.

Тірек сөздер: жазғы демалыс,Гүлзат, арман, Астана, үлкен, әдемі, таза, кең, ғимараттар, өзен, жақсы демалу.

Дескриптор Білім алушы

• • сұрақтардың негізінде мәтінге жоспар құрады;
  • мәтіннің мазмұнын жоспарға сәйкес жазады;
  • тірек сөздерді орынды қолданады;
  • мәтіннің құрылымдық жүйесін сақтап жазады;
  • сөйлемдердің құрылымын сақтайды;
  • сөйлемдерді сауатты жазады.

Оқушылар топта отырып, жазған мазмұндамаларын оқиды. Жұмыстарымен ауысып, бір-бірін тексеріп, дескрипторлар бойынша мұғалімнің көмегімен бағалайды.

(Ө,Қ)Гүл шоғын жасау.

Мақсаты:Оқушылардың білімдерін бекіту, сабақты қорытындылау.

Оқушыларға стикер-гүлдер беріледі.Астана қаласына арнап тілек жазу ұсынылады.Барлық тілектер оқылып, гүл шоғы қылып жапсырылады.

Рефлексия.

-Бүгінгі сабақта не білдік?

-Не қызықты болды?

-Не түсініксіз болды?

Өзін бағалау:Оқушылар «+» таңбасы арқылы сабақ басында құрылған критерийлер бойынша өздерін бағалайды.

Бағалау – оқушылардың материалды меңгеру деңгейін тексеру жоспарыңыз?

Оқушыларға берілген тапсырмалар арқылы әр баланың сабақты қаншалықты қабылдағанын бақылаймын.